Sridevi Biopic: శ్రీదేవి బయోపిక్‌పై బోనీ కపూర్ క్లారిటీ..
ఇండియన్ సినిమాలో బయోపిక్స్‌కు నెవర్ ఎండింగ్ క్రేజ్ ఉంటుంది. అందులోనూ కాంట్రవర్సియల్ బయోపిక్స్ అయితే తిరుగుండదు. అందుకేనేమో శ్రీదేవి లైఫ్‌పై సినిమా ఎప్పుడెప్పుడు వస్తుందా అని చాలా రోజులుగా వేచి చూస్తున్నారు అభిమానులు. తాజాగా తన భార్య బయోపిక్‌పై కుండ బద్దలు కొట్టేసారు బోనీ కపూర్. మరి ఆయనేం చెప్పారో చూద్దామా..? శ్రీదేవి చనిపోయి ఆరేళ్లు దాటినా.. ఇప్పటికీ ఈమెను మరిచిపోలేకపోతున్నారు అభిమానులు.
ఇండియన్ సినిమాలో బయోపిక్స్‌కు నెవర్ ఎండింగ్ క్రేజ్ ఉంటుంది. అందులోనూ కాంట్రవర్సియల్ బయోపిక్స్ అయితే తిరుగుండదు. అందుకేనేమో శ్రీదేవి లైఫ్‌పై సినిమా ఎప్పుడెప్పుడు వస్తుందా అని చాలా రోజులుగా వేచి చూస్తున్నారు అభిమానులు.
తాజాగా తన భార్య బయోపిక్‌పై కుండ బద్దలు కొట్టేసారు బోనీ కపూర్. మరి ఆయనేం చెప్పారో చూద్దామా..? శ్రీదేవి చనిపోయి ఆరేళ్లు దాటినా.. ఇప్పటికీ ఈమెను మరిచిపోలేకపోతున్నారు అభిమానులు. అందుకే బోనీ కపూర్ కనిపిస్తే చాలు.. శ్రీదేవి బయోపిక్ ఎప్పుడు అనే ప్రశ్నే ఎదురవుతుంది.
తాజాగా మరోసారి ఇదే జరిగింది. మైదాన్ సినిమా ప్రమోషన్స్‌తో బిజీగా ఉన్న బోనీ కపూర్‌ను.. శ్రీదేవి బయోపిక్ గురించి అడిగింది బాలీవుడ్ మీడియా. దీనిపై వెంటనే స్పందించారు బోనీ. బాలనటిగా ఇండస్ట్రీకి వచ్చిన శ్రీదేవి.. 80వ దశకంలో హీరోయిన్‌గా మారారు.
ఆ తర్వాత 20 ఏళ్ళ పాటు ఇండియన్ సినిమాను మకుటం లేని మహారాణిలా ఏలారు. 300కి పైగా సినిమాల్లో నటించిన శ్రీదేవి.. ఫిబ్రవరి 24, 2018న మరణించారు. దుబాయ్‌లో ఓ పెళ్లికి వెళ్లిన శ్రీదేవి.. అక్కడే అనుమానాస్పద రీతిలో కన్నుమూసారు. ఈమె మరణం ఇప్పటికీ మిస్టరీనే.
శ్రీదేవి మరణించాక.. ఆమె బయోపిక్‌పై చాలా వార్తలొచ్చాయి. తాజాగా వీటన్నింటిపై కుండ బద్ధలు కొట్టారు బోనీ. శ్రీదేవి ప్రైవసీ కోరుకునే వ్యక్తి అని.. ఆమె బయోపిక్ తీసే ఉద్దేశం లేదని తేల్చేసారు. ఆమెను గౌరవించే వ్యక్తిగా.. తన జీవితం ఎప్పుడూ ప్రైవేట్‌గా ఉండాలని కోరుకుంటున్నట్లు తెలిపారు. బోనీ కపూర్ రియాక్షన్ చూసాక.. శ్రీదేవి బయోపిక్‌పై వచ్చే వార్తలకు ఫుల్ స్టాప్ పడ్డట్లే అనిపిస్తుంది.