Trivikram Srinivas: షాకింగ్ డెసిషన్ తీసుకున్న త్రివిక్రమ్.. ఆయన రుణం తీర్చుకుంటున్న గురూజీ
సన్నాఫ్ సత్యమూర్తి సమయంలో త్రివిక్రమ్ తీసుకున్న ఓ నిర్ణయం అప్పట్లో అందరికీ షాకిచ్చింది. దాదాపు పదేళ్ళ తర్వాత మళ్లీ అలాంటి నిర్ణయమే తీసుకోవాలని చూస్తున్నారు గురూజీ. అప్పుడెలాంటి పరిస్థితుల్లో ఉన్నారో ఇప్పుడలాగే ఉన్నారు మాటల మాంత్రికుడు. మరి త్రివిక్రమ్ అప్పుడేం నిర్ణయం తీసుకున్నారు..? ఇప్పుడెలాంటి నిర్ణయం తీసుకోబోతున్నారు..? ఎక్స్‌క్లూజివ్‌గా చూద్దాం పదండి.. తెలియకుండానే సినిమా సినిమాకి భారీ గ్యాప్ తీసుకుంటున్నారు త్రివిక్రమ్.
సన్నాఫ్ సత్యమూర్తి సమయంలో త్రివిక్రమ్ తీసుకున్న ఓ నిర్ణయం అప్పట్లో అందరికీ షాకిచ్చింది. దాదాపు పదేళ్ళ తర్వాత మళ్లీ అలాంటి నిర్ణయమే తీసుకోవాలని చూస్తున్నారు గురూజీ. అప్పుడెలాంటి పరిస్థితుల్లో ఉన్నారో ఇప్పుడలాగే ఉన్నారు మాటల మాంత్రికుడు. మరి త్రివిక్రమ్ అప్పుడేం నిర్ణయం తీసుకున్నారు..? ఇప్పుడెలాంటి నిర్ణయం తీసుకోబోతున్నారు..? ఎక్స్‌క్లూజివ్‌గా చూద్దాం పదండి..
తెలియకుండానే సినిమా సినిమాకి భారీ గ్యాప్ తీసుకుంటున్నారు త్రివిక్రమ్. గుంటూరు కారం వచ్చి 4 నెలలైనా.. ఇప్పటికీ మరో సినిమాపై కనీస అప్‌డేట్ కూడా ఇవ్వట్లేదు గురూజీ. ఏదో పేరుకు బన్నీ సినిమా ప్రకటించారు కానీ అదిప్పట్లో ఉండేలా కూడా కనిపించడం లేదు. పరిస్థితి చూస్తుంటే త్రివిక్రమ్‌కు మళ్లీ లాంగ్ గ్యాప్ తప్పేలా లేదు.
అల్లు అర్జున్ ప్రస్తుతం పుష్ప 2తో బిజీగా ఉన్నారు. దీని తర్వాత అట్లీతో సినిమా దాదాపు ఖరారైపోయింది. ఈ పరిస్థితుల్లో త్రివిక్రమ్ ప్రాజెక్ట్ పట్టాలెక్కడానికి ఇంకాస్త సమయం పట్టేలా ఉంది. అందుకే త్రివిక్రమ్ మరో హీరో వైపు చూస్తున్నట్లు తెలుస్తుంది. మొన్నటి వరకు నాని, వెంకటేష్ మల్టీస్టారర్ అనుకున్నా.. ఈ ఇద్దరు హీరోలు ఇతర ప్రాజెక్ట్స్‌తో బిజీగా ఉన్నారు.
చాలా రోజులుగా రామ్‌తో త్రివిక్రమ్ సినిమా ప్లాన్ చేస్తున్నారు స్రవంతి రవికిషోర్. ఆ సంస్థతో గురూజీకి మంచి అనుబంధం ఉంది. అప్పట్లో నువ్వే నువ్వేతో త్రివిక్రమ్‌కు దర్శకుడిగా ఫస్ట్ ఛాన్స్ ఇచ్చింది స్రవంతి రవికిషోరే. ఇక నువ్వు నాకు నచ్చావ్ అదే బ్యానర్‌లో వచ్చింది. ఈ కృతజ్ఞతతోనే రామ్ హీరోగా ఓ సినిమాకు త్రివిక్రమ్ ప్లాన్ చేస్తున్నారని తెలుస్తుంది.
సన్నాఫ్ సత్యమూర్తి తర్వాత నితిన్ లాంటి మీడియం రేంజ్ హీరోతో అ..ఆ తీసి బ్లాక్‌బస్టర్ కొట్టారు త్రివిక్రమ్. ఇప్పుడూ ఇదే ఫార్ములా అప్లై చేయాలని చూస్తున్నారు. ఎలాగూ స్టార్స్ అంతా బిజీగా ఉన్నారు కాబట్టి ఈ గ్యాప్‌లో ఓ క్యూట్ లవ్ స్టోరీ చేయాలని చూస్తున్నారు మాటల మాంత్రికుడు. పైగా డబుల్ ఇస్మార్ట్ తర్వాత రామ్ ఏ సినిమాకు ఓకే చెప్పలేదు. మరి గురూజీ, రామ్ కాంబో కుదుర్తుందో లేదో చూడాలి.