IND vs AFG: చారిత్రాత్మక మ్యాచ్లో చెత్త రికార్డ్.. టీ20 హిస్టరీలోనే తొలి ‘జీరో’ సారథిగా..
IND vs AFG: భారత క్రికెట్ జట్టు కెప్టెన్ రోహిత్ శర్మకు, ఆఫ్ఘనిస్తాన్తో జరిగిన ఈ మ్యాచ్ అంతర్జాతీయ T20 క్రికెట్లో 150వ మ్యాచ్. దీంతో ప్రపంచంలోనే అత్యంత పొట్టి ఫార్మాట్లో 150 మ్యాచ్లు ఆడిన తొలి పురుష క్రికెటర్గా రోహిత్ నిలిచాడు. అయితే, ఇదే మ్యాచ్లో రోహిత్ శర్మ కెరీర్లోనే అత్యంత చెత్త రికార్డ్ నమోదు చేశాడు. దీంతో ప్రపంచ క్రికెట్లోనే పొట్టి ఫార్మాట్లోనే తొలి కెప్టెన్గా నిలిచారు.
ఇండోర్ వేదికగా ఆఫ్ఘనిస్థాన్తో జరిగిన రెండో టీ20లో టీమిండియా 6 వికెట్ల తేడాతో ఘన విజయం సాధించింది. దీంతో మరో మ్యాచ్ మిగిలి ఉండగానే టీ20 సిరీస్ను కైవసం చేసుకుంది. భారత గడ్డపై టీ20 సిరీస్ గెలవాలన్న అఫ్గానిస్థాన్ కల నెరవేరలేదు.
టాస్ ఓడి తొలుత బ్యాటింగ్ చేసిన ఆఫ్ఘనిస్థాన్ జట్టు నిర్ణీత 20 ఓవర్లలో అన్ని వికెట్లు కోల్పోయి 173 పరుగులకు ఆలౌట్ అయింది. ఈ లక్ష్యాన్ని ఛేదించిన భారత్ యశస్వి జైస్వాల్, శివమ్ దూబే అర్ధ సెంచరీలతో 15.4 ఓవర్లలో 4 వికెట్లు కోల్పోయి లక్ష్యాన్ని పూర్తి చేసింది.
వీరిద్దరూ కాకుండా సరిగ్గా 14 నెలల తర్వాత టీ20 క్రికెట్లోకి పునరాగమనం చేసిన విరాట్ కోహ్లి కేవలం 16 బంతుల్లోనే 5 బౌండరీలతో 29 పరుగులు చేసి సెలెక్టర్లకు ధీటుగా రాణించాడు. అయితే, కోహ్లిలాగే చాలా నెలల తర్వాత టీ20 ఫార్మాట్లోకి వచ్చిన కెప్టెన్ రోహిత్కు ఈ సిరీస్ పీడకలలా మారింది.
ఆఫ్ఘనిస్తాన్తో జరిగిన ఈ మ్యాచ్ భారత క్రికెట్ జట్టు కెప్టెన్ రోహిత్ శర్మకు అంతర్జాతీయ టీ20 క్రికెట్లో 150వ మ్యాచ్. దీంతో ప్రపంచంలోనే అత్యంత పొట్టి ఫార్మాట్లో 150 మ్యాచ్లు ఆడిన తొలి పురుష క్రికెటర్గా రోహిత్ నిలిచాడు.
అయితే, ఈ చారిత్రాత్మక మ్యాచ్లో రోహిత్ తన అభిమానులను బాగా నిరాశపరిచాడు. అఫ్గానిస్థాన్తో జరిగిన తొలి మ్యాచ్లో సున్నాకి రనౌట్ అయిన రోహిత్.. రెండో టీ20 మ్యాచ్లోనూ గోల్డెన్ డక్ అయ్యాడు.
ఈ ఫార్మాట్లో రోహిత్కి ఇది 12వ సారి డకౌట్. దీంతో ఈ ఫార్మాట్లో కెవిన్ ఓబ్రెయిన్ 12 సార్ల డకౌట్ల రికార్డును రోహిత్ సమం చేశాడు. అలాగే అంతర్జాతీయ టీ20ల్లో అత్యధిక డకౌట్ల పరంగా రోహిత్ ఇప్పుడు రెండో స్థానానికి చేరుకున్నాడు.
అలాగే, టీ20 ఫార్మాట్లో భారత్ తరపున అత్యధికంగా డకౌట్ల పరంగా రోహిత్ శర్మ మొదటి స్థానంలో ఉండగా, కేఎల్ రాహుల్ రెండో స్థానంలో ఉన్నాడు. అలాగే విరాట్ కోహ్లీ, శ్రేయాస్ అయ్యర్, వాషింగ్టన్ సుందర్ సంయుక్తంగా మూడో స్థానంలో ఉన్నారు.
దీంతో పాటు టీ20 ఇంటర్నేషనల్లో కెప్టెన్గా అత్యధిక డకౌట్లు అయిన తొలి ఆటగాడిగా రోహిత్ శర్మ నిలిచాడు. రోహిత్ ఇప్పటివరకు కెప్టెన్గా 6 సార్లు డకౌట్లు అయ్యాడు.