T20 World Cup 2024 Live Streaming: T20 ప్రపంచ కప్ 2024 IPL 2024 తర్వాత ప్రారంభమవుతుంది. అభిమానులు ఐపీఎల్ని ఉచితంగా ఆస్వాదిస్తున్నారు. అయితే, టీ20 వరల్డ్కప్ను ఉచితంగా చూడగలరా లేక దాని కోసం డబ్బులు వెచ్చించాల్సి వస్తుందా అనే ప్రశ్న అందరి మదిలో మెదులుతోంది. కాబట్టి ఈ ప్రశ్నకు సమాధానంగా, డిస్నీ ప్లస్ హాట్స్టార్ కీలక ప్రకటన చేసింది. డిస్నీ ప్లస్ హాట్స్టార్లో అభిమానులు మొత్తం T20 ప్రపంచకప్ను 'ఉచితంగా' చూడవచ్చని హాట్స్టార్ అధికారికంగా ప్రకటించింది. అయితే, ఇందుకోసం ఓ షరతును కూడా పెట్టింది.
వాస్తవానికి, అభిమానులు T20 ప్రపంచ కప్ను మొబైల్లో మాత్రమే ఉచితంగా చూడగలరు. ఇది కాకుండా, టీవీ లేదా ల్యాప్టాప్ వంటి ఏదైనా ఇతర డివైజ్లో చూడాలంటే మాత్రం డబ్బు ఖర్చు చేయాల్సి ఉంటుంది. ఇది అభిమానులకు చేదు వార్తగా మారింది. హాట్స్టార్ టోర్నమెంట్ ఉచిత ప్రత్యక్ష ప్రసారానికి సంబంధించి ఒక వీడియోను భాగస్వామ్యం చేసింది. ఇందులో బాలీవుడ్ నటుడు కార్తీక్ ఆర్యన్ కనిపించారు.
T20 ప్రపంచ కప్ 2024 జూన్ 2 ఆదివారం నుంచి ప్రారంభమవుతుంది. టోర్నీలో తొలి మ్యాచ్ అమెరికా, కెనడా మధ్య జరగనుంది. ప్రపంచకప్లో టీం ఇండియా తన తొలి మ్యాచ్ని జూన్ 5 బుధవారం ఐర్లాండ్తో ఆడనుంది. టోర్నీలో టీమిండియా గ్రూప్-ఏలో ఉంది. గ్రూప్ దశలో భారత జట్టు రెండో మ్యాచ్ ఆదివారం జూన్ 9న పాకిస్థాన్తో జరగనుంది. రోహిత్ శర్మ సారథ్యంలో ప్రపంచకప్ ఆడుతున్న టీమిండియా, న్యూయార్క్లోని నసావు కౌంటీ ఇంటర్నేషనల్ క్రికెట్ స్టేడియంలో మొదటి, రెండో మ్యాచ్లు ఆడనుంది.
ఇంతకుముందు ఆడిన 2022 T20 ప్రపంచ కప్లో, టీమ్ ఇండియా సెమీ-ఫైనల్కు మించి ముందుకు సాగలేకపోయిన సంగతి తెలిసిందే. ఆస్ట్రేలియా వేదికగా జరిగిన టోర్నీలో ఇంగ్లండ్ 10 వికెట్ల తేడాతో టీమిండియాపై సెమీఫైనల్లో విజయం సాధించింది.
రోహిత్ శర్మ (కెప్టెన్), యశస్వి జైస్వాల్, విరాట్ కోహ్లీ, సూర్యకుమార్ యాదవ్, రిషబ్ పంత్, సంజు శాంసన్, హార్దిక్ పాండ్యా (వైస్ కెప్టెన్), శివమ్ దూబే, రవీంద్ర జడేజా, అక్షర్ పటేల్, కుల్దీప్ యాదవ్, యుజ్వేంద్ర చాహల్, అర్ష్దీప్ సింగ్, జస్ప్రీత్ బుమ్రా మహ్మద్ సిరాజ్.