IND vs ENG: నువ్వు 5 వికెట్లు తీస్తే, మ్యాచ్ ఓడిపోవుడేంది భయ్యా.. టీమిండియా చరిత్రలోనే చెత్త రికార్డ్
Varun Chakravarthy Double 5 Wicket Haul: టీ20 సిరీస్లో వరుసగా 5 వికెట్లు తీసి ప్రత్యేక రికార్డు సృష్టించాడు వరుణ్ చక్రవర్తి. కానీ, ఈ రికార్డు ఉన్నప్పటికీ, అవాంఛిత రికార్డు జాబితాలో అతని పేరు కనిపిస్తుంది. రెండు మ్యాచ్ల్లో టీమిండియా ఓటమి పాలవడమే ఇందుకు ప్రధాన కారణం.
Varun Chakravarthy T20I Record India: టీ20 క్రికెట్లో భారత జట్టు తరపున కేవలం ముగ్గురు బౌలర్లు మాత్రమే రెండుసార్లు 5 వికెట్లు తీశారు. ఈ ఘనత సాధించిన తొలి బౌలర్ భువనేశ్వర్ కుమార్. ఆ తర్వాత ఈ రికార్డును కుల్దీప్ యాదవ్ సమం చేశాడు. ఇప్పుడు వీరిద్దరి రికార్డును సమం చేసి కొత్త చరిత్ర సృష్టించాడు వరుణ్ చక్రవర్తి.
అయితే, ఇంత ఘనత సాధించినా వరుణ్ చక్రవర్తి పేరు మీద అనవసరమైన రికార్డ్ చేరింది. రెండు సార్లు 5 వికెట్లు తీయడం ఆశ్చర్యం కలిగిస్తోంది. అంటే, వరుణ్ చక్రవర్తి రెండుసార్లు ఐదు వికెట్లు పడగొట్టినప్పటికీ, ఆ మ్యాచ్లలో భారత జట్టు గెలవలేదు.
2024లో దక్షిణాఫ్రికాతో గెబహాలో జరిగిన టీ20 మ్యాచ్లో వరుణ్ 17 పరుగులిచ్చి 5 వికెట్లు తీశాడు. ఈ మ్యాచ్లో టీమిండియా 3 వికెట్ల తేడాతో ఓడిపోయింది. ఇప్పుడు రాజ్కోట్లో ఇంగ్లండ్తో జరిగిన 3వ మ్యాచ్లో వరుణ్ 24 పరుగులు చేసి 5 వికెట్లు పడగొట్టాడు. ఈ మ్యాచ్లోనూ భారత జట్టు 26 పరుగుల తేడాతో ఓడిపోయింది.
దీంతో పాటు టీ20 క్రికెట్ చరిత్రలో ఓడిపోయిన మ్యాచ్లలో 2 సార్లు 5 వికెట్లు తీసిన చెత్త రికార్డు వరుణ్ చక్రవర్తి పేరిట చేరింది. ఇక్కడ వరుణ్ తప్పేమీ లేకపోయినా.. అనవసర రికార్డుల జాబితాలో టీమిండియా స్పిన్నర్ పేరు చేరడం మాత్రం విడ్డూరం.
ప్రస్తుతం భారత్-ఇంగ్లండ్ మధ్య ఐదు మ్యాచ్ల సిరీస్ 2-1తో కొనసాగుతోంది. ఈ సిరీస్లో నాలుగో మ్యాచ్ జనవరి 31న పుణెలో జరగనుంది. ఈ మ్యాచ్లో విజయం సాధిస్తేనే టీమిండియా సిరీస్ను కైవసం చేసుకోవచ్చు. ఇంగ్లండ్ సిరీస్ ఆశలు సజీవంగా ఉంచుకోవాలంటే నాలుగో గేమ్ గెలవాలి. అందువల్ల 4వ మ్యాచ్లోనూ ఇరు జట్ల నుంచి హోరాహోరీ పోటీని ఆశించవచ్చు.