T20 World Cup Controversies: రూల్స్ బ్రేక్ చేసిన ఆసీస్ ప్లేయర్‌.. కెరీర్‌నే ప్రమాదంలో పడేసిన ఓ సంఘటన.. అదేంటంటే?
India vs Australia: టీ 20 ప్రపంచకప్‌లో అనేక వివాదాలు కనిపించాయి. ఆండ్రూ సైమండ్స్ 2009 లో టోర్నమెంట్ ప్రారంభానికి ముందు ఆస్ట్రేలియా జట్టు నుంచి తొలగించారు.
టీ 20 ప్రపంచకప్ 2021 గెలవడానికి ఆస్ట్రేలియా జట్టు తీవ్రంగా కృషి చేస్తోంది. మొదటి వార్మప్ మ్యాచ్‌లో న్యూజిలాండ్‌ని ఓడించింది. ఇప్పుడు ఆస్ట్రేలియా జట్టు భారత జట్టుతో తలపడేందుకు సిద్ధమైంది. ఈ మ్యాచ్‌కు ముందు, ఆస్ట్రేలియా జట్టుకు సంబంధించిన ఒక వివాదాన్ని తెలుసుకుందాం.
ఆల్ రౌండర్ ఆండ్రూ సైమండ్స్ కారణంగా ఆస్ట్రేలియా జట్టు ఇబ్బంది పడింది. నిజానికి 2009 టీ 20 వరల్డ్ కప్ సమయంలో ఆండ్రూ సైమండ్స్ అలాంటి చర్య చేశాడు. ఆ తర్వాత అతడిని వెంటనే జట్టు నుంచి తొలగించారు. అదే సమయంలో ఈ ఆటగాడిని ఆస్ట్రేలియాకు తిరిగి పంపించారు.
టీ 20 ప్రపంచకప్ 2009 ఇంగ్లాండ్‌లో జరిగింది. ఆండ్రూ సైమండ్స్ ఆస్ట్రేలియా జట్టులో కీలక సభ్యుడు. జట్టు ఇంగ్లండ్‌కు వచ్చిన వారం రోజుల తర్వాత సైమండ్స్ మద్యం సేవించడం ద్వారా జట్టులోని అనేక నియమాలను ఉల్లంఘించాడు. ఆ తర్వాత అతనిపై క్రికెట్ ఆస్ట్రేలియా చర్యలు తీసుకుంది.
సైమండ్స్‌ను జట్టు నుంచి తొలగించారు. అలాగే అతని కాంట్రాక్ట్ కూడా రద్దు చేసింది. సైమండ్స్ ఆస్ట్రేలియా జట్టుకు తిరిగి రాలేదు. ఈ చర్యతో అతని అంతర్జాతీయ కెరీర్ కూడా ముగిసింది.
సైమండ్స్ ఆస్ట్రేలియా తరఫున 26 టెస్టులు, 198 వన్డేలు, 14 టీ 20 అంతర్జాతీయ మ్యాచ్‌లు ఆడాడు. అతని బ్యాట్ నుంచి 8 సెంచరీలు వచ్చాయి. టీ20 లో అతని బ్యాటింగ్ సగటు 48.14గా ఉంది. అదే సమయంలో, అతను వన్డేల్లో 5088 పరుగులు చేశాడు. టెస్టుల్లో సైమండ్స్ 40.61 సగటుతో 1462 పరుగులు చేశాడు.