Smartphone Under 10K: కొత్త స్మార్ట్‌ఫోన్‌ కోసం ప్లాన్‌ చేస్తున్నారా.? రూ. 10 వేలలోపు ఉన్న బెస్ట్‌ ఫోన్స్‌ ఇవే..
Smartphone Under 10K: స్మార్ట్‌ ఫోన్‌ తయారీ రంగంలో పెరుగుతోన్న పోటీ కారణంగా రోజుకో కొత్త స్మార్ట్‌ ఫోన్‌ మార్కెట్లో సందడి చేస్తోంది. ఈ నేపథ్యంలో రూ. 10 వేల లోపు అందుబాటులో ఉన్న కొన్ని బెస్ట్‌ఫీచర్లతో కూడిన ఫోన్లపై ఓ లుక్కేయండి..
తక్కువ ధరలో మంచి ఫీచర్లతో కూడిన స్మార్ట్‌ ఫోన్‌ను కొనుగోలు చేయాలనుకుంటున్నారా.? అయితే రూ. 10వేల లోపు అందుబాటులో ఉన్న మంచి ఫీచర్లతో కూడిన స్మార్ట్‌ఫోన్లు, వాటీ ఫీచర్లపై ఓ లుక్కేయండి..
Realme Narzo 30A: ఈ స్మార్ట్‌ ఫోన్‌ రూ. 8,999కి అందుబాటులో ఉంది. ఈ ఫోన్‌లో 6.5 అంగుళాల డిస్‌ప్లేతో పాటు మీడియా టెక్‌ హీలియో జీ85 ఎస్‌ఓసీ ప్రాసెసర్‌ను అందించారు. 13 మెగా పిక్సెల్‌ రెయిర్‌ కెమెరాతో పాటు 8 మెగాపిక్సెల్‌ సెల్ఫీ కెమెరాను అందించారు. దీంతో పాటు 6000 ఎమ్‌ఎహెచ్‌తో కూడిన శక్తివంతమైన బ్యాటరీని అందించారు.
Motorola Moto E7 Plus: రూ. 10వేల లోపు అందుబాటులో ఉన్న బెస్ట్‌ ఫోన్స్‌లో మోటోరోలో మోటో ఈ7 ప్లస్‌ ఒకటి. ఈ ఫోన్‌ ధర రూ. 8,999కి అందుబాటులో ఉంది. ఇందులో 6.5 ఇంచెస్‌ డిస్‌ప్లేతో పాటు క్వాల్కమ్‌ స్నాప్‌డ్రాగన్‌ 460 ఎస్‌ఓసీ ప్రాసెసర్‌ను ఇచ్చారు. ఇక కెమెరా విషయానికొస్తే ఇందులో 48 మెగా పిక్సెల్‌ రెయిర్‌ కెమెరాతో పాటు, సెల్ఫీల కోసం 8 మెగాపిక్సెల్‌ ఫ్రంట్‌ కెమెరాను అందించారు.
Realme C25: ఈ స్మార్ట్‌ ఫోన్‌ రూ. 9,999కి అందుబాటులో ఉంది. ఈ స్మార్ట్‌ ఫోన్‌లో 720x1600 పిక్సెల్స్‌తో కూడిన 6.5 అంగుళాల డిస్‌ప్లేను అందించారు. 13 మెగా పిక్సెల్‌ రెయిర్‌ కెమెరాతో పాటు 8 మెగాపిక్సెల్‌ సెల్ఫీ కెమెరాను అందించారు. ఇక ఈ ఫోన్‌లో 6000 ఎమ్‌ఎహెచ్‌ బ్యాటరీని అందించారు.
Micromax In 2b: దేశీయ స్మార్ట్‌ ఫోన్‌ కంపెనీ మైక్రోమ్యాక్స్‌కు చెందిన ఈ ఫోన్‌లో మంచి ఫీచర్లు ఉన్నాయి. ఈ స్మార్ట్‌ ఫోన్‌ రూ. 8499కి అందుబాటులో ఉంది. ఈ స్మార్ట్‌ఫోన్‌లో 6.25 అంగుళాల డిస్‌ప్లేను అందించారు. ఇక కెమెరా విషయానికొస్తే 13 మెగాపిక్సెల్‌ రెయిర్‌ కెమెరాతో పాటు 5 మెగాపిక్సెల్‌ సెల్ఫీ కెమెరాను అందించారు. 5000 ఎమ్‌ఏహెచ్‌ బ్యాటరీ ఈ ఫోన్‌ సొంతం.