OTT: ఓటిటి దెబ్బకు కీలుబొమ్మలుగా మారిన నిర్మాతలు
ఓటిటి సంస్థల చేతిలో మన నిర్మాతలు కీలు బొమ్మలు అయిపోతున్నారా..? వాళ్లు కీ ఇచ్చినట్లు మనోళ్లు తల ఊపడం తప్ప.. సొంత నిర్ణయాలు కూడా తీసుకోలేని దారుణమైన పరిస్థితుల్లో ఉన్నారా..? అదేంటి.. వందల కోట్లతో సినిమాలు నిర్మిస్తున్న మన నిర్మాతలను అంత మాట అనేస్తున్నారు అనుకోవచ్చు. కానీ ఈ ఎక్స్‌క్లూజివ్ స్టోరీని ఒక్కసారి ఎక్స్‌క్లూజివ్‌గా చూడండి.. విషయం మీకే బోధపడుతుంది. ముందొచ్చిన చెవుల కంటే వెనకొచ్చిన కొమ్ములు వాడి అంటారు కదా..?
ఓటిటి సంస్థల చేతిలో మన నిర్మాతలు కీలు బొమ్మలు అయిపోతున్నారా..? వాళ్లు కీ ఇచ్చినట్లు మనోళ్లు తల ఊపడం తప్ప.. సొంత నిర్ణయాలు కూడా తీసుకోలేని దారుణమైన పరిస్థితుల్లో ఉన్నారా..? అదేంటి.. వందల కోట్లతో సినిమాలు నిర్మిస్తున్న మన నిర్మాతలను అంత మాట అనేస్తున్నారు అనుకోవచ్చు. కానీ ఈ ఎక్స్‌క్లూజివ్ స్టోరీని ఒక్కసారి ఎక్స్‌క్లూజివ్‌గా చూడండి.. విషయం మీకే బోధపడుతుంది.
ముందొచ్చిన చెవుల కంటే వెనకొచ్చిన కొమ్ములు వాడి అంటారు కదా..? ఇప్పుడు ఓటిటిల తీరు చూస్తుంటే ఇదే అనిపిస్తుంది. పెద్ద సినిమాల రిలీజ్ డేట్స్ కూడా వాళ్లే నిర్ణయించే స్థాయికి ఓటిటి ఎదిగిపోయిందనే ప్రచారం నిర్మాతలకు నిద్ర లేకుండా చేస్తుందిప్పుడు. మరీ ముఖ్యంగా వందల కోట్ల మార్కెట్ ఉన్న హీరోల సినిమాలకు కూడా ఈ తిప్పలు తప్పట్లేదు.
ఓటిటికి డిమాండ్ బాగా పెరిగిపోయిందనేది కాదనలేని వాస్తవం. డిమాండ్ ఉన్నపుడు వాళ్ల మాటే చెల్లుతుంది కూడా. ఒకప్పుడు సినిమాలకు థియెట్రికల్‌తో పాటు అదనంగా శాటిలైట్ రైట్స్ వచ్చేవి. అప్పుడు టీవీలో సినిమా ఎప్పుడు వేయాలనేది నిర్మాతలు నిర్ణయించేవాళ్లు. కానీ ఇప్పుడు డిజిటల్ మార్కెట్ వచ్చాక.. నిర్మాతలకు ఆ స్వేచ్ఛ పోతుంది.
అసలు కంటే కొసరుకే మెరుపు ఎక్కువన్నట్లు మారిపోయిందిప్పుడు ఓటిటిల డామినేషన్. వాళ్లు చెప్పిన తేదీలకే పెద్ద సినిమాలను రిలీజ్ చేసుకోవాలంటున్నారు వాళ్లు. అందులో మన నిర్మాతల తప్పు కూడా లేకపోలేదు. పెద్ద సినిమాకు ఓ రిలీజ్ డేట్ కన్ఫర్మ్ చేసాక.. అప్పుడే 40 రోజుల గ్యాప్‌లో ఓటిటి డేట్ లాక్ అవుతుంది. కానీ థియెట్రికల్ డేట్ మారినపుడు.. నిర్మాతల జుట్టు ఓటిటి సంస్థల చేతుల్లోకి వెళ్లిపోతుంది.
ప్రతీ నెల ఓటిటిలు కొన్ని డేట్స్ లాక్ చేసి పెట్టుకుంటారు. వాటిలో ఖాళీ ఉన్నపుడు చూసుకుని.. పెద్ద సినిమాలను ఓ నెలన్నర ముందు రిలీజ్ చేసుకోవాలని నిర్మాతలకే ఆర్డర్స్ పాస్ చేస్తున్నారు వాళ్లు. పవన్ కళ్యాణ్ సహా.. చాలా మంది హీరోల సినిమాలకు ఈ తిప్పలు తప్పట్లేదు. ఒక్కో సినిమాకు వందల కోట్లు రైట్స్ రూపంలో చెల్లిస్తున్నారు కాబట్టి.. OTT డామినేషన్ అలా సాగుతుంది.