AUS vs ENG: 12 బౌండరీలతో తుఫాన్ సెంచరీ.. లాహోర్లో కంగారుల నడ్డి విరిచిన ఐపీఎల్ అన్లక్కీ ప్లేయర్
England Player Ben Duckett smashes century: 2025 ఛాంపియన్స్ ట్రోఫీలో నాల్గవ మ్యాచ్ ఆస్ట్రేలియా వర్సెస్ ఇంగ్లాండ్ మధ్య లాహోర్లోని గడాఫీ స్టేడియంలో జరుగుతోంది. గ్రూప్ బిలో జరిగిన రెండో మ్యాచ్లో ఆస్ట్రేలియా టాస్ గెలిచి బౌలింగ్ ఎంచుకుంది. ఈ క్రమంలో ఇంగ్లండ్ జట్టు భారీ స్కోర్ దిశగా ముందుకు సాగుతోంది.
శనివారం లాహోర్లోని గడాఫీ స్టేడియంలో ఆస్ట్రేలియాతో జరుగుతోన్న ఐసీసీ ఛాంపియన్స్ ట్రోఫీ 2025 మ్యాచ్లో ఇంగ్లాండ్ ఆటగాడు బెన్ డకెట్ సెంచరీ సాధించాడు. వన్డేల్లో 3వ సెంచరీ సాధించాడు. దీంతో ఆస్ట్రేలియా ముందు భారీ స్కోర్ ఉంచేందుకు ప్రయత్నిస్తున్నాడు.
ఈ ఎడమచేతి వాటం ఓపెనర్ స్పెన్సర్ జాన్సన్ బౌలింగ్లో వరుసగా రెండు ఫోర్లతో 95 బంతుల్లో తన మూడో వన్డే సెంచరీని పూర్తి చేసుకున్నాడు. అతని ఇన్నింగ్స్లో 11 ఫోర్లు, ఒక సిక్సర్ ఉన్నాయి.
ఈ మ్యాచ్తో కలిసి ఛాంపియన్స్ ట్రోపీ 2025లో ఇప్పటి వరకు 6 సెంచరీలు నమోదయ్యాయి. డకెట్ ఓపెనర్గా బరిలోకి దిగాడు. ఫిల్ సాల్ట్ మ్యాచ్లోని రెండవ ఓవర్లో అలెక్స్ కారీ మిడ్-ఆన్లో అద్భుతమైన క్యాచ్ పట్టడంతో అవుట్ అయ్యాడు.
ఆ తర్వాత బెన్ డకెట్ జేమీ స్మిత్తో కలిసి 30 పరుగుల భాగస్వామ్యాన్ని నెలకొల్పాడు. జో రూట్తో కలిసి మూడో వికెట్కు 158 పరుగులు జోడించి ఇంగ్లాండ్ను పటిష్ట స్థితిలో ఉంచాడు.
ప్రస్తుతం వార్త రాసే సమయానికి 35 ఓవర్లలో ఇంగ్లాండ్ 4 వికెట్లకు 226 పరుగులు చేసింది. బెన్ డకెట్, జోస్ బట్లర్ క్రీజులో ఉన్నారు. వికెట్లు తీసేందుకు ఆస్ట్రేలియా బౌలర్లు ఎన్నో విధాలుగా ప్రయత్నిస్తున్నారు.