T20 World Cup: 6,6,6,6,6.. సరికొత్త రికార్డుతో దడ పుట్టించిన కేకేఆర్ ఖతర్నాక్ ప్లేయర్..
Phil Salt Sixes Record: సూపర్-8 రౌండ్లో ఇంగ్లాండ్ తన మొదటి మ్యాచ్లో అలవోకగా విజయం సాధించింది. సెయింట్ లూసియాలోని డారెన్ సామీ క్రికెట్ స్టేడియంలో జరిగిన ఈ మ్యాచ్లో తొలుత బ్యాటింగ్ చేసిన వెస్టిండీస్ 180 పరుగులు చేసింది. ఈ లక్ష్యాన్ని ఛేదించిన ఇంగ్లండ్ జట్టు 17.3 ఓవర్లలోనే 8 వికెట్ల తేడాతో అద్భుతమైన విజయాన్ని నమోదు చేసింది.
టీ20 ప్రపంచ కప్లోని 42వ మ్యాచ్లో ఫిల్ సాల్ట్ తుఫాన్ బ్యాటింగ్తో సరికొత్త రికార్డును లిఖించాడు. ఇంగ్లండ్ మాజీ ఆటగాడు ఇయాన్ మోర్గాన్ రికార్డును కూడా బద్దలు కొట్టడం విశేషం.
సెయింట్ లూసియా వేదికగా వెస్టిండీస్తో జరిగిన ఈ మ్యాచ్లో 181 పరుగుల లక్ష్యాన్ని చేధించిన ఇంగ్లండ్ జట్టుకు ఫిల్ సాల్ట్ తుఫాన్ ఆరంభాన్ని అందించాడు. తొలి ఓవర్ నుంచే భీకర బ్యాటింగ్ ప్రదర్శించిన సాల్ట్ విండీస్ బౌలర్లపై విరుచుకుపడ్డాడు.
ఫలితంగా ఫిల్ సాల్ట్ బ్యాట్తో 5 భారీ సిక్సర్లు, 7 ఫోర్లు బాదాడు. అలాగే కేవలం 47 బంతుల్లోనే అజేయంగా 87 పరుగులు చేసి ఇంగ్లండ్ జట్టుకు గొప్ప విజయాన్ని అందించాడు.
విశేషమేమిటంటే.. ఈ మ్యాచ్లో 5 భారీ సిక్సర్లు బాదిన ఫిల్ సాల్ట్ ఇంగ్లండ్ తరపున టీ20 క్రికెట్లో ఒకే జట్టు తరపున అత్యధిక సిక్సర్లు బాదిన ఆటగాడిగా రికార్డు సృష్టించాడు. గతంలో ఈ రికార్డు ఇయాన్ మోర్గాన్ పేరిట ఉండేది.
ఇంగ్లండ్ మాజీ కెప్టెన్ ఇయాన్ మోర్గాన్ న్యూజిలాండ్పై 26 సిక్సర్లు కొట్టి ఈ రికార్డును లిఖించాడు. ఫిన్ సాల్ట్ ఇప్పుడు ఈ రికార్డును బ్రేక్ చేశాడు.
వెస్టిండీస్తో జరిగిన టీ20 క్రికెట్లో 9 ఇన్నింగ్స్లు ఆడిన ఫిల్ సాల్ట్ మొత్తం 32 సిక్సర్లు బాదాడు. దీంతో ఇంగ్లండ్ తరపున ఒకే జట్టుపై అత్యధిక సిక్సర్లు బాదిన బ్యాట్స్మెన్గా ఫిల్ సాల్ట్ రికార్డు సృష్టించాడు.