Monsoon Travel Tips: వర్షాకాలంలో సోలో ట్రిప్‌కి వెళ్తున్నారా? ఈ జాగ్రత్తలు తీసుకోలేదో చిక్కుల్లో పడతారు
కొంత మందికి వర్షంలో సోలో ట్రావెల్‌ చేయడం చాలా ఇష్టం. ఎంత వర్షం కురిసినా ఇష్టమైన ప్రదేశాలను వీక్షించేందుకు అస్సలు వెనకాడరు. వర్షాకాలం అంటేనే నీళ్లు, బురద, దోమలు, ప్రతికూల వాతావరణం.. ఎప్పుడు ఏం జరుగుతుందో తెలియని పరిస్థితి. ఇలాంటి టైంలో ప్రయాణానికి వెళుతున్నప్పుడు కొన్ని జాగ్రత్తలు తప్పక తీసుకోవాలి. లేకపోతే ప్రమాదం ఏర్పడవచ్చు..
కొంత మందికి వర్షంలో సోలో ట్రావెల్‌ చేయడం చాలా ఇష్టం. ఎంత వర్షం కురిసినా ఇష్టమైన ప్రదేశాలను వీక్షించేందుకు అస్సలు వెనకాడరు. వర్షాకాలం అంటేనే నీళ్లు, బురద, దోమలు, ప్రతికూల వాతావరణం.. ఎప్పుడు ఏం జరుగుతుందో తెలియని పరిస్థితి. ఇలాంటి టైంలో ప్రయాణానికి వెళుతున్నప్పుడు కొన్ని జాగ్రత్తలు తప్పక తీసుకోవాలి. లేకపోతే ప్రమాదం ఏర్పడవచ్చు.
వర్షాకాలంలో బయటకు వెళ్లేటప్పుడు చాలా జాగ్రత్తలు తీసుకోవాలి. వర్షాకాలంలో చాలా మందికి జ్వరం, జలుబు, దగ్గు వస్తుంటాయి. దీని కారణంగా, పబ్లిక్‌ ట్రావెల్‌ బస్సుల్లో సంక్రమణ ప్రమాదం మరింత పెరుగుతుంది. జబ్బుపడిన వ్యక్తి తుమ్ముల వల్ల నీటి 'చుక్కలు' ఎక్కడైనా పడవచ్చు. అందుకే బయటికి వెళ్లివచ్చాక సబ్బుతో తరచుగా చేతులు కడుక్కోవాలి.
వర్షాకాలంలో జ్వరం, జలుబు, దగ్గు వంటి వ్యాధిగ్రస్తుల నుంచి అంటువ్యాధులు రాకుండా ఉండాలంటే మాస్క్‌లు వాడడం మంచిది. అన్ని వేళలా ధరించకపోయినా రైళ్లలో, బస్సుల్లో లేదా కార్లలో తోటి ప్రయాణికుల తుమ్ముల నుంచి మిమ్మల్ని రక్షించుకోవడానికి.. ప్రయాణించేటప్పుడు మాస్క్ తస్పనిసరిగా ధరించడం మంచిది.
ప్రయాణంలో నీరు త్రాగడం వల్ల ఇన్ఫెక్షన్ వచ్చే అవకాశం ఉంది. మార్గం మధ్యలో దుకాణం, రెస్టారెంట్‌లలో నీళ్లను తాగడం సరికాదు. మినరల్ వాటర్ వంటి సీల్‌ చేసిన నీళ్లు తాగడం మంచిది. వర్షాకాలంలో ఉదర వ్యాధులు ఎక్కువగా వస్తుంటాయి. నీటి వల్ల ఇన్ఫెక్షన్ వస్తుందనే భయం కూడా ఉంటుంది. అందుచేత ప్రయాణం చేసేటప్పుడు వీధుల్లో ఆహారం కొని తినడం సరికాదు. శుభ్రమైన హోటల్ లేదా రెస్టారెంట్‌లలో మాత్రమే ఆహారం కొనడం మంచిది. వర్షాకాలంలో వర్షంలో ట్రావెల్‌ చేసే వారు తమతోపాటు గొడుగులు, మాన్‌సూన్ షూలను ఎల్లప్పుడూ తీసుకెళ్లాలి. త్వరగా ఆరిపోయే దుస్తులను ఎంచుకోవాలి.
వర్షాకాలంలో దట్టమైన అడవుల్లో ప్రయాణించడం ప్రమాదకరం. తేలికపాటి అటవీ ప్రాంతాలలో ప్రయాణం చేయడం బెటర్‌. అలాగే దోమల నుంచి రక్షణ పొందాలి. లేదంటే మలేరియా, డెంగ్యూ వచ్చే ప్రమాదం ఉంది. కీటకాలను నివారించడానికి పూర్తి చేతులు, ప్యాంటు వంటి బట్టలు ధరించడం మంచిది. వర్షాకాలంలో ప్రయాణించేటప్పుడు జ్వరం, జలుబు, దగ్గు, కడుపునొప్పి, అజీర్తి వంటి వాటికి సంబంధించిన జనరల్ మందులు తీసుకెళ్లడం మర్చిపోవద్దు. ప్రయాణంలో ఏదైనా అనారోగ్యంగా ఉంటే ఈ మందులు ఉపయోగపడతాయి.