Pushpa 2: బన్నీతో శ్రీలీల డాన్స్ వేరేలెవల్.. పుష్ప 2 స్పెషల్ సాంగ్ సెట్లో అడుగుపెట్టిన హీరోయిన్..
మోస్ట్ అవైటెడ్ మూవీ పుష్ప 2 ది రూల్. డైరెక్టర్ సుకుమార్ తెరకెక్కిస్తోన్న ఈ మూవీపై ఇప్పటికే భారీ అంచనాలు నెలకొన్నాయి. గతంలో వచ్చిన పుష్ప చిత్రం పాన్ ఇండియా బాక్సాఫీస్ ను షేక్ చేయగా.. ఇప్పుడు రాబోయే పుష్ప 2 ది రూల్ ప్రాజెక్ట్ పై మరింత హైప్ ఏర్పడింది.
డైరెక్టర్ సుకుమార్ దర్శకత్వంలో అల్లు అర్జున్ హీరోగా నటిస్తోన్న సినిమా పుష్ప 2 ది రూల్. ఇందులో కన్నడ భామ రష్మిక మందన్నా కథానాయికగా నటిస్తుండగా.. మలయాళీ స్టార్ హీరో ఫహద్ ఫాసిల్ కీలకపాత్ర పోషిస్తున్నారు.
ఈ చిత్రాన్ని ఈ ఏడాది డిసెంబర్ 5న ప్రపంచవ్యాప్తంగా గ్రాండ్ గా విడుదల చేయనున్నారు. విడుదల తేదీ దగ్గర పడుతున్న నేపథ్యంలోనే స్పెషల్ సాంగ్ కు సంబంధించిన వార్త బయటకు వచ్చింది.
ఈ సినిమాలో స్పెషల్ సాంగ్ కోసం ముందుగా శ్రద్ధా కపూర్, త్రిప్తి డిమ్రి పేర్లు బయటకు వచ్చాయి. కానీ అనుహ్యంగా శ్రీలీలను తీసుకున్నారని సమాచాం. తాజాగా శ్రీలీల ఈ సాంగ్ షూట్ లో జాయిన్ అయ్యిందంట.
రిలీజ్ డేట్ దృష్టిలో పెట్టుకుని ఈ స్పెషల్ సాంగ్ జెట్ స్పీడులో చిత్రీకరిస్తున్నారని సమాచరం. దాదాపు వారం రోజుల్లో ఈ పాటను పూర్తి చేయనున్నారని ఇన్ సైడ్ టాక్. ఈ సినిమాకు దేవీ శ్రీ ప్రసాద్ మ్యూజిక్ అందిస్తున్నారు.
మహేష్ బాబుతో గుంటూరు కారం చిత్రంలో నటించిన శ్రీలీల.. ఆ తర్వాత నటిస్తున్న రెండో భారీ బడ్జెట్ ప్రాజెక్ట్ ఇదే కావడం విశేషం. దీంతో బన్నీ, శ్రీలీల డ్యాన్స్ కాంబో కోసం ఫ్యాన్స్ వెయిట్ చేస్తున్నారు.