IPL 2024: ఐపీఎల్ 2024లో బరిలోకి దిగే 10 జట్ల కొత్త జెర్సీలివే.. మరి మీకేది నచ్చిందో!
ఇండియన్ ప్రీమియర్ లీగ్ సీజన్ 17 కోసం అన్ని జట్లు కొత్త జెర్సీలను ఆవిష్కరించాయి. ఈ పది జట్లలో చాలా వరకు జట్లు మునుపటి జెర్సీ రంగులోనే కొనసాగాయి. అయితే, సన్‌రైజర్స్ హైదరాబాద్, పంజాబ్ కింగ్స్ జట్లు మాత్రమే తమ జెర్సీ డిజైన్‌లలో గణనీయమైన మార్పును చేశాయి. వీటిలో కొన్ని బాగున్నాయని, మరికొన్ని బాగోలేవంటూ క్రికెట్ అభిమానులు కామెంట్స్ చేస్తున్నారు. మరి ఐపీఎల్ 2024 సీజన్ లో మీకు ఏ టీమ్ జెర్సీ నచ్చింది?
ఇండియన్ ప్రీమియర్ లీగ్ సీజన్ 17 కోసం అన్ని జట్లు కొత్త జెర్సీలను ఆవిష్కరించాయి. ఈ పది జట్లలో చాలా వరకు జట్లు మునుపటి జెర్సీ రంగులోనే కొనసాగాయి. అయితే, సన్‌రైజర్స్ హైదరాబాద్, పంజాబ్ కింగ్స్ జట్లు మాత్రమే తమ జెర్సీ డిజైన్‌లలో గణనీయమైన మార్పును చేశాయి. వీటిలో కొన్ని బాగున్నాయని, మరికొన్ని బాగోలేవంటూ క్రికెట్ అభిమానులు కామెంట్స్ చేస్తున్నారు. మరి ఐపీఎల్ 2024 సీజన్ లో మీకు ఏ టీమ్ జెర్సీ నచ్చింది?
ఢిల్లీ క్యాపిటల్స్: రిషబ్ పంత్ నేతృత్వంలోని ఢిల్లీ క్యాపిటల్స్ జట్టు ఈసారి కూడా బ్లూ-రెడ్ జెర్సీలోనే ఉంటుంది. జెర్సీ ముందు డిజైన్‌లో ఢిల్లీ మెట్రో మార్గం సింబాలిక్ ఉంటుంది. ఈ ఒక్క చిన్న మార్పు తప్ప, జెర్సీ రంగులలో పెద్దగా మార్పు లేదు.
సన్‌రైజర్స్ హైదరాబాద్: ఎస్‌ఆర్‌హెచ్ జట్టు ఈసారి కొత్త జెర్సీ డిజైన్‌లో ఆడనుంది. సౌతాఫ్రికా టీ20 లీగ్‌లో సన్‌రైజర్స్ కేప్ ఈస్టర్న్ జట్టు ధరించిన జెర్సీ డిజైన్‌నే ఐపీఎల్‌లో ఎస్‌ఆర్‌హెచ్ బరిలోకి దిగనుండడం విశేషం.
చెన్నై సూపర్ కింగ్స్: ఎల్లో ఆర్మీకి పేరుగాంచిన సీఎస్‌కే జట్టు గతసారి మాదిరిగానే ఈసారి కూడా ఎల్లో జెర్సీలో ఆడనుంది. IPL 2023 CSK జెర్సీతో పోలిస్తే, ఈసారి కూడా జెర్సీ డిజైన్‌లో ఎలాంటి మార్పు లేదు.
గుజరాత్ టైటాన్స్: శుభ్‌మన్ గిల్ నేతృత్వంలోని గుజరాత్ టైటాన్స్ జట్టు జెర్సీలో ఎలాంటి మార్పల్లేవు. GT ఫ్రాంచైజీ ఈ మునుపటి జెర్సీ డిజైన్‌ను కొనసాగించింది ఈసారి కూడా వారు గ్రే కలర్ జెర్సీలోనే బరిలోకి దిగనున్నారు.
పంజాబ్ కింగ్స్: IPL 2023లో, పంజాబ్ కింగ్స్ జట్టు జెర్సీ డిజైన్‌లో గణనీయమైన మార్పులు చేసింది. ఎరుపు రంగుతో పాటు, పంజాబ్ ఈసారి ఫ్లేమ్ డిజైన్‌ను ఉపయోగించింది. అలాగే, ఈసారి జెర్సీ ముందు భాగంలో కనిపించే సింహం లోగోను తీసేశారు.
ముంబై ఇండియన్స్: గత సీజన్‌లో మాదిరిగానే ఈసారి కూడా ముంబై ఇండియన్స్ రాయల్ బ్లూ జెర్సీలో ఆడనుంది. అయితే ఈసారి జెర్సీ డిజైన్‌లో చిన్న మార్పు చేసింది. పేరుకు తగ్గట్టుగా జెర్సీపై ఎమ్ ఆకృతిని డిజైన్ చేశారు
రాయల్ ఛాలెంజర్స్ బెంగళూరు: ఆర్సీబీ జట్టు జెర్సీ రంగు మారింది. ఇప్పుడు నలుపు-ఎరుపు రంగులకు బదులుగా నీలం-ఎరుపు రంగులు జెర్సీలో కనిపిస్తున్నాయి. అలాగే, జట్టు పేరుతో పాటు లోగోను కూడా మార్చారు.
లక్నో సూపర్ జెయింట్స్: కేఎల్ రాహుల్ నేతృత్వంలోని లక్నో సూపర్ జెయింట్స్ జట్టు ఈసారి కూడా ముదురు నీలం రంగు జెర్సీలోనే బరిలోకి దిగనుంది.
కోల్‌కతా నైట్ రైడర్స్: కేకేఆర్ జట్టు ఈసారి కూడా పర్పుల్ జెర్సీలోనే ఆడనుంది. అయితే జెర్సీ ముందు భాగం డిజైన్‌లో స్వల్ప మార్పులు చేశారు. ఇది కాకుండా, సాధారణ పర్పుల్-గోల్డ్ రంగులను ఈసారి కూడా ఉపయోగించారు.
రాజస్థాన్ రాయల్స్: పింక్ సిటీకి ప్రాతినిధ్యం వహిస్తున్న రాజస్థాన్ రాయల్స్ ఈసారి కూడా పింక్ జెర్సీలో ఆడనుంది. వెనుక భాగంలో బ్లూ కలర్ ఇచ్చిన ఈ జెర్సీ ముందు డిజైన్‌లో స్వల్ప మార్పు చేశారు.