Team India: పరుగుల రేసులో బుల్లెట్ వేగంతో దూసుకపోతోన్న స్మృతి మంధాన.. ఆ దిగ్గజ ప్లేయర్‌కు భారీ షాక్..
Smriti Mandhana: స్మృతి మంధాన ఇప్పటివరకు 109 టీ20 మ్యాచ్‌ల్లో 2646 పరుగులు చేసింది. ఇందులో 20కి పైగా హాఫ్ సెంచరీలు ఉన్నాయి. అత్యధిక రన్‌గేటర్‌లో స్మృతి 7వ స్థానంలో నిలిచింది.
పురుషుల క్రికెట్‌లో రోహిత్, విరాట్ లాంటి వాళ్లు రికార్డులు బ్రేక్ చేస్తుంటే.. భారత మహిళా క్రికెట్ జట్టులో స్మృతి మంధాన కూడా వీరితో పోటీపడుతూ దూసుకపోతోంది.
దక్షిణాఫ్రికాలో జరుగుతున్న ముక్కోణపు టీ20 సిరీస్‌లో వెస్టిండీస్ మహిళల జట్టుపై మంధాన 74 పరుగులతో అజేయ ఇన్నింగ్స్ ఆడింది. ఈ ఇన్నింగ్స్ తర్వాత, ఆమె పరుగుల రేసులో ఇంగ్లాండ్ జట్టులో అత్యంత విజయవంతమైన బ్యాటర్‌ను విడిచిపెట్టింది.
ఇంగ్లండ్ తరపున అత్యధిక పరుగులు చేసిన షరోన్‌ ఎడ్వర్డ్స్ తర్వాత స్మృతి మంధాన నిలిచింది. ఎడ్వర్డ్స్ 95 మ్యాచ్‌లలో 2605 పరుగులు చేసి ఇంగ్లండ్ తరపున అత్యధిక టీ20ఐ పరుగులు చేసిన క్రీడాకారిణిగా నిలిచింది. అదే సమయంలో మహిళల టీ20ఐలలో అత్యధిక పరుగులు చేసిన పరంగా ఎడ్వర్డ్స్ ప్రస్తుతం 8వ స్థానానికి పడిపోయింది.
వెస్టిండీస్‌పై అజేయంగా 74 పరుగులు చేసిన తర్వాత, టీ20ఐలలో అత్యధిక పరుగులు చేసిన మహిళా బ్యాట్స్‌మెన్‌ల జాబితాలో మంధాన 7వ స్థానంలో నిలిచింది. ఎడ్వర్డ్స్‌ను వదిలి ఈ స్థానాన్ని అందుకుంది. మంధాన ప్రస్తుతం 109 మ్యాచ్‌ల్లో 2646 పరుగులు చేసింది.
భారత మహిళా బ్యాట్స్‌మెన్‌లలో స్మృతి మంధాన కంటే హర్మన్‌ప్రీత్ కౌర్ T20Iలలో ఎక్కువ పరుగులు చేసింది. 143 మ్యాచ్‌ల్లో 2887 పరుగులు చేసింది. అదే సమయంలో, న్యూజిలాండ్‌కు చెందిన సుజీ బేట్స్ 3683 పరుగులతో నంబర్ వన్ స్థానంలో ఉంది.