Health Tips: వేగంగా బరువు తగ్గాలా..? టీ, కాఫీ వదిలి ఉదయాన్నే ఈ డ్రింక్స్ తాగితే, నెల రోజుల్లో 10 కేజీల బరువు తగ్గడం ఖాయం..
Weight Lose Tips: చాలా మంది తమ రోజును టీ లేదా కాఫీతో ప్రారంభిస్తారు. టీ, కాఫీ తాగడం వల్ల మూడ్ రిఫ్రెష్ అవుతుంది. కానీ ఖాళీ కడుపుతో టీ, కాఫీ తాగడం ఆరోగ్యానికి మంచిది కాదు, పైగా జీర్ణ వ్యవస్థపై చెబు ప్రభావం పడుతుంది. ఇంకా షుగర్ లెవెల్స్ పెరిగి డయాబెటిస్ సమస్యకు దారి తీస్తుంది. ఈ క్రమంలో టీ, కాఫీకి బదులు కొన్ని డ్రింక్స్ని ఉదయాన్నే తాగితే చాలా మేలు జరుగుతుంది. ఇంకా బరువు తగ్గాలనుకునేవారు మెరుగైన ఫలితాలు పొందుతారు. ఇంతకీ ఉదయాన్నే ఏయే డ్రింక్స్ తాగాలంటే..?
బరువు తగ్గాలనుకుంటున్నారా..? అయితే మీ రోజును టీ, కాఫీకి బదులుగా హెల్తీ డ్రింక్స్తో ప్రారంభించండి. వీటిని తాగడం వల్ల బరువు తగ్గడంతో పాటు ఎన్నో ఆరోగ్య ప్రయోజనాలను పొందుతారు.
ఈ క్రమంలో మీరు ఉదయాన్నే పసుపు, మిరియాలన కలిపిన నీరు త్రాగవచ్చు. ఇందుకోసం ఒక గ్లాసు వేడి నీటిలో 2 చిటికెల పసుపు పొడి, మిరియాల పొడి వేసి కలపండి. దీన్ని ఖాళీ కడుపుతో తాగితే శరీరంలోని కొవ్వును తొలగించడంతో పాటు జీవక్రియను పెంచడంలో సహాయపడుతుంది.
మీరు ఉదయం ఖాళీ కడుపుతో నిమ్మరసం కూడా తాగవచ్చు. వేడి నీళ్లలో నిమ్మరసం, తేనె కలుపుకుని తాగితే బరువు తగ్గడంతో పాటు మీ శరీరంలో పేరుకుపోయిన అన్ని కాలుష్యాలను బయటకు పోతాయి. అలాగే నిమ్మకాయలోని పోషకాలు మీ జీర్ణ సంబంధిత సమస్యలను దూరం చేస్తాయి. ఇంకా విటమిన్ సి మీ రోగనిరోధక శక్తి పెరిగేలా చేస్తుంది.
జీలకర్ర, సోపు కలిపిన నీరు కూడా చాలా ఉదయాన్నే తాగడానికి ఉపయోగకరంగా ఉంటాయి. 2 కప్పుల నీటిలో జీలకర్ర, మెంతులు, సోపు గింజలను వేసి బాగా మరిగించండి. మరిగిన తర్వాత తాగితే బరువు తగ్గుతారు, ఇంకా మీ జీర్ణవ్యవస్థ పనితీరు మెరుగుపడుతుంది.
మీకు ఈ డ్రింక్స్ నచ్చకుంటే.. ప్రశాంతంగా గోరువెచ్చని నీరు తాగండి. ఖాళీ కడుపుతో ఒక గ్లాసు గోరువెచ్చని నీరు తాగితే మీ శరీరం కూడా హైడ్రేటెడ్ ఉంటుంది. ఇంకా శరీరంపై ఎలాంటి దుష్ఫ్రభావాలు ఉండవు.