ఉగాది ప్రసాదంలో చేదుగా ఉన్నా, వేప పువ్వునే ఎందుకు ఉపయోగిస్తారో తెలుసా?
ఏలూరు: ఉగాది వచ్చేసింది. ప్రతి పండుగకు నోరు తీపి చేసుకుంటాము. కానీ ఉగాది రోజు తీసుకునే ప్రసాదం లో మాత్రం చేదుగా ఉండే వేప పువ్వును కూడా కలిపి తీసుకుంటాము. భారతదేశం లోని కొన్ని ప్రాంతాల్లో అయితే వేపాకును కూడా ఉగాది పచ్చడిలో కలుపుతారు.
హిందువుల పండుగలలో ముఖ్యమైన పండుగ ఉగాది. ఈ రోజును రెండు తెలుగు రాష్ట్రాల జరుపుకుంటారు. కొత్త పనులు ప్రారంభించి మంచిగా ఉండాలని దేవుడికి పూజలు చేస్తారు. అయితే, ఈ సారి కొందరికి అనుకూలంగా ఉంటే మరి కొందరికి ప్రతి కూలంగా ఉంటుంది.
మరో రెండు రోజుల్లో ఉగాది పండుగను జరుపుకోనున్నారు. ఈ పండుగ రోజు అందరికి ముందు గుర్తొచ్చేది ఉగాది పచ్చడి. ఆరు రుచులతో ఈ పచ్చడిని ప్రత్యేకంగా తయారు చేస్తారు. ఏడాది మొత్తం లాభ నష్టాలు, మంచి చెడులను ఒకే తీరుగా తీసుకోవాలనే ముఖ్య ఉద్దేశంతో ఉగాది పచ్చడిని తయారు చేస్తారు.
ఉగాది పచ్చడి తీపి, పులుపు, ఉప్పు, కారం, చేదు, వగరు అనే ఆరు రుచులు లతో తయారు చేస్తారు. ఈ రుచులు కోసం వేపపువ్వు , చెరకు, అరటిపళ్ళు, మామిడికాయలు, చింతపండు, జామకాయ, బెల్లం మొదలైనవి వాడతారు. హిందువులు అత్యంత విశిష్టమైన ఉగాది పండుగను ఆంధ్రప్రదేశ్, తెలంగాణ, కర్ణాటక, తమిళనాడు, కర్ణాటక తదితర ప్రాంతాల్లో వైభవంగా జరుపుతారు.
ఉగాది పచ్చడి ఆస్వాదించిన తరువాత పంచాగ శ్రవణము, మిత్ర దర్శనము, గోపూజ, ఏరువాక అనబడే ఆచారాలు జరుపుతారు. మనిషి జీవితంలో భావోద్వేగం చాలా కీలకమైనది. సంతోషంగా ఉండే సమయంలో ముఖంలో కనిపించే సంతోషం, విషాదంలో కన్నీరు, కోపం- ఆవేశం ఇలా ప్రతి ఒక్కటి వ్యక్తిగత జీవితాలను ప్రభావితం చేస్తుంటాయి. అయితే జీవితం అంటే సుఖ దుఃఖాలు మాత్రమే కాదు, కష్ట నష్టాలు కూడా ఉంటాయి. వాటిని ఎదుర్కోవడం, జీవితాన్ని సమన్వయం చేసుకుంటూ పోతేనే విజయం లభిస్తుంది.
అలా మనిషి అతడి మనస్సు సిద్ధ మవ్వాలంటే చేదు, పులుపు, వగరు వంటి పదార్ధాలను స్వీకరించాలి. అయితే జీవితం షడ్రుచుల సమ్మేళనం అనే కాదు వైద్య పరంగానూ వేప పువ్వు, ఆకులను తీసుకోవటం వల్ల ఈ కాలం లో మనిషి పై దాడి చేసే క్రిముల నుంచి రక్షణ దొరుకుతుంది. వేప యాంటీబయాటిక్ అనేది పూర్వమే పెద్దలు గుర్తించి ఆహారంలో తీసుకోమని చెప్పారు.