ప్రతిరోజు ఒక పచ్చి క్యారెట్ తింటే అద్భుతమైన ఆరోగ్య ప్రయోజనాలు.. తెలిస్తే తప్పక తింటారు
Daily One Carrot: మార్కెట్లో మనకు అనేక రకాల కూరగాయలు అందుబాటులో ఉన్నాయి. అన్ని కూరగాయల్లో కెల్ల క్యారెట్లు ప్రత్యేకమైనవి. ఎందుకంటే వీటిని ఉడికించాల్సిన పనిలేదు. నేరుగా, పచ్చిగా కూడా తినొచ్చు. రోజుకో క్యారెట్ తినడం వల్ల అనేక ఆరోగ్య ప్రయోజనాలను పొందవచ్చని న్యూట్రిషీన్లు చెబుతున్నారు. క్యారెట్లలో అనేక పోషకాలు ఉంటాయి. మన శరీరానికి ఉపయోగపడే అనేక పోషకాలకు నెలవు. క్యారెట్లను రోజూ తింటే శరీరంలో జరిగే మార్పులేంటో ఇప్పుడు తెలుసుకుందాం.
క్యారెట్లో యాంటీ ఆక్సిడెంట్లు అధికంగా ఉంటాయి. ఇవి కణాలను ఆరోగ్యంగా మార్చుతాయి. క్యారెట్లోని యాంటీ ఆక్సిడెంట్లు స్కిన్ టోన్ను మెరుగుపరుస్తాయి. క్యారెట్ తింటే గ్లో పెరుగుతుంది. క్యారెట్ లను తినడం వల్ల ముఖంపై ముడతలు పోయి, ముఖం కాంతివంతంగా కన్పిస్తుంది. క్యారెట్ లను తినడం వల్ల వెంట్రుకలు రాలడం, తెల్ల వెంట్రుకల సమస్యలుండవు.
క్యారెట్లో ఉన్న ఫైబర్ జీర్ణ వ్యవస్థను మెరుగుపరచి మలబద్ధకం, కడుపు ఉబ్బరం వంటి సమస్యలను నివారిస్తుంది.క్యారెట్ తింటే ఆరోగ్యానికి ఎన్నో ప్రయోజనాలు ఉన్నాయని నిపుణులు చెబుతున్నారు. క్యారెట్ తినడం వల్ల మొటిమలు, మచ్చలు తగ్గుతాయి. కంటి చూపు, జీర్ణక్రియ మెరుగుపడుతుంది. రక్తపోటు నియంత్రణలో ఉంటుంది. లివర్, లంగ్స్, కోలన్ క్యాన్సర్ ముప్పు తగ్గుతుంది. విటమిన్ ఎ, ఫైబర్, యాంటీఆక్సిడెంట్లు అధికంగా ఉండటం వల్ల ఆరోగ్యానికి ఎంతో మేలు చేస్తుంది.
ఎముకలు దృఢమవుతాయి. బరువు తగ్గడానికి, లివర్ పనితీరు మెరుగుదలకు సహాయపడుతుంది. క్యారెట్లలో పొటాషియం అధికంగా ఉంటుంది. ఇది శరీరంలో రక్త సరఫరాను మెరుగు పరుస్తుంది. దీంతో బీపీ నియంత్రణలో ఉంటుంది. క్యారెట్లలో ఉండే యాంటీ ఆక్సిడెంట్లు గుండె పోటు ప్రమాదాన్ని తగ్గిస్తాయి.
Carrot
క్యారెట్లలో బీటా కెరోటిన్, యాంటీ ఆక్సిడెంట్లు సమృద్ధిగా ఉంటాయి. ఇవి చర్మాన్ని సూర్యకాంతి నుంచి కాపాడుతాయి. వయస్సు మీద పడడం వల్ల వచ్చే ముడతలను తగ్గిస్తాయి. దీంతో ఎల్లప్పుడూ యవ్వనంగా కనిపిస్తారు. చర్మంలో సహజసిద్ధమైన కాంతి పెరుగుతుంది. చర్మం టోన్ మెరుగు పడుతుంది.