Rat Repellent:ఎలుకలను తరిమికొట్టే పవర్ ఫుల్ వెపన్.. ఇది మీ ఇంట్లో ఉంటే.. వాటికి దడే!
చూడ్డానికి చిన్నగా ఉన్నా.. ఎలుకలు కొన్నిసార్లు మనకు చుక్కలు చూపిస్తుంటాయి. ఇంట్లో దూరి బట్టలను కొరికేయడం, డాక్యుమెంట్స్ను నాశనం చేయడం వంటివి చేస్తుంటుంది. మీరు కూడా ఇలా ఎలుకలతో విసిగిపోతే.. వాటిని తరిమికొట్టడానికి మీకో మంచి ఉపాయం ఇక్కడుంది. అదేంటో తెలుసుకుందాం పదండి.
ఎలుకలు చిన్నగా కనిపించినా , అవి కలిగించే సమస్యలు వర్ణనాతీతం. అవి ఇళ్లలోకి, దుకాణాలలోకి ప్రవేశించిన తర్వాత, ఆ ప్రదేశాన్ని గందరగోళంగా మారుస్తాయి. ఇంట్లో పండ్లు, కూరగాయలు, ఇతర ఆహార పదార్థాలను తినడంతో పాటు, అవి బట్టలు, టీవీ వైర్లు, రిఫ్రిజిరేటర్ వైర్లను కూడా కొరికి తింటాయి.
Rats
నారింజ తొక్కలు ఎలుకలను తరిమికొట్టడంలో చాలా ప్రభావవంతంగా ఉంటాయి. ఎలుకలు బలమైన వాసనలను ఇష్టపడవు. నారింజ తొక్కలు బలమైన, ఘాటైన వాసన కలిగి ఉంటాయి. దీని వలన ఎలుకలు వాటి నుండి దూరంగా పారిపోతాయి. కాబట్టి ఎలుకలు తిరిగే ప్రదేశాలలో నారింజ తొక్కలను ఉంచండి.
వీటిని వాడటం చాలా సులభం. ముందుగా నారింజ తొక్కను తురుము, కొద్దిగా పిండుకుని ఎలుకలు తిరిగే ప్రదేశంలో ఉంచండి. అవి త్వరగా ఎండిపోతాయి కాబట్టి ప్రతి రెండు మూడు రోజులకు ఒకసారి తొక్కను మార్చాలి. దీనితో పాటు, మీరు నారింజ తొక్క స్ప్రేను కూడా ఉపయోగించవచ్చు. దీని కోసం, నారింజ తొక్కలను నీటిలో బాగా మరిగించి స్ప్రే బాటిల్లో వేయండి. తర్వాత ఇంటి తలుపులు, కిటికీలు, ప్రవేశ ద్వారాల చుట్టూ స్ప్రేను స్ప్రే చేయండి. ఇది రూమ్ ఫ్రెషనర్ లాగా మంచి సువాసనను ఇస్తుంది.
మీకు ఇది కష్టంగా అనిపిస్తే, నారింజ తొక్కలను బాగా ఎండబెట్టి, పొడిగా రుబ్బుకోండి. ఈ పొడిని ఒక గుడ్డలో చుట్టి ఎలుకలు తిరిగే ప్రదేశాలలో మరియు ఇంట్లోని ప్రతి మూలలో ఉంచండి. ఇది ఎలుకలను తరిమికొట్టడానికి సమర్థవంతంగా పనిచేస్తుంది.