Lava Blaze NXT: రూ. 10 వేలలో అద్భుతమైన స్మార్ట్‌ఫోన్‌.. ట్రిపుల్‌ కెమెరాతో పాటు మరెన్నో సూపర్‌ ఫీచర్స్‌..
Narender Vaitla |
Updated on: Nov 29, 2022 | 1:49 PM
ప్రముఖ దేశీయ మొబైల్ తయారీ సంస్థ లావా తాజాగా మార్కెట్లోకి కొత్త స్మార్ట్‌ఫోన్‌ను విడుదల చేసింది. లావా బ్లేజ్‌ ఎన్‌ఎక్స్‌టీ పేరుతో తీసుకొచ్చిన ఈ ఫోన్‌ను బడ్జెట్‌ ధరలో లాంచ్‌ చేసింది..
Nov 29, 2022 | 1:49 PM
ప్రముఖ ఇండియన్‌ స్మార్ట్ ఫోన్ తయారీ సంస్థ లావా తాజాగా మార్కెట్లోకి కొత్త ఫోన్‌ను లాంచ్‌ చేసింది. బడ్జెట్‌ ధరలో ఆకట్టుకునే ఫీచర్లతో ఈ స్మార్ట్‌ఫోన్‌ తీసుకొచ్చారు.
1 / 5
4జీబీ ర్యామ్‌ + 64 జీబీ స్టోరేజ్‌తో తీసుకొచ్చిన ఈ స్మార్ట్ ఫోన్లో మీడియాటెక్ హీలియో G37 SoC చిప్‌సెట్‌తో పనిచేస్తుంది. ఇందులో 6.5 ఇంచెస్‌ హెచ్‌డీ+ఐపీఎస్‌ డిస్‌ప్లేను అందించారు. ఆండ్రాయిడ్ 12 ఆపరేటింగ్ సిస్టమ్‌తో పని చేసే ఈ ఫోన్లో 3.5mm హెడ్‌ఫోన్ జాక్‌ను ఇచ్చారు.
2 / 5
ఇక బ్యాటరీ విషయానికొస్తే ఇందులో 5000 ఎమ్‌ఏహెచ్‌ సామర్థ్యం గల పవర్‌ ఫుల్ బ్యాటరీని అందించారు. వర్చువల్ ర్యామ్‌ ఫీచర్‌తో ఫోన్ ర్యామ్‌ను 3GB వరకు పెంచుకోవచ్చు.
3 / 5
ఇక కెమెరాకు ఇందులో అధిక ప్రాధాన్యత ఇచ్చారు. దీంట్లో ట్రిపుల్‌ సెటప్‌ రెయిర్‌ కెమెరాను అందించారు. 13 మెగాపిక్సెల్ ప్రైమరీ కెమెరాతో పాటు రెండు సెకండరీ సెన్సార్లు అందించారు. ఈ కెమెరాతో 1080 పీ ఫుల్ హెచ్‌డీ వీడియోలను రికార్డు చేసుకోవచ్చు.
4 / 5
ధర విషయానికొస్తే లావా బ్లేజ్‌ ఎన్‌ఎక్స్‌టీ రూ. 9,299గా ఉంది. బ్లూ, రెడ్‌ కలర్స్‌లో అందుబాటులో ఉందీ ఫోన్. ఇదిలా ఉంటే ఈ ఫోన్ తొలి సేల్ ఎప్పుడు ప్రారంభమవుతుందన్న దానిపై ఇంకా స్పష్టత రాలేదు. అమెజాన్‌లో సేల్ నిర్వహించనున్నట్లు సమాచారం.
