నా టార్గెట్ ఫిక్స్.. అందుకోసం అడ్డొచ్చినోళ్లను తొక్కి పడేసుడే.. విరాట్ కోహ్లీ ఇంట్రెస్టింగ్ కామెంట్స్
Virat Kohli World Cup 2027 Goal: భారత స్టార్ బ్యాటర్ విరాట్ కోహ్లీ (Virat Kohli) 2027 వన్డే ప్రపంచకప్పై తన లక్ష్యాన్ని స్పష్టంగా చెప్పాడు. భారత్కు అదే తన చివరి వన్డే ప్రపంచకప్ అని వెల్లడించిన కోహ్లీ.. ఈసారి ఎలాగైనా ట్రోఫీ సాధించాలన్న పట్టుదలతో ఉన్నట్లు తెలిపాడు. 2023 ఫైనల్ ఓటమి తనలో ఇంకా మిగిలే ఉందని చెప్పాడు.
Virat Kohli World Cup 2027 Goal: భారత క్రికెట్ జట్టు (Team India) స్టార్ బ్యాటర్ విరాట్ కోహ్లీ (Virat Kohli) 2027 వన్డే ప్రపంచకప్ గురించి తన లక్ష్యాన్ని స్పష్టంగా వెల్లడించాడు. భారత్ తరపున తాను ఆడబోయే చివరి ప్రపంచకప్ ఇదేనని చెప్పిన కోహ్లీ.. వ్యక్తిగత ప్రదర్శన కంటే జట్టు ట్రోఫీ గెలవడమే తనకు అత్యంత ముఖ్యమని తెలిపాడు. 2023లో అద్భుత ప్రదర్శనతో ఫైనల్ వరకు వెళ్లిన భారత్.. తుది పోరులో ఆస్ట్రేలియా చేతిలో ఓడిపోయింది. ఆ మ్యాచ్ జ్ఞాపకం తనను ఇప్పటికీ వెంటాడుతుందని కోహ్లీ పేర్కొన్నాడు. ఈసారి ఆ నిరాశను విజయంతో మార్చుకోవాలన్న లక్ష్యంతో ఉన్నాడు. అవసరమైన ఏ పని చేయడానికైనా తాను సిద్ధంగా ఉన్నానని చెప్పడం ద్వారా 2027 ప్రపంచకప్పై తన పట్టుదలను స్పష్టం చేశాడు. ఒక ఫార్మాట్ అంతర్జాతీయ క్రికెటర్గా కొనసాగుతున్న నేపథ్యంలో వన్డేల్లో తన ఆటను మరింత స్వేచ్ఛగా ఆడాలని నిర్ణయించుకున్నట్లు వివరించాడు. పరిస్థితులు అనుకూలిస్తే ఎక్కువ రిస్క్లు తీసుకుని జట్టు స్కోరును మరింత ముందుకు తీసుకెళ్లాలన్న ఆలోచనతో ఉన్నాడు.
2023 ప్రపంచకప్లో భారత్ వరుసగా 10 విజయాలు సాధించి ఫైనల్కు చేరింది. కోహ్లీ వ్యక్తిగతంగానూ అద్భుతంగా రాణించాడు. కానీ తుది పోరులో ఎదురైన ఓటమి అతడికి తీవ్ర నిరాశను మిగిల్చింది. ఆ మ్యాచ్లో 54 పరుగుల వద్ద ఔటైన సందర్భాన్ని గుర్తు చేసుకున్నాడు. పెద్ద స్కోరు సాధిస్తే జట్టుకు ఉపయోగపడేదన్న ఆలోచన తనలో ఉండేదని చెప్పాడు.
2027 ప్రపంచకప్లో కీలక పాత్ర పోషించాలన్న కోరిక కోహ్లీకి ఉంది. సాధ్యమైనన్ని మ్యాచ్లను జట్టు కోసం గెలిపించడమే తన వ్యక్తిగత లక్ష్యమని చెప్పాడు. ఫైనల్లో ఛేజింగ్ చేస్తూ మ్యాచ్ విన్నింగ్ ఇన్నింగ్స్ ఆడటం తన కలగా పేర్కొన్నాడు. కానీ అలాంటి వ్యక్తిగత ఘనత కంటే ప్రపంచకప్ ట్రోఫీ గెలవడానికే ఎక్కువ ప్రాధాన్యం ఇస్తానని స్పష్టం చేశాడు.
2024 టీ20 ప్రపంచకప్ ఫైనల్లో కీలక పాత్ర పోషించిన తరువాత కోహ్లీ అంతర్జాతీయంగా వన్డే ఫార్మాట్కే పరిమితమయ్యాడు. ఆ మార్పు తన బ్యాటింగ్లో స్వేచ్ఛను పెంచిందని అతడు చెప్పాడు. 2024 చివరికి వన్డేల్లో 58.18గా ఉన్న అతడి బ్యాటింగ్ సగటు తరువాత 58.59కు చేరింది. ఈ కాలంలో స్ట్రైక్రేట్ 99.80గా ఉంది.
ఇక బ్యాటింగ్ విషయంలోనూ తన ఆలోచనా విధానాన్ని మార్చుకున్నట్లు కోహ్లీ తెలిపాడు. క్రీజులో కుదురుకున్న తరువాత పరిస్థితి అనుమతిస్తే అదనపు పరుగుల కోసం రిస్క్ తీసుకోవాలని భావిస్తున్నాడు. ప్రత్యర్థులు 340, 350 పరుగుల లక్ష్యాల వైపు వెళ్లే ప్రస్తుత పరిస్థితుల్లో భారత్ కూడా 350, 360 పరుగులు సాధించే సామర్థ్యంతో ఆడాలని తన ఆలోచనగా వివరించాడు.