టీమిండియా @ 400.. టీ20 క్రికెట్ హిస్టరీలో సరికొత్త ప్రపంచ రికార్డ్.. అదేంటంటే?
Team India Records: న్యూజిలాండ్‌తో జరిగిన ఫైనల్ టీ20 మ్యాచ్‌లో భారత్ ఒక చారిత్రాత్మక రికార్డు సృష్టించింది. ఒకే క్యాలెండర్ సంవత్సరంలో 400 టీ20 అంతర్జాతీయ సిక్సర్లు కొట్టిన ప్రపంచంలోనే తొలి జట్టుగా భారత జట్టు నిలిచింది. దీనితో, క్రికెట్ చరిత్రలో ఒక కొత్త మైలురాయిని నెలకొల్పింది. ఈ ఘనత భారత బ్యాటింగ్ పరాక్రమాన్ని చాటిచెబుతోంది.
Team India Records: న్యూజిలాండ్‌తో జరిగిన ఐదు మ్యాచ్‌ల టీ20 సిరీస్‌లోని చివరి మ్యాచ్‌లో టీమ్ ఇండియా మరో చారిత్రక రికార్డు సృష్టించింది. టీ20 అంతర్జాతీయ క్రికెట్ చరిత్రలో ఒకే క్యాలెండర్ సంవత్సరంలో 400 సిక్సర్లు కొట్టిన ప్రపంచంలోనే తొలి జట్టుగా భారత్ నిలిచింది.
ఆదివారం హామిల్టన్‌లోని సెడాన్ పార్క్‌లో న్యూజిలాండ్‌తో జరిగిన ఐదవ, చివరి టీ20లో భారత్ ఈ ప్రత్యేక మైలురాయిని చేరుకుంది. ఈ మ్యాచ్‌లో టీమ్ ఇండియా బ్యాట్స్‌మెన్ మొత్తం 11 సిక్సర్లు కొట్టి 400 సిక్సర్ల మార్కును దాటారు.
ఈ ఏడాది జరిగిన 40 టీ20 అంతర్జాతీయ మ్యాచ్‌లలో భారత్ మొత్తం 400 సిక్సర్లు కొట్టింది. ఈ జాబితాలో ఆస్ట్రియా, వెస్టిండీస్ భారత్ కంటే చాలా వెనుకబడి ఉన్నాయి. ఆస్ట్రియా 24 మ్యాచ్‌లలో 224 సిక్సర్లు కొట్టగా, వెస్టిండీస్ 21 మ్యాచ్‌లలో 224 సిక్సర్లు కొట్టింది.
ఈ ఏడాది ఒక్క న్యూజిలాండ్‌పైనే భారత్ 142 సిక్సర్లు కొట్టింది. ఇది ఒకే క్యాలెండర్ సంవత్సరంలో ఒకే ప్రత్యర్థిపై అత్యధికం. దీంతో ఇప్పటి వరకు ఏ టీంకు సాధ్యం కాని రికార్డులో భారత జట్టు చేరింది.
అభిషేక్ శర్మ భారతదేశం తరపున అత్యధిక సిక్సర్లు కొట్టిన ఆటగాడు. అతను ఈ ఏడాది మొత్తం 86 సిక్సర్లు కొట్టాడు. ఇషాన్ కిషన్ 60 సిక్సర్లతో రెండవ స్థానంలో ఉండగా, సంజు సామ్సన్ 50 సిక్సర్లతో మూడవ స్థానంలో ఉన్నాడు.