Whats App Pink Colour: పింక్ క‌ల‌ర్‌లోకి వాట్సాప్ అంటూ లింక్ వ‌చ్చిందా.. క్లిక్ చేస్తే మీ ప‌ని అంతే..
Whats App Pink Colour: సైబ‌ర్ నేర‌గాళ్లు నెటిజ‌న్ల‌ను మోసం చేసేందుకు రోజుకో కొత్త పంథాను ఎంచుకుంటున్నారు. ఈ క్ర‌మంలోనే తాజాగా వాట్సాప్ పింక్ పేరుతో ఓ లింక్‌ను స‌ర్క్యూలేట్ చేస్తున్నారు. ఒక‌వేళ ఈ లింక్‌ను క్లిక్ చేస్తే..
ఇంట‌ర్నెట్ వినియోగం పెరిగిన‌ప్ప‌టి నుంచి సైబ‌ర్ నేరాలు కూడా అదే స్థాయిలో పెరుగుతున్నాయి.
ప్ర‌పంచంలోనే ఏదో మూల‌న కూర్చొని మ‌న ఖాతాలోని డ‌బ్బులను కాజేస్తున్నారు కేటుగాళ్లు. ఇందుకోసం ర‌క‌ర‌కాల మార్గాల‌ను ఎంచుకుంటున్నారు.
ఈ క్ర‌మంలోనే తాజాగా వాట్సాప్‌ను ఉప‌యోగించుకొని కొంద‌రు సైబ‌ర్ నేర‌గాళ్లు యూజ‌ర్ల‌ను మోసం చేసే ప్ర‌య‌త్నం చేస్తున్నారు.
గ్రీన్ క‌ల‌ర్‌లో ఉన్న వాట్సాప్‌ను పింక్ క‌ల‌ర్‌లోకి మార్చుకోవాలంటే ఈ లింక్‌ను క్లిక్ చేయాల‌ని ఓ మెసేజ్ వాట్సాప్‌లో వైరల్ అవుతోంది.
ఒక‌వేళ ఈ లింక్‌ను క్లిక్ చేశామంటే మీ ఫోన్‌లో ఉన్న స‌మాచార‌మంతా సైబ‌ర్ నేర‌గాళ్ల చేతుల్లోకి వెళ్లిపోతుంద‌ని నిపుణులు హెచ్చ‌రిస్తున్నారు.
ఒక‌వేళ మీరు ఇప్ప‌టికే ఈ లింక్‌ను క్లిక్ చేసి ఉంటే.. వెంట‌నే మీ ఫోన్‌ను రిసెట్ చేసుకోండి. అదే విధంగా మీ బ్యాంకు ఖాతాల, సోష‌ల్ మీడియా అకౌంట్ల పాస్‌వ‌ర్డ్‌ల‌ను మార్చుకోవాల‌ని సూచిస్తున్నారు.