Hair Care Oils: జుట్టు కుదుళ్లను బలపరిచే ఓ మ్యాజిక్ ఆయిల్.. వారానికి 2 సార్లు వాడితే సరి!
వర్షాకాలం వచ్చిందంటే జుట్టు రాలే సమస్య మరింత పెరుగుతుంది. సీజన్లో తేమతో కూడిన వాతావరణంలో వివిధ రకాల ఇన్ఫెక్షన్లు తలలో తిష్టవేస్తాయి. చుండ్రు కూడా మరింత పెరుగుతుంది. అందుకే వర్షాకాలం రాగానే జుట్టు రాలడం మొదలవుతుంది. కానీ సకాలంలో సరైన జాగ్రత్తలు తీసుకోకుంటే వెంట్రుకలు విపరీతంగా రాలిపోతాయి. నల్లని ఒత్తైన జుట్టు పొందడానికి చాలా మంది క్రమం తప్పకుండా జుట్టుకు నూనె రాస్తుంటారు...
వర్షాకాలం వచ్చిందంటే జుట్టు రాలే సమస్య మరింత పెరుగుతుంది. సీజన్లో తేమతో కూడిన వాతావరణంలో వివిధ రకాల ఇన్ఫెక్షన్లు తలలో తిష్టవేస్తాయి. చుండ్రు కూడా మరింత పెరుగుతుంది. అందుకే వర్షాకాలం రాగానే జుట్టు రాలడం మొదలవుతుంది. కానీ సకాలంలో సరైన జాగ్రత్తలు తీసుకోకుంటే వెంట్రుకలు విపరీతంగా రాలిపోతాయి. నల్లని ఒత్తైన జుట్టు పొందడానికి చాలా మంది క్రమం తప్పకుండా జుట్టుకు నూనె రాస్తుంటారు. కొబ్బరి నూనె, ఆలివ్ నూనె, బాదం నూనె.. వంటి పలు రకాలు నూనెలు రాస్తుంటారు. ఇవే నూనెల ప్రభావాన్ని మరింత పెంచాలనుకుంటే ఇందులో కొన్ని విత్తనాలను కలపాలి.
ఈ ప్రత్యేకమైన నూనెను ఇంట్లోనే తయారు చేసుకోవచ్చు. ఇందులో అవసరమైన కొవ్వు ఆమ్లాలు, విటమిన్లు, యాంటీఆక్సిడెంట్లు ఉంటాయి. ఇది జుట్టుకు పోషక ఇచ్చి,శిరోజాలను ఆరోగ్యంగా ఉంచుతుంది. జుట్టు రూట్ బలంగా ఉంటుంది. కొత్త జుట్టు కూడా పెరుగుతుంది. ఈ నూనెను తయారు చేయడానికి, 2 టేబుల్ స్పూన్ల గుమ్మడి గింజల నూనె, 1 టీస్పూన్ విటమిన్ ఇ నూనె, 1 టేబుల్ స్పూన్ లిన్సీడ్ ఆయిల్, నల్ల జీలకర్ర నూనె అవసరం. కావాలనుకుంటే, రోజ్మేరీ ఎసెన్షియల్ ఆయిల్ ఐదు చుక్కలను జోడించవచ్చు.
గుమ్మడి గింజలు, విటమిన్ ఇ ఆయిల్, లిన్సీడ్ ఆయిల్, నల్ల జీలకర్ర నూనెలను ఒక్కొక్కటిగా ఒక గాజు సీసాలో వేసి కలుపుకోవాలి. బాగా కలిపిన తర్వాత ఐదు చుక్కల రోజ్ మేరీ ఆయిల్ వేయాలి. అన్ని పదార్ధాలను మిక్స్ చేసి బాగా కదిలించితే.. మ్యాజిక్ ఆయిల్ సిద్ధం అయినట్లే.
ఈ నూనె అరచేతిలో తీసుకుని, చేతివేళ్లతో తలపై సున్నితంగా మసాజ్ చేయాలి. 5-10 నిమిషాలు మసాజ్ చేయాలి. ఇది తలలో రక్త ప్రసరణను పెంచుతుంది. ఆక్సిజన్, పోషకాలు జుట్టు కుదుళ్లకు చేరుతాయి. ఫలితంగా జుట్టు కుదుళ్లు బలంగా మారతాయి.
జుట్టుకు నూనె రాసుకున్న 30 నిమిషాల తర్వాత షాంపూతో తలస్నానం చేయాలి. ఈ నూనెతో వారానికి 1-2 రోజులు మసాజ్ చేయండి. ఈ నూనెలో జింక్, ఒమేగా-3 ఫ్యాటీ యాసిడ్స్ ఉంటాయి. ఇవి జుట్టు కుదుళ్లను బలపరుస్తాయి. అవిసె గింజల నూనెలో ముఖ్యమైన కొవ్వు ఆమ్లాలు, యాంటీఆక్సిడెంట్లు ఉంటాయి. ఇది ఇన్ఫెక్షన్, ఇన్ఫ్లమేషన్ తగ్గించడం ద్వారా స్కాల్ప్ ను ఆరోగ్యంగా ఉంచుతుంది. యాంటీఆక్సిడెంట్, యాంటీ ఇన్ఫ్లమేటరీ లక్షణాలతో నిండిన నల్ల జీలకర్ర నూనె చుండ్రును తగ్గిస్తుంది. రోజ్మేరీ ఆయిల్ తలకు రక్త ప్రసరణను పెంచడం ద్వారా కొత్త జుట్టు పెరుగుదలను ప్రోత్సహిస్తుంది. విటమిన్ ఇ ఆయిల్ జుట్టును మృదువుగా చేస్తుంది.