IPL 2024-RCB: ఆర్సీబీ టీమ్లో భారీ ప్రక్షాళన.. వచ్చే టోర్నీలో ఈ ప్లేయర్లు ఉండడం అనుమానమే..!
IPL 2023-Royal Challengers Bangalore: లీగ్ దశలో RCB 14 మ్యాచ్ల్లో 7 మ్యాచ్లు మాత్రమే గెలిచింది. విశేషమేమిటంటే, ఈ ఏడు మ్యాచ్ల విజయాల్లో కేవలం నలుగురు ఆటగాళ్లు మాత్రమే గణనీయమైన సహకారం అందించారు.
IPL 2023: ఐపీఎల్ 16వ సీజన్ ముగిసింది. ఫైనల్ మ్యాచ్లో పటిష్టమైన గుజరాత్ టైటాన్స్ను ఓడించి చెన్నై సూపర్ కింగ్స్ ఛాంపియన్గా నిలిచింది. అయితే టైటిల్ గెలుస్తామన్న ఆత్మవిశ్వాసంతో టోర్నీని ప్రారంభించిన ఆర్సీబీ ఈసారి 6వ స్థానంతో సరిపెట్టుకోవాల్సి వచ్చింది.
లీగ్ దశలో 14 మ్యాచ్లు ఆడిన ఆర్సీబీ కేవలం 7 మ్యాచ్ల్లో మాత్రమే విజయం సాధించింది. విశేషమేమిటంటే.. ఈ ఏడు మ్యాచ్ల విజయాల్లో నలుగురు ఆటగాళ్లు మాత్రమే గణనీయమైన సహకారం అందించారు.
వారిలో ఫాఫ్ డుప్లెసిస్(730 పరుగులు), విరాట్ కోహ్లి(639 పరుగులు), గ్లెన్ మాక్స్ వెల్(400 పరుగులు), మహ్మద్ సిరాజ్(19 వికెట్లు) టోర్నీలో మెరుపులు మెరిపించినప్పటికీ, మిగిలిన వారు ఆటకు సరిపోలేదు.
ఈ కారణంగానే వచ్చే జరిగే ఐపీఎల్ 17వ సీజన్కు ముందుగానే ఆర్సీబీ టీమ్కి భారీ సర్జరీ జరగనుందని సమాచారం. అంటే 16వ సీజన్ ఐపీఎల్లో పేలవ ప్రదర్శన కనబరిచిన ఆర్సీబీ ఆటగాళ్లను జట్టు నుంచి తొలగించడం దాదాపుగా ఖాయం. ఈ నేపథ్యంలో ఆర్సీబీ తరఫున చెత్త ప్రదర్శన కనబరర్చిన ఆటగాళ్లు ఎవరో చూద్దాం..
1. దినేష్ కార్తీక్: 16వ సీజన్ ఐపీఎల్లో దినేష్ కార్తీక్ 13 ఇన్నింగ్స్ ఆడి 140 పరుగులు మాత్రమే చేశాడు. ఈ నేపథ్యంలో డీకేనీ ఆర్సీబీ నిలుపుకోవడం అనుమానమే.
2. మహిపాల్ లామ్రార్: 10 ఇన్నింగ్స్లలో బ్యాటింగ్ చేసిన లామ్రార్ 135 పరుగులు మాత్రమే చేయగలిగాడు. ఈ నేపథ్యంలో లామ్రార్కు కూడా గేట్ పాస్ ఇచ్చే అవకాశం ఉంది.
3. అనుజ్ రావత్: ఆర్సీబీ తరఫున ఈ సీజన్లో 7 ఇన్నింగ్స్లు ఆడిన అనుజ్ రావత్ 91 పరుగులు మాత్రమే చేశాడు. రూ.3.4 కోట్లకు ఆర్సీబీ కొనుగోలు చేసిన ఈ ఆటగాడు ఆశించిన స్థాయిలో రాణించకపోవడంతో జట్టు నుంచి తప్పించడం ఖాయం.
4. షాబాజ్ అహ్మద్: షాబాజ్ ఈ సీజన్లో 42 పరుగులు రాబట్టడంతో పాటు1 వికెట్ మాత్రమే తీసుకున్నాడు. అందువల్ల టీమ్ నుంచి షాబాజ్ నిష్క్రమించడం ఖాయమని చెప్పవచ్చు.
5. కేదార్ జాదవ్: ఆర్సీబీ తరఫున 1 ఇన్నింగ్స్ మాత్రమే ఆడిన సీనియర్ ఆటగాడు కేదార్ జాదవ్ 12 పరుగులే చేశాడు. సబ్స్టిట్యూట్గా ఎంపికైన జాదవ్ను మళ్లీ రిటైన్ చేయడం అనుమానమే.
6. సుయాష్ ప్రభుదేశాయ్: ఆర్సీబీ తరఫున సుయాశ్ 5 మ్యాచ్ల్లో 4 ఇన్నింగ్స్లు ఆడాడు. అయినా 35 పరుగులు మాత్రమే. కాబట్టి సుయాష్ని కూడా విడుదల చేయవచ్చు.
7. కర్ణ్ శర్మ: కర్ణ్ శర్మ 7 మ్యాచ్ల్లో 223 పరుగులు ఇచ్చి మొత్తం 10 వికెట్లు పడగొట్టాడు. అయితే, 35 ఏళ్ల సీనియర్ ఆటగాడిని ఆర్సిబి వచ్చే సీజన్లో ఉంచుకోవడం అనుమానమే.