IND vs SA: కింగ్ కోహ్లీ రికార్డ్ షేక్ చేసేందుకు సిద్ధమైన మిస్టర్ 360 డిగ్రీ ప్లేయర్.. అదేంటంటే?
T20 Records: టీమిండియా 360 డిగ్రీ ప్లేయర్‌గా పేరుగాంచిన సూర్య కుమార్ యాదవ్.. ప్రస్తుతం ఫుల్ స్వింగ్‌లో ఉన్నాడు. అలాగే, టీ20 ఫార్మాట్‌లో సరికొత్త రికార్డులు నెలకొల్పే దిశగా దూసుకపోతున్నాడు. టీమిండియా తాజాగా సౌతాఫ్రికా టూర్‌కి సిద్ధమైంది. ఈ క్రమంలో పాకిస్థాన్‌కు చెందిన మహ్మద్ రిజ్వాన్, విరాట్ కోహ్లీల రికార్డులపై కన్నేశాడు. అవేంటో ఓసారి చూద్దాం..
టీ20 క్రికెట్‌లో మెరుపు బ్యాటింగ్‌ను ప్రదర్శిస్తున్న సూర్యకుమార్ యాదవ్.. ఇప్పుడు రికార్డు హోల్డర్ విరాట్ కోహ్లీ ప్రత్యేక లిస్ట్‌లో చేరేందుకు సిద్ధమయ్యాడు.
అంటే టీ20 క్రికెట్‌లో భారత్ తరపున అత్యంత వేగంగా 2000 పరుగులు చేసిన రికార్డు కింగ్ కోహ్లీ పేరిట ఉంది. విరాట్ కోహ్లీ 56 టీ20 ఇన్నింగ్స్‌ల ద్వారా 2000 పరుగులు పూర్తి చేసి రికార్డు సృష్టించాడు.
ఈ రికార్డును సమం చేయడానికి సూర్యకుమార్ యాదవ్‌కు ఇప్పుడు 15 పరుగులు మాత్రమే కావాలి. సూర్య ఇప్పటికే 55 టీ20 ఇన్నింగ్స్‌ల్లో మొత్తం 1985 పరుగులు చేశాడు.
దక్షిణాఫ్రికాతో జరుగుతున్న తొలి టీ20 మ్యాచ్‌లో సూర్యకుమార్ యాదవ్ 15 పరుగులు చేస్తే, భారత్ తరపున అత్యంత వేగవంతమైన టీ20 క్రికెట్‌లో 2000 పరుగులు చేసి విరాట్ కోహ్లీ రికార్డును సమం చేయవచ్చు.
టీ20 క్రికెట్‌లో అత్యంత వేగంగా 2000 పరుగులు చేసిన ఆటగాడిగా పాక్‌ ఆటగాడు బాబర్ ఆజం ప్రపంచ రికార్డు సృష్టించాడు. బాబర్ కేవలం 52 టీ20 ఇన్నింగ్స్‌ల్లోనే మొత్తం 2 వేల పరుగులు చేసి ప్రపంచ రికార్డు సృష్టించాడు.
అలాగే 52 టీ20 ఇన్నింగ్స్‌ల ద్వారా 2000 పరుగులు పూర్తి చేసిన పాకిస్థాన్ ఆటగాడు మహ్మద్ రిజ్వాన్ 2వ స్థానంలో ఉన్నాడు. ఈ జాబితాలో విరాట్ కోహ్లీ మూడో స్థానంలో ఉన్నాడు. కింగ్ కోహ్లీ టీ20 క్రికెట్‌లో 56 ఇన్నింగ్స్‌ల ద్వారా 2000 పరుగులు చేశాడు.