ఖాళీ కడుపుతో పసుపు నీళ్లు తాగితే ఇన్ని ప్రయోజనాలా? తెలిస్తే అసలు ఆగరుగా..!
మన దేశంలో పసుపు అత్యంత ప్రాధాన్యత ఉంటుంది. ఆధ్యాత్మికం, సంప్రదాయం, ఆరోగ్య పరంగా పసుపు అత్యంత కీలకమైన సుగంధ ద్రవ్యంగా చెబుతారు. అందుకే ఎన్నో ఏళ్లుగా పసుపును ఓ సంప్రదాయ మెడిసిన్ గా మన దేశంలో ఉపయోగించబడుతుంది. పసుపులో ఉండే అనేక ఔషధ గుణాలు ఆరోగ్యానికి ఎన్నో ప్రయోజనాలను అందిస్తాయి. అందుకే పసుపుతో చేసిన వంటకాలు తినడం వల్ల కూడా మెరుగైన ఆరోగ్యానికి మేలు చేస్తుంది. అయితే పరగడపున పసుపు నీళ్లు తాగడం ద్వారా కూడా అనేక లాభాలు పొందవచ్చు. అవేంటో తెలుసుకుందాం.
పరగడపున పసుపు నీళ్లు తాగడం వలన శరీర బరువును నియంత్రించుకోవచ్చు. పసుపులో ఉండే యాంటీఆక్సిడెంట్ గుణాలు శరీర బరువు పెరగకుండా కాపాడతాయి. పసుపులో ఉండే యాంటీఆక్సిడెంట్లు శరీరాన్ని ఫ్రీ రాడికల్స్ డ్యామేజ్ నుంచి కాపాడుతాయి. ప్రతిరోజూ పసుపు నీటిని తీసుకుంటే రోగనిరోధక శక్తి పెరుగుతుంది. శరీరాన్ని ఆరోగ్యంగా ఉంచుతూ ఇన్ఫెక్షన్లతో పోరాడటంలో సహాయపడుతుంది.
పసుపు నీటిని క్రమం తప్పకుండా తాగడం వల్ల జీర్ణ ఆరోగ్యం మెరుగుపడుతుంది. గ్యాస్ సమస్య తగ్గుతుంది. పసుపు జీర్ణ ఆరోగ్యాన్ని మెరుగుపరిచే యాంటీ ఇన్ఫమ్లేటరీ లక్షణాలను కలిగి ఉంటుందని నిపుణులు చెబుతున్నారు. ప్రతిరోజూ ఖాళీ కడుపుతో పసుపు నీటిని తీసుకోవడం వల్ల రక్తంలో చక్కెర స్థాయిలు అదుపులో ఉంటాయి. డయాబెటిక్ బాధితులకు మంచిది.
పసుపులో కర్కుమిన్ అనే శక్తివంతమైన యాంటీ ఇన్ఫ్లమేటరీ లక్షణాలతో కూడిన పదార్థం ఉంటుంది. పసుపు నీటిని క్రమం తప్పకుండా తాగడం వల్ల మీ శరీరంలో మంట తగ్గుతుంది. దీర్ఘకాలిక వ్యాధులను నివారించడంలో ఇది మీకు సాయపడుతుంది. కర్క్యుమిన్కు క్యాన్సర్ను నిరోధించే సామర్ధ్యం ఉందని ప్రయోగశాలల్లో నిర్వహించిన అనేక అధ్యయనాల్లో తేలింది.
పసుపు నీటిని క్రమం తప్పకుండా తీసుకుంటే గుండె జబ్బుల ప్రమాదాన్ని తగ్గిస్తుందని నిపుణులు చెబుతున్నారు. పసుపు నీళ్లు తాగడం ద్వారా కొలెస్ట్రాల్ శాతం తగ్గి శరీరంలో రక్తపోటు నియంత్రణలో ఉంటుంది. గుండె ఆరోగ్యంగా ఉంచడంలో సహాయపడుతుంది.
అల్జీమర్స్ వ్యాధి బారినపడకుండా మనల్ని మనం కాపాడుకునేందుకు పరగడపున పసుపు నీళ్లు తాగడం అలవాటు చేసుకోవాలి. అంతేకాదు.. పసుపు నీళ్లు తాగడం వల్ల రక్తాన్ని శుద్ధి చేసుకోవచ్చు. తద్వారా శరీరంలో విషపదార్థాలను తొలగించి చర్మాన్ని కాంతివంతంగా మారుస్తుంది. పసుపు నీళ్లను తాగడం ద్వారా శరీరంలో గాల్బ్లాడర్ ద్వారా బైల్ ఉత్పత్తి పెరుగుతుంది. పసుపు నీళ్లలోని యాంటీ క్యాన్సర్ గుణాలు శరీరంలో క్యాన్సర్ కణాల పెరుగుదలను అడ్డుకుంటాయి.