Migraine Pain: మైగ్రేన్ నొప్పి నుంచి ఉపశమనం పొందేందుకు అద్భుతమైన చిట్కాలు
అల్లం, నిమ్మరసం కలిపి టీ తాగితే తలనొప్పి చాలా వరకు తగ్గుతుంది. అదనంగా, మీరు మిరియాలు, నిమ్మకాయ, తేనె మరియు అల్లం కలిపి వేడి నీటిలో తాగవచ్చు. తలనొప్పిని తగ్గించుకోవడానికి మీరు యోగా, ధ్యానం చేయవచ్చు. ఇది ఒత్తిడి, నొప్పిని తగ్గిస్తుంది. అంతేకాకుండా, లావెండర్ లేదా యూకలిప్టస్ ముఖ్యమైన నూనెను నుదిటిపై లేదా తలపై మసాజ్ చేయవచ్చు. ఇది..
చాలా మందికి తలనొప్పి వస్తుంటుంది. అందులో మైగ్రేన్ ఉన్నవారికి తీవ్ర ఇబ్బందులు ఉంటాయి. మైగ్రేన్ అనేది తలకు ఒక వైపు నుంచి మొత్తం వ్యాపించి నొప్పి తీవ్రతరం అవుతుంది. ఇది మెదడుకు సాధారణ రక్త ప్రసరణకు అంతరాయం కలిగిస్తుంది. మైగ్రేన్‌లు పురుషుల కంటే మహిళల్లోనే ఎక్కువగా కనిపిస్తాయి. ఇది ప్రధానంగా జన్యుపరమైన అంశాలు కారణమవుతాయి. శరీరంలో సెరోటోనిన్ రసాయన సమతుల్యత కోల్పోయినప్పుడు మైగ్రేన్ వస్తుంది.
మైగ్రేన్‌లను వదిలించుకోవడానికి శాశ్వత చికిత్స లేదా మందులు లేవు. మైగ్రేన్ లక్షణాలను గుర్తించి, అదే విధమైన జీవనశైలిని అనుసరించడం ద్వారా మైగ్రేన్ నొప్పి నుండి ఉపశమనం పొందవచ్చు. సరిగ్గా తినడం, హైడ్రేటెడ్ గా ఉండటం, తగినంత నిద్రపోవడం, ఒత్తిడిని తగ్గించడం, వ్యాయామం చేయడం ద్వారా మీరు మైగ్రేన్‌లను దూరంగా ఉంచవచ్చు. అయితే మైగ్రేన్ ప్రారంభమైన తర్వాత మీరు తక్షణ ఉపశమనం ఎలా పొందవచ్చు?
తలనొప్పి ప్రారంభమైనప్పుడు, ఒక ప్లాస్టిక్‌లో ఐస్‌ను చుట్టి తలకు పట్టించాలని నిపుణులు సూచిస్తున్నారు. ఇలా చేస్తే తలనొప్పి తీవ్రతను తగ్గిస్తుంది. అలాగే, మొబైల్, కంప్యూటర్ లేదా మొబైల్ స్క్రీన్‌లు లేదా లైట్లను చూడవద్దు. ఇది నొప్పిని పెంచవచ్చంటున్నారు.
అల్లం, నిమ్మరసం కలిపి టీ తాగితే తలనొప్పి చాలా వరకు తగ్గుతుంది. అదనంగా, మీరు మిరియాలు, నిమ్మకాయ, తేనె మరియు అల్లం కలిపి వేడి నీటిలో తాగవచ్చు. తలనొప్పిని తగ్గించుకోవడానికి మీరు యోగా, ధ్యానం చేయవచ్చు. ఇది ఒత్తిడి, నొప్పిని తగ్గిస్తుంది. అంతేకాకుండా, లావెండర్ లేదా యూకలిప్టస్ ముఖ్యమైన నూనెను నుదిటిపై లేదా తలపై మసాజ్ చేయవచ్చు. ఇది నొప్పిని తగ్గిస్తుంది.
ఒకసారి మైగ్రేన్ మొదలైతే, అది చాలా రోజుల పాటు ఉంటుంది. ఈ సమయంలో పుష్కలంగా నీరు తాగాలి. టీ, కాఫీలకు దూరంగా ఉండండి. తీసుకునే ఫుడ్ లో విటమిన్ బీ12 పుష్కలంగా ఉండే పదార్థాలను తీసుకోవాలి. చేపలు, మాంసం, గుడ్లు, పాల ఉత్పత్తులు, గింజలు మైగ్రేన్ నొప్పిని తగ్గించడంలో సహాయపడతాయని వైద్య నిపుణులు సూచిస్తున్నారు.