War02: ఇన్నాళ్లకు వార్ 2 పై కొత్త అప్‌డేట్.. ఖుష్ అవుతున్న ఫ్యాన్స్‌
జూనియర్ ఎన్టీఆర్ వార్ 2 సినిమాకు డేట్స్ ఎప్పుడు ఇస్తారు..? ఇస్తే దేవరను ఎలా బ్యాలెన్స్ చేస్తారు..? వార్ కోసం దేవరను పక్కనబెడతారా లేదంటే రెండు సినిమాలను ఒకేసారి బ్యాలెన్స్ చేస్తారా..? ఇవే అనుమానాలు తారక్ ఫ్యాన్స్‌లో చాలా రోజులుగా ఉన్నాయి. ఇన్నాళ్లకు వార్ 2పై ఆ కన్ఫ్యూజన్ పోయింది.. దేవరపై కూడా ఓ క్లారిటీ వచ్చింది. జూనియర్ ఎన్టీఆర్ ప్లానింగ్ చూసి అభిమానులు కూడా అదుర్స్ అంటున్నారిప్పుడు.
జూనియర్ ఎన్టీఆర్ వార్ 2 సినిమాకు డేట్స్ ఎప్పుడు ఇస్తారు..? ఇస్తే దేవరను ఎలా బ్యాలెన్స్ చేస్తారు..? వార్ కోసం దేవరను పక్కనబెడతారా లేదంటే రెండు సినిమాలను ఒకేసారి బ్యాలెన్స్ చేస్తారా..? ఇవే అనుమానాలు తారక్ ఫ్యాన్స్‌లో చాలా రోజులుగా ఉన్నాయి.
ఇన్నాళ్లకు వార్ 2పై ఆ కన్ఫ్యూజన్ పోయింది.. దేవరపై కూడా ఓ క్లారిటీ వచ్చింది. జూనియర్ ఎన్టీఆర్ ప్లానింగ్ చూసి అభిమానులు కూడా అదుర్స్ అంటున్నారిప్పుడు. దేవరతో పాటు వార్ 2కు కూడా కమిట్ అవ్వడంతో.. ఈ రెండింటి మధ్య కచ్చితంగా క్లాష్ తప్పదని ముందు నుంచి అనుకుంటున్నారంతా.
అది తారక్‌కు తెలియంది కాదు.. అందుకే డేట్స్ విషయంలో చాలా జాగ్రత్తగా బ్యాలెన్స్ చేసుకుంటున్నారు యంగ్ టైగర్. కొన్ని రోజులుగా దేవర షూటింగ్ నాన్‌స్టాప్‌గా జరుగుతుంది. ఇప్పుడు కూడా హైదరాబాద్‌లో ఓ షెడ్యూల్ జరుగుతుంది. దీని తర్వాత వార్ 2 వైపు వెళ్తున్నారు తారక్.
ఎప్రిల్ 16 నుంచి వార్ 2కు డేట్స్ ఇచ్చారీయన. 10 రోజుల పాటు ముంబైలో జరగబోయే ఈ షెడ్యూల్‌లో ఎన్టీఆర్‌పై కీలక సన్నివేశాలు చిత్రీకరించబోతున్నారు దర్శకుడు అయన్ ముఖర్జీ. వార్ 2లో స్పైగా నటించబోతున్నారు తారక్.
ముంబైలో 10 రోజుల షెడ్యూల్ తర్వాత చిన్న బ్రేక్ ఇచ్చి.. దేవరతో బిజీ కానున్నారు తారక్. దేవర పార్ట్ 1 షూటింగ్ చివరిదశకు వచ్చేసింది. మరో నెల రోజుల్లో ఇది పూర్తి కానుంది. దీని తర్వాత పూర్తిగా వార్ 2పై ఫోకస్ చేయనున్నారు తారక్. మొత్తానికి దేవర పూర్తయ్యే వరకు.. తారక్‌కు ఈ రెండు పడవల ప్రయాణం తప్పట్లు లేదు.