Tomato: చుండ్రు తగ్గాలన్నా.. జుట్టు పెరగాలన్నా.. టమాటాలను ఇలా వాడితే మ్యాజిక్ చూస్తారు..!
ప్రస్తుత కాలంలో జుట్టు రాలడం అనేది ఒక సాధారణ సమస్యగా మారిపోయింది. చాలా మంది చిన్న వయసులోనే జుట్టు రాలిపోవడం, తెల్ల వెంట్రుకల సమస్యతో ఇబ్బంది పడుతున్నారు. మీరు కూడా ఇదే సమస్యతో బాధపడుతూ ఉంటే టమాటా రసంతో మీ రాలిపోయిన జుట్టు స్థానంలో తిరిగి పెరిగేలా చేసుకోవచ్చు అంటున్నారు నిపుణులు. టమాటాలో అవసరమైన విటమిన్లు, ఖనిజాలు, యాంటీ ఆక్సిడెంట్లు పుష్కలంగా ఉంటాయి. ఇవి వెంట్రుకలకు పోషణను అందిస్తాయి. జుట్టు కుదుళ్లను బలోపేతం చేస్తాయి. ఊడిపోతున్న జుట్టు స్థానంలో తిరిగి వెంట్రుకలు మొలిచేలా చేస్తాయి. దీనికోసం టమాటా రసాన్ని ఎలా ఉపయోగించాలో ఇక్కడ తెలుసుకుందాం..
టమాటా రసంలో విటమిన్ సి పుష్కలంగా ఉంటుంది. ఇది కొల్లాజెన్ ఉత్పత్తిని పెంచుతుంది. జుట్టు పెరుగుదలకు అత్యవసరమైన ప్రోటీన్ కొలాజెన్ ను అందిస్తుంది. టమాటాలో లైకోపీన్ ఫ్రీ రాడికల్స్ వల్ల కలిగే నష్టాన్ని అడ్డుకుంటుంది. ఇది శక్తివంతమైన యాంటీ ఆక్సిడెంట్ గా పనిచేస్తుంది.
అలాగే టమాటాలో విటమిన్ ఏ అధికంగా ఉంటుంది. ఇది సెబమ్ ఉత్పత్తిని ప్రేరేపిస్తుంది. ఇది ఆరోగ్యకరంగా జుట్టు పెరిగేలా చేస్తుంది. అలాగే టమాటా లో ఉండే బయోటిన్, జింక్ వంటివి జుట్టు బలాన్ని మెరుగుపరుస్తాయి. ఇవి జుట్టు పలుచబడకుండా తిరిగి పెరిగేలా చేస్తాయి.
టమాటాల్లో సహజమైన ఆమ్లాలు ఉంటాయి. ఇవి మాడు పీహెచ్ బ్యాలెన్స్ నిర్వహించడానికి ఉపయోగపడతాయి. చుండ్రును తగ్గించి జుట్టు తిరిగి పెరగడానికి మేలు చేస్తాయి. టమాటా ఉపయోగించడం వల్ల ఇందులో విటమిన్ సి హెయిర్ ఫొలికల్స్ బలంగా మారుస్తాయి. అంతేకాదు టమాటాలు యాంటీ ఆక్సిడెంట్లు ఉంటాయి. ఫ్రీర్యాడికల్ డ్యామేజ్ కాకుండా కాపాడుతాయి. టమాటా పీహెచ్ స్థాయిలను అదుపులో ఉంచుతాయి. ఆక్సిడేటివ్స్ స్ట్రెస్ నుంచి కాపాడుతుంది. చుండ్రును తక్షణమే తగ్గించేస్తుంది.
టమాటాను కలబందతో కూడా కలిపి జుట్టు అంతటికీ అప్లై చేయొచ్చు. ఇలా చేయడం వల్ల చుండ్రు తగ్గిపోతుంది. ఇందుకోసం రెండు స్పూన్ల టమాటా రసాన్ని తీసుకోండి. దీనిలో ఒక టేబుల్ స్పూన్ అలోవెరా జెల్ కలపండి. ఇది పేస్ట్ లాగా అవుతుంది. ఈ మెత్తని పేస్ట్ను జుట్టుకు బాగా పట్టించాలి.. 45 నిమిషాల పాటు అలా వదిలేయండి. ఆ తర్వాత తలస్నానం చేసి శుభ్రం చేసుకోండి. కలబంద నెత్తి మీద ఉన్న చర్మాన్ని శుభ్రం చేసి ఇన్ఫ్లమేషన్ ను తగ్గిస్తుంది. జుట్టు తిరిగి పెరగడాన్ని ప్రోత్సహిస్తుంది.
టమోటా రసం - వారానికి ఒకసారి టమోటా రసం తాగాలి. టమోటాలలో చర్మాన్ని తాజాగా ఉంచే యాంటీఆక్సిడెంట్లు పుష్కలంగా ఉంటాయి. టమోటా రసం తాగడం వల్ల మీ చర్మం కూడా మెరుస్తుంది.