SRH Captain: సన్రైజర్స్కు భారీ ఊరట.. ఆ రోజే హైదరాబాద్కు ప్యాట్ కమిన్స్.. ప్రత్యర్థులకు ఇక వణుకే..!
Pat Cummins Return Date: సన్రైజర్స్ హైదరాబాద్ టీం రెగ్యులర్ కెప్టెన్ పాట్ కమ్మిన్స్ జట్టుతో త్వరలో చేరనున్నాడు. ఈ మేరకు హైదరాబాద్ జట్టుకు గుడ్ న్యూస్ అందింది. తాజాగా అందుతున్న సమాచారం ప్రకారం, ఫిట్నెస్ పరీక్షకు హాజరుకానున్నాడు. ఈ టెస్ట్ లో విజయం సాధిస్తే ఆస్ట్రేలియా క్రికెట్ బోర్డు నుంచి అనుమతి రానుంది. ఆ తర్వాత ఏప్రిల్ 17న కమిన్స్ హైదరాబాద్కు చేరుకుంటారని సమాచారం.
Pat Cummins Return Date: ఐపీఎల్ 2026 సీజన్లో వరుస విజయాలతో దూసుకుపోతున్న సన్రైజర్స్ హైదరాబాద్కు మరో తీపి కబురు అందింది. ఆ జట్టు రెగ్యులర్ కెప్టెన్, ఆస్ట్రేలియా దిగ్గజం ప్యాట్ కమిన్స్ త్వరలోనే జట్టుతో చేరబోతున్నాడు. రాజస్థాన్ రాయల్స్పై ఘనవిజయంతో జోరు మీదున్న హైదరాబాద్కు, కమిన్స్ రాక మరిన్ని ఆశలను చిగురింపజేస్తోంది.
గత కొంతకాలంగా వెన్నునొప్పితో ఇబ్బంది పడుతున్న ప్యాట్ కమిన్స్, ప్రస్తుతం ఆస్ట్రేలియాలో విశ్రాంతి తీసుకుంటున్నాడు. తాజాగా అందుతున్న సమాచారం ప్రకారం, బుధవారం నాడు ఆయన అక్కడ ఫిట్నెస్ పరీక్షకు హాజరుకానున్నాడు. ఈ పరీక్షలో విజయం సాధిస్తే, ఆస్ట్రేలియా క్రికెట్ బోర్డు నుంచి అనుమతి పొంది నేరుగా భారత్కు బయలుదేరతారు. అంతా సవ్యంగా జరిగితే, ఏప్రిల్ 17న కమిన్స్ హైదరాబాద్కు చేరుకుంటారని సమాచారం.
గతేడాది జరిగిన యాషెస్ సిరీస్ తర్వాత కమిన్స్ మరే పోటీ క్రికెట్ ఆడలేదు. ఇటీవల జరిగిన 2026 టీ20 ప్రపంచకప్కు కూడా ఆయన దూరం కాగా, ఆస్ట్రేలియా జట్టు గ్రూప్ దశలోనే నిష్క్రమించింది. ఐపీఎల్ సీజన్ ప్రారంభానికి ముందు భారత్ వచ్చినప్పటికీ, వెన్నునొప్పి తిరగబెట్టడంతో చికిత్స నిమిత్తం మళ్ళీ స్వదేశానికి వెళ్లాల్సి వచ్చింది. ఏప్రిల్ 2న కోల్కతాపై విజయం తర్వాత ఆయన జట్టును వీడి వెళ్లాడు.
కమిన్స్ గైర్హాజరీలో జట్టు బాధ్యతలు చేపట్టిన ఇషాన్ కిషన్ తనదైన ముద్ర వేస్తున్నాడు. రాజస్థాన్ రాయల్స్తో జరిగిన చివరి మ్యాచ్లో హైదరాబాద్ అద్భుత ప్రదర్శన చేసింది. 217 పరుగుల భారీ లక్ష్యాన్ని కాపాడుకోవడంలో నూతన బౌలర్లు ప్రఫుల్ హింగే, సాకిబ్ హుస్సేన్ చెరో నాలుగు వికెట్లతో చెలరేగారు. ప్రస్తుతం సన్రైజర్స్ ఐదు మ్యాచ్ల్లో రెండు విజయాలతో పాయింట్ల పట్టికలో నాలుగో స్థానంలో కొనసాగుతోంది.
ప్రస్తుతం జట్టులో యువ బౌలర్లు సత్తా చాటుతున్నప్పటికీ, కమిన్స్ వంటి అనుభవజ్ఞుడైన బౌలర్ మరియు సారథి తోడైతే సన్రైజర్స్ మరింత బలంగా మారుతుంది. ముఖ్యంగా డెత్ ఓవర్లలో కమిన్స్ బౌలింగ్ జట్టుకు అదనపు బలాన్ని ఇస్తుంది. కమిన్స్ తిరిగి రావడం వల్ల జట్టు కూర్పులో మార్పులు జరిగే అవకాశం ఉంది. రాబోయే కీలక మ్యాచ్ల్లో ఆయన అందుబాటులో ఉండటం హైదరాబాద్ గెలుపు అవకాశాలను మెరుగుపరుస్తుంది.