ODI Records: వన్డే క్రికెట్ చరిత్రలో ఈ రికార్డులు… మూడు టీంలకే సొంతం..!
తాజాగా జరిగిన ఇంగ్లండ్, శ్రీలంక సిరీస్ తో మరోసారి వన్డే రికార్డుల గురించి చర్చకు వచ్చింది. ఇన్నాళ్లు టీమిండియా పేరిట ఉన్న ఓ చెత్త రికార్డును శ్రీలంక తన పేరిట లిఖించుకుంది.
icc
శ్రీలంక టీం వన్డే క్రికెట్ చరిత్రలో అత్యంత్య చెత్త రికార్డును తన ఖాతాలో వేసుంది. అత్యధిక మ్యాచుల్లో ఓడిన జట్టుగా నిలిచింది. ఇప్పటి వరకు 860 వన్డే మ్యాచ్‌లు ఆడిన శ్రీలకం.. 390 విజయాలు సాధించగా, 428 మ్యాచ్‌ల్లో ఓటమి పాలైంది. మరో 5 మ్యాచ్‌లు టై అయ్యాయి. 37 మ్యాచుల్లో ఫలితం రాలేదు. అత్యధికంగా వన్డేలు ఓడిన జట్టుగా ఇన్నాళ్లు భారత్ తో కలిసి శ్రీలంక జట్టు ఉమ్మడిగా నిలిచాయి. తాజా ఓటమితో శ్రీలంక తొలి స్థానంలో నిలిచింది.
ఆ తర్వాత 427 పరాజయాలతో టీమిండయా సెకండ్ ప్లేస్ లో నిలిచింది. వన్డే క్రికెట్‌లో అత్యధికంగా మ్యాచులు ఆడిన రికార్డు మాత్రం టీమిండియా పేరుతోనే ఉంది. ఇప్పటి వరకు టీమిండియా 993 మ్యాచ్‌లు ఆడింది. మరో 7 మ్యాచులు ఆడితే 1000 వన్డేలు ఆడిన తొలి జట్టుగా రికార్డులు క్రియోట్ చేయనుంది. ఇప్పటి వరకు 516 విజయాలు సాధించగా, 9 మ్యాచ్‌లు టై అవ్వగా, మరో 41 మ్యాచ్‌ల్లో ఫలితం తేలలేదు.
వన్డేల్లో ఎక్కువ విజయాలు సాధించిన టీంగా ఆస్ట్రేలియా కొనసాగుతోంది. కంగారుల జట్టు ఇప్పటి వరకు 955 మ్యాచ్‌లు ఆడగా, 579 మ్యాచుల్లో గెలుపొందింది. ఈ టీం 333 మ్యాచ్‌ల్లో ఓడిపోగా... 9 మ్యాచ్‌లు టై చేసుకుంది. మరో 34 మ్యాచ్‌ల్లో మాత్రం ఫలితం రాలేదు.