ఈ సంత్సరంలో చివరి బుధ సంచారం.. పాపం వీరి భవిష్యత్తు ఆగమాగమే!
జ్యోతిష్య శాస్త్రంలో గ్రహాల సంచారం, గ్రహాల కలయిక అనేది కామన్. కొన్ని గ్రహాలు ప్రతి నెలకు ఒకసారి సంచారం చేస్తే, కొన్ని ఆరు నెలలకు ఒకసారి, మరికొన్ని గ్రహాలు సంవత్సరానికి ఒకసారి సంచారం చేస్తుంటాయి. అయితే 2025, ఈ సంవత్సరంలో చివరి మాసంలో బుధ గ్రహం సంచారం చేయనుంది. దీని వలన కొన్ని రాశుల వారికి కష్టాలు నష్టాలు ఎదురు కానున్నాయి. ఇంతకీ ఆ రాశులు ఏవో ఇప్పుడు చూద్దాం.
బుధ గ్రహం ఈ సంవత్సరం డిసెంబర్ 29న ధనస్సు రాశిలోకి సంచారం చేయనుంది. ఈ సంవత్సరంలో ఇదే చివరి బుధ సంచారం. బుధ గ్రహం జనవరి 17వరకు అదే రాశిలో ఉంటాడు. దీని వలన కొన్ని రాశుల వారు అధిక ఒత్తిడి, ఆందోళన, అనారోగ్య సమస్యల బారినపడటం జరుగుతుందంట. అంతే కాకుండా వీరికి ఏ పని చేసినా కలిసిరాదంట. ఇంతకీ ఆ రాశులు ఏవి అంటే?
కర్కాటక రాశి : కర్కాటక రాశి వారికి అనుకోని ఇబ్బందులు తలెత్తుతాయి. కార్యాలయాల్లో ఉన్నతాధికారుల నుంచి ప్రెషర్ పెరుగుతుంది. ఆర్థికంగా నష్టపోవాల్సి వస్తుంది. ఆదాయం తగ్గిపోతుంది. ఇతరులతో మాట్లాడే సమయంలో జాగ్రత్తపడాలి లేకపోతే సమస్యల్లో చిక్కుకుంటారు. భవిష్యత్తు గురించి ఈ సమయంలో తొందరపడి ఎలాంటి నిర్ణయాలు తీసుకోకపోవడమే మంచిది.
వృషభ రాశి : వృషభ రాశి వారికి 2025లో చివరి బుధ సంచారం వలన అనుకోని ఇబ్బందులు ఎదురు అవుతాయి. ఆర్థికంగా చాలా నష్టపోతారు. ఖర్చులు అధికం అవుతాయి. అనుకోని ప్రయాణాలు చేయాల్సి వస్తుంది. ఇవి నష్టాన్ని మిగిల్చుతాయి. అనారోగ్య సమస్యలు తప్పవు.
తుల రాశి : తుల రాశి వారికి మానసిక ప్రశాంతత లోపిస్తుంది. కుటుంబంలో సమస్యలు ఇబ్బందులకు గురి చేస్తాయి. ఆరోగ్యం దెబ్బతినడం జరుగుతుంది. ఏ పని చేయాలి అనుకున్నా ఆటంకాలు ఎదురు అవుతాయి. ఆఫీసులో సీనియర్స్ నుంచి ప్రెషర్ పెరగడం, ఆర్థిక ఇబ్బందులు సమస్యలను తీసుకొస్తాయి.
మీన రాశి : మీన రాశి వారికి బుధ సంచారం కారణంగా ఆర్థికంగా ఎక్కువగా నష్టపోతారు. ఖర్చులు అధికం అవుతాయి. పనుల్లో ఆలస్యం అవుతుంది. కష్టానికి తగిన ఫలితం ఉండదు. ప్రయాణాల్లో జాగ్రత్త అవసరం. ఆకస్మిక నిర్ణయాలు మిమ్మల్ని ఇబ్బందుల్లోకి నెట్టివేస్తాయి.