AUS vs WI: వార్నర్ ఊరమాస్ ఇన్నింగ్స్.. కట్చేస్తే.. మూగబోయిన హిట్మ్యాన్ రికార్డ్..
AUS vs WI: వెస్టిండీస్ ఇచ్చిన 220 పరుగుల లక్ష్యాన్ని ఛేదించలేకపోయిన ఆస్ట్రేలియా జట్టుకు శుభారంభం మాత్రం అదిరిపోయింది. జట్టు తరపున తుఫాన్ వేగంతో బ్యాటింగ్ చేసిన వార్నర్ 81 పరుగులతో డేంజరస్ ఇన్నింగ్స్ ఆడాడు. దీంతో రోహిత్ శర్మ పేరిట ఉన్న అతిపెద్ద రికార్డును వార్నర్ బద్దలు కొట్టాడు.
ఆస్ట్రేలియా, వెస్టిండీస్ మధ్య జరిగిన మూడో టీ20 మ్యాచ్లో టాస్ గెలిచి తొలుత బ్యాటింగ్ చేసిన వెస్టిండీస్ 220 పరుగులకు ఆలౌటైంది. జట్టు తరపున అద్భుతమైన బ్యాటింగ్ను ప్రదర్శించిన ఆండ్రీ రస్సెల్ కేవలం 29 బంతుల్లో 4 ఫోర్లు, 7 సిక్సర్లతో 71 పరుగులు చేశాడు. రస్సెల్కు మంచి సహకారం అందించిన షెర్ఫాన్ రూథర్ఫోర్డ్ 40 బంతుల్లో 5 ఫోర్లు, 5 సిక్సర్లతో 67 పరుగులు చేశాడు. రోస్టన్ చేజ్ కూడా 37 పరుగులు చేశాడు.
ఈ లక్ష్యాన్ని ఛేదించలేకపోయిన ఆస్ట్రేలియా జట్టు అదిరిపోయే శుభారంభం దక్కింది. జట్టు తరపున తుఫాన్ వేగంతో బ్యాటింగ్ చేసిన వార్నర్ 81 పరుగులతో పేలుడు ఇన్నింగ్స్ ఆడాడు. దీంతో రోహిత్ శర్మ పేరిట ఉన్న అతిపెద్ద రికార్డును వార్నర్ బద్దలు కొట్టాడు.
వెస్టిండీస్పై 14 పరుగులు చేసిన తర్వాత డేవిడ్ వార్నర్ T20Iలో 3000 పరుగులు పూర్తి చేశాడు. వార్నర్ ఇప్పటివరకు 102 టీ20 ఇన్నింగ్స్ల్లో 3000 టీ20 పరుగులు చేశాడు. దీంతో టీ20ల్లో అత్యధిక పరుగులు చేసిన ఆటగాళ్ల జాబితాలో రోహిత్ శర్మను అధిగమించాడు. టీమిండియా కెప్టెన్ రోహిత్ 108 టీ20 ఇన్నింగ్స్ల్లో 3000 పరుగులు చేశాడు. ఇప్పుడు వార్నర్ 102 పరుగులతో ఈ ఘనత సాధించాడు.
ఈ మ్యాచ్లో 49 బంతులు ఎదుర్కొన్న వార్నర్ 9 ఫోర్లు, 3 సిక్సర్లతో 81 పరుగులతో తుఫాన్ ఇన్నింగ్స్ని నమోదు చేశాడు. టీ20 ఫార్మాట్లో అతి తక్కువ ఇన్నింగ్స్లలో 3000 పరుగుల మార్క్ను దాటిన ఆటగాళ్ల జాబితాలో భారత మాజీ కెప్టెన్ విరాట్ కోహ్లీ అగ్రస్థానంలో ఉన్నాడు. కేవలం 81 ఇన్నింగ్స్ల్లోనే కోహ్లి ఈ ఘనత సాధించాడు.
2009లో ఆస్ట్రేలియా తరపున టీ20 అరంగేట్రం చేసిన వార్నర్ ఆ తర్వాత ఆస్ట్రేలియా తరపున 102 మ్యాచ్ల్లో 3020 పరుగులు చేశాడు. ఇందులో ఒక సెంచరీ, 25 అర్ధసెంచరీలు ఉన్నాయి. అయితే, ఈ మ్యాచ్లో ఆస్ట్రేలియా ఓటమిపాలైంది. దీంతో మూడు మ్యాచ్ల సిరీస్ను కంగారుల జట్టు 2-1తేడాతో గెలుచుకుంది.