Movie News: ఒకే సిటీలో ముడేళ్లంటే బోర్: శృతి.. గోపీచంద్‌కి హిట్‌ కంపల్సరీనా.?
ఎవరైనా ఒక సిటీలో ఒక ఇంట్లో ఉండటానికి ప్రిఫర్‌ చేస్తారు. కానీ శ్రుతి చెబుతున్న మాటలు అందుకు పూర్తి భిన్నంగా ఉన్నాయి. పెళ్లికి ముందు కలర్స్ స్వాతికి, పెళ్లయ్యాక సినిమాల్లోకి రీ ఎంట్రీ ఇచ్చిన స్వాతికి ఎంత తేడా వచ్చిందీ.. బాప్‌రే! అని ఆశ్చర్యపోతున్నారు జనాలు. కొంతమంది హీరోల కెరీర్‌లో కొన్ని సినిమాలకు అమాంతం ఇంపార్టెన్స్ పెరుగుతుంది. కొన్నిసార్లు అది సక్సెస్‌ స్ట్రీక్‌ని కంటిన్యూ చేయాల్సిన సందర్భం కావచ్చు. మరికొన్ని సార్లు ఎంతో కాలంగా ఎదురుచూస్తున్న హిట్‌ని అందించే సినిమా కావచ్చు. అలాంటి అతి ముఖ్యమైన సందర్భంలో వచ్చే సినిమాగా గోపీచంద్‌ కెరీర్‌లో ఇప్పుడు భీమా నిలుస్తోంది.
ఎవరైనా ఒక సిటీలో ఒక ఇంట్లో ఉండటానికి ప్రిఫర్‌ చేస్తారు. కానీ శ్రుతి చెబుతున్న మాటలు అందుకు పూర్తి భిన్నంగా ఉన్నాయి. ముంబైలో తను మూడు ఇళ్లల్లో ఉంటానని అంటున్నారు శ్రుతిహాసన్‌. ఆమె మాటల్లోని మతలబేంటని ఆరా తీసిన వారికి ఇంట్రస్టింగ్‌ విషయాలు తెలిశాయి. ముంబైలో శ్రుతిహాసన్‌కి ఓ ఫ్లాట్‌ ఉంది. ఆమె తల్లికి ఓ ఫ్లాట్‌ ఉంది. చెల్లికి ఓ ఫ్లాట్‌ ఉంది. తనకు ఎప్పుడు ఎక్కడ ఉండాలనిపిస్తే, అక్కడ ఉంటానని అంటున్నారు శ్రుతిహాసన్‌. తన జీవితం తెరిచిన పుస్తకం అని అంటున్నారు శ్రుతి.
తను అలాగే ఉండటానికి ఇష్టపడతానని చెబుతున్నారు. అందుకే సోషల్‌ మీడియాలో ప్రతి విషయాన్ని షేర్‌ చేసుకుంటానని చెప్పారు. నటిగా శ్రుతి ఏంటో అందరికీ తెలుసు. కానీ ఆమెకు సంబంధించిన మ్యూజిక్‌ ఇంట్రస్ట్ లు తెలుసుకోవాలంటే కచ్చితంగా సోషల్‌ మీడియాను ఫాలో కావాల్సిందే. తన వ్యక్తిగత విషయాలను ఎక్కువగా సోషల్‌ మీడియాలో పంచుకోవడం వెనుక ఉద్దేశం అదేనని అంటున్నారు శ్రుతి. తాను పియానో ప్లే చేయగలనని ఆడియన్స్ కి సోషల్‌ మీడియా ద్వారానే తెలిసిందని అన్నారు శ్రుతి.
పెళ్లికి ముందు కలర్స్ స్వాతికి, పెళ్లయ్యాక సినిమాల్లోకి రీ ఎంట్రీ ఇచ్చిన స్వాతికి ఎంత తేడా వచ్చిందీ.. బాప్‌రే! అని ఆశ్చర్యపోతున్నారు జనాలు. పెళ్లికి ముందు స్వాతి మనసుకు ఏం అనిపిస్తే అది మాట్లాడేసేవారు. ''తనకు ఎవరూ లవ్‌ ప్రపోజ్‌ చేయరని, పెళ్లి చేసుకుంటావా అని డైరక్ట్ గా అడుగుతారని, వాళ్ల మనసుల్లో పెళ్లి ఇన్‌టెన్షన్‌ ఉండేదీ, లేనిదీ ఈజీగా అర్థమైపోతుందని, అబ్బాయిల్లో సైకోలు ఉంటారని, తన చిన్నాన్ననీ, నాన్ననీ గుర్తుచేసుకున్నప్పుడు... ఇలాంటి మంచి వాళ్లు కూడా ఉంటారు కదా అని అనిపిస్తుందని...'' ఇలా రకరకాలుగా ఒపీనియన్స్ షేర్‌ చేసుకునేవారు.
కానీ ఒక్కసారి పెళ్లయి, పర్సనల్‌ లైఫ్ లీడ్‌ చేసి, ఆ మధ్య రీ ఎంట్రీ ఇచ్చిన తర్వాత ఆమె ఓపెన్‌ ప్లాట్‌ఫార్మ్స్ లో మాట్లాడే విధానమే మారిపోయింది. తాను కలర్స్ చేసే టైమ్‌లో సోషల్‌ మీడియా లేదు కాబట్టి సరిపోయిందని, ఇప్పుడు సోషల్‌ మీడియాను హ్యాండిల్‌ చేయడానికి భయమేస్తోందని అన్నారు స్వాతి. అంతే కాదు, మీమ్స్ కి దొరికే ఏ ప్రశ్నకైనా 'నేను చెప్పను' అనే పదాన్ని ఆన్సర్‌గా వాడాలని ఫిక్సయిపోయినట్టు చెప్పారు. ఆ మధ్య ఎప్పుడో ఆమె చెప్పిన ఈ విషయాలు ఇప్పుడు మళ్లీ నెట్టింట్లో వైరల్‌ అవుతున్నాయి.
కొంతమంది హీరోల కెరీర్‌లో కొన్ని సినిమాలకు అమాంతం ఇంపార్టెన్స్ పెరుగుతుంది. కొన్నిసార్లు అది సక్సెస్‌ స్ట్రీక్‌ని కంటిన్యూ చేయాల్సిన సందర్భం కావచ్చు. మరికొన్ని సార్లు ఎంతో కాలంగా ఎదురుచూస్తున్న హిట్‌ని అందించే సినిమా కావచ్చు. అలాంటి అతి ముఖ్యమైన సందర్భంలో వచ్చే సినిమాగా గోపీచంద్‌ కెరీర్‌లో ఇప్పుడు భీమా నిలుస్తోంది. గోపీచంద్‌ హీరోగా నటిస్తున్న సినిమా భీమా. ఎన్నాళ్లుగానో పర్ఫెక్ట్ హిట్‌ కోసం వెయిట్‌ చేస్తున్నారు గోపీచంద్‌. లాస్ట్ ఇయర్‌ రామబాణం, అంతకు ముందు సంవత్సరం పక్కా కమర్షియల్‌, 2021లో సీటీమార్‌, ఆరడుగుల బుల్లెట్‌, 2019లో చాణక్య.. ఇలా ఏళ్లకు ఏళ్లు వెనక్కి వెళ్లినా ఫ్లాప్‌ సినిమాలే పలకరిస్తున్నాయి ఆరడుగుల హీరోని. అందుకే ఇప్పుడు భీమాతో ఎలాగైనా మోస్ట్ వాంటెడ్‌ సక్సెస్‌ అందుకోవాలని అనుకుంటున్నారు గోపీచంద్‌.