IPL 2025: ఐపీఎల్ 2025కి ముందే ముంబైకి బిగ్ షాక్.. తప్పుకోనున్న టీమిండియా మాజీ ప్లేయర్..
IPL 2025 - Zaheer Khan: జహీర్ ఖాన్ IPLలో రాయల్ ఛాలెంజర్స్ బెంగళూరు, ముంబై ఇండియన్స్, ఢిల్లీ క్యాపిటల్స్ తరపున ఆడాడు. మొత్తం 100 మ్యాచ్‌లు ఆడి మొత్తం 102 వికెట్లు పడగొట్టాడు. ఆ తర్వాత ఐపీఎల్‌లో కోచింగ్‌ స్టాఫ్‌గా పనిచేశాడు.
భారత మాజీ పేసర్ జహీర్ ఖాన్ లక్నో సూపర్ జెయింట్స్ (LSG)కి కొత్త ఇన్నింగ్స్‌ను ప్రారంభించే అవకాశం ఉంది. గౌతమ్ గంభీర్ ఆ పదవిలో ఉండడం కూడా విశేషం. అంటే, జహీర్ ఖాన్‌ను మెంటార్‌గా ఎంపిక చేసేందుకు ఎల్‌ఎస్‌జీ ఫ్రాంచైజీ ఆసక్తి కనబరిచింది.
కొన్ని నివేదికల ప్రకారం, లక్నో సూపర్‌జెయింట్స్ ఫ్రాంచైజీ జహీర్ ఖాన్‌తో చర్చలు జరిపింది. అదే సమయంలో, అతను మెంటార్ పదవి కోసం భారీ ఆఫర్ అందుకున్నాడంట. దీంతో, గౌతమ్ గంభీర్‌తో ఖాళీ అయిన మెంటార్ స్థానాన్ని భర్తీ చేయడానికి టీమ్ ఇండియా మాజీ లెఫ్టార్మ్ పేసర్‌ని తీసుకురావాలని LSG ఫ్రాంచైజీ నిర్ణయించింది.
గౌతమ్ గంభీర్ IPL 2022-23లో లక్నో సూపర్‌జెయింట్స్‌కు మెంటార్‌గా వ్యవహరించాడు. కానీ, 2024లో లక్నో ఫ్రాంచైజీని విడిచిపెట్టిన గంభీర్ కోల్‌కతా నైట్ రైడర్స్‌కు మెంటార్‌గా కనిపించాడు.
గత సీజన్‌లో లక్నో సూపర్ జెయింట్స్ జట్టుకు మెంటార్‌గా ఎవరూ కనిపించలేదు. అయితే ఈసారి మెగా వేలానికి ముందే జహీర్ ఖాన్‌ను జట్టులోకి తీసుకోవాలని LSG ఫ్రాంచైజీ నిర్ణయించింది.
జహీర్ ఖాన్ గతంలో ముంబై ఇండియన్స్ జట్టుకు బౌలింగ్ కోచ్‌గా పనిచేశాడు. అంతే కాకుండా, అతను MI ఫ్రాంచైజీకి బ్యాక్‌రూమ్ సిబ్బందిగా చాలా సంవత్సరాలు పనిచేశాడు.
ఆ విధంగా జహీర్ ఖాన్‌ను ఎంపిక చేయడం ద్వారా, లక్నో సూపర్‌జెయింట్స్ ఫ్రాంచైజీ 2 స్థానాలను భర్తీ చేయడానికి ప్లాన్ చేసింది. అంటే, వెటరన్ క్రికెటర్ జహీర్ ఖాన్ మెంటార్‌గా వస్తే.. బౌలింగ్ కోచ్ బాధ్యతలను కూడా ఆయనే నిర్వహిస్తారు. దీని ద్వారా లక్నో సూపర్‌జెయింట్‌లు ఒకే దెబ్బకు రెండు పోస్టులను భర్తీ చేసేలా ప్లాన్ చేశారు. అయితే, ఈ భారీ ఆఫర్‌ని జహీర్ ఖాన్ ఒప్పుకుంటాడో లేదో చూడాలి.