PSL 2022: 4 ఓవర్లు, 8 సిక్సులు, 67 పరుగులు.. పాక్ మాజీ బౌలర్‌ను ఉతికారేసిన బ్యాట్స్‌మెన్స్..!
Shahid Afridi: క్వెట్టా గ్లాడియేటర్స్ బౌలర్ల అవమానకర ప్రదర్శనతో ఇస్లామాబాద్ యునైటెడ్ 4 వికెట్ల నష్టానికి 229 పరుగులు చేసింది. షాహిద్ అఫ్రిదీపై బ్యాట్స్‌మెన్స్ తీవ్ర ప్రతాపం చూపించారు.
పాకిస్థాన్ సూపర్ లీగ్ 2022 10వ మ్యాచ్‌లో ఇస్లామాబాద్ యునైటెడ్ బ్యాట్స్‌మెన్ సిక్సర్లు, ఫోర్లతో సునామీలా విరుచుకపడ్డారు. తొలుత బ్యాటింగ్ చేసిన ఇస్లామాబాద్ 20 ఓవర్లలో 4 వికెట్ల నష్టానికి 229 పరుగులు చేసింది. ముగ్గురు ఇస్లామాబాద్ బ్యాట్స్‌మెన్ హాఫ్ సెంచరీలు కొట్టగా, మరోవైపు క్వెట్టా గ్లాడియేటర్స్ బౌలర్లు దారాళంగా పరుగులు సమర్పించుకున్నారు. ముఖ్యంగా షాహిద్ అఫ్రిది 4 ఓవర్లలో 67 పరుగులిచ్చి ఘోరంగా ఓడిపోయాడు. (ఫోటో-ట్విట్టర్)
PSL 2022లో షాహిద్ అఫ్రిదికి ఇది మొదటి మ్యాచ్. అంతకుముందు అతనికి కోవిడ్ పాజిటివ్‌గా తేలడంతో ఇన్ని రోజులు మ్యాచులకు దూరంగా ఉన్నాడు. అయితే అఫ్రిది పునరాగమనం చాలా నిరాశపరిచింది. ఆఫ్రిది తన 4 ఓవర్లలో 8 సిక్సర్లు సమర్పించుకున్నాడు. అతను ఓవర్‌కు 16.80 పరుగులు ఇచ్చాడు. (ఫోటో-ట్విట్టర్)
షాహిద్ అఫ్రిది PSL చరిత్రలో అత్యధిక పరుగులు చేసిన ఆటగాడిగా నిలిచాడు. అఫ్రిదీ కంటే ముందు, గత సీజన్‌లోనే, జాఫర్ గోహర్ 4 ఓవర్లలో 65 పరుగులు ఇచ్చాడు. 2019లో, షాహీన్ అఫ్రిది కూడా 4 ఓవర్లలో 62 పరుగులు ఇచ్చాడు. (ఫోటో-ట్విట్టర్)
ఇస్లామాబాద్ యునైటెడ్ బ్యాట్స్‌మెన్ గురించి మాట్లాడుతూ, పాల్ స్టిర్లింగ్ కేవలం 28 బంతుల్లో 58 పరుగుల ఇన్నింగ్స్ ఆడాడు. అతని బ్యాట్‌ నుంచి 3 సిక్సర్లు, 7 ఫోర్లు వచ్చాయి. కోలిన్ మున్రో 39 బంతుల్లో 72 పరుగులు చేసి నాటౌట్‌గా నిలిచాడు. ఆజం ఖాన్ కూడా 35 బంతుల్లో 65 పరుగుల ఇన్నింగ్స్ ఆడాడు. అతని బ్యాట్‌లో 6 సిక్సర్లు, 2 ఫోర్లు ఉన్నాయి. (ఫోటో-ట్విట్టర్)
క్వెట్టా గ్లాడియేటర్స్ తరఫున ఎహ్సాన్ అలీ కూడా 27 బంతుల్లో 50 పరుగులతో అద్భుతమైన ఇన్నింగ్స్ ఆడాడు. ఎహ్సాన్ 8 ఫోర్లు, ఒక సిక్స్ కొట్టాడు.(ఫోటో-ట్విట్టర్)