బద్దలైన సచిన్ స్పెషల్ హిస్టరీ.. కింగ్ కోహ్లీ ఖాతాలో అరుదైన ప్రపంచ రికార్డ్.. అదేంటంటే?
India vs England: భారత్తో జరిగిన తొలి వన్డేలో టాస్ ఓడిపోయి మొదట బ్యాటింగ్ చేసిన ఇంగ్లాండ్, 47.5 ఓవర్లలో 258 పరుగులకే ఆలౌట్ అయింది. ఈ లక్ష్యాన్ని ఛేదించే క్రమంలో టీమ్ ఇండియా 45.2 ఓవర్లలో 4 వికెట్ల నష్టానికి 262 పరుగులు చేసి, 6 వికెట్ల తేడాతో విజయం సాధించింది. ఈ మ్యాచ్లో మూడో స్థానంలో బ్యాటింగ్కు వచ్చి కేవలం 5 పరుగులు మాత్రమే చేసినప్పటికీ, విరాట్ కోహ్లీ 2 గొప్ప రికార్డులను సృష్టించాడు.
Virat Kohli Creates New World Record: రికార్డుల మాస్టర్ విరాట్ కోహ్లీ మరో ప్రపంచ రికార్డు సృష్టించాడు. వన్డే క్రికెట్లో 300 ఇన్నింగ్స్లు ఆడి, ఈ ప్రపంచ రికార్డుతో అతను సచిన్ టెండూల్కర్ పేరిట ఉన్న ప్రపంచ రికార్డును చెరిపేశాడు.
బర్మింగ్హామ్లో ఇంగ్లాండ్తో జరిగిన తొలి వన్డేలో ఆడటం ద్వారా విరాట్ కోహ్లీ వన్డే అంతర్జాతీయ క్రికెట్లో తన 300వ ఇన్నింగ్స్ను పూర్తి చేశాడు. ఈ ఘనతతో, అతను 300 వన్డే ఇన్నింగ్స్లలో అత్యధిక పరుగులు చేసిన బ్యాట్స్మన్గా నిలిచాడు.
గతంలో ఈ రికార్డు మాస్టర్ బ్లాస్టర్ సచిన్ టెండూల్కర్ పేరిట ఉండేది. సచిన్ టెండూల్కర్ తన 300వ వన్డే ఇన్నింగ్స్లో 12,015 పరుగులు సాధించాడు. దీంతో 300 ఇన్నింగ్స్లలో అత్యధిక పరుగులు చేసిన బ్యాట్స్మన్గా అతను నిలిచాడు.
ఇప్పుడు విరాట్ కోహ్లీ ఈ రికార్డును బద్దలు కొట్టాడు. కింగ్ కోహ్లీ 300 వన్డే ఇన్నింగ్స్లలో మొత్తం 14,802 పరుగులు సాధించాడు. దీంతో, అతను వన్డే క్రికెట్ చరిత్రలో 300 ఇన్నింగ్స్లలో అత్యధిక పరుగులు చేసిన బ్యాట్స్మన్గా నిలిచాడు.
పరుగుల ప్రపంచ రికార్డుతో పాటు, విరాట్ కోహ్లీ ఇన్నింగ్స్లలో మరో ప్రపంచ రికార్డును కూడా లిఖించాడు. అదేమిటంటే, అంతర్జాతీయ క్రికెట్ చరిత్రలో 300 వన్డేలు, 100 టెస్టులు, 100 టీ20 ఇన్నింగ్స్లు ఆడిన ఏకైక మరియు మొట్టమొదటి క్రికెటర్ విరాట్ కోహ్లీ. ఈ రికార్డులతో కింగ్ కోహ్లీ క్రికెట్ సామ్రాజ్యానికి పాలకుడిగా కొనసాగుతున్నాడు.