Nani: బ్యాకప్ ప్లాన్తో మ్యాజిక్ చేస్తున్న నాని.. లిస్ట్ లోకి చేరిన మరొక డైరెక్టర్
సరిపోదా ఒక్క సినిమా అంటే.. సరిపోదు నాకంటున్నారు నాని. ఓ సినిమా సెట్స్పై ఉన్నపుడే కనీసం మూడు నాలుగు బ్యాకప్ ఉండాలంటున్నారు. దానికోసమే పర్ఫెక్ట్ ప్లాన్ సిద్ధం చేస్తున్నారు న్యాచురల్ స్టార్. గతంలో తనతో పని చేసిన దర్శకులనే రెండోసారి లాక్ చేస్తున్నారు ఈ హీరో. తాజాగా మరో దర్శకుడు కూడా నాని లిస్టులో చేరిపోయారు. మరి ఎవరాయన..? బిజీ అనే పదానికి నిదర్శనంగా నిలుస్తున్నారు నాని. దసరా, హాయ్ నాన్న తర్వాత నాని జోరు మరింత పెరిగింది. గ్యాప్ అనేదే లేకుండా దూసుకుపోతున్నారు న్యాచురల్ స్టార్.
సరిపోదా ఒక్క సినిమా అంటే.. సరిపోదు నాకంటున్నారు నాని. ఓ సినిమా సెట్స్పై ఉన్నపుడే కనీసం మూడు నాలుగు బ్యాకప్ ఉండాలంటున్నారు. దానికోసమే పర్ఫెక్ట్ ప్లాన్ సిద్ధం చేస్తున్నారు న్యాచురల్ స్టార్. గతంలో తనతో పని చేసిన దర్శకులనే రెండోసారి లాక్ చేస్తున్నారు ఈ హీరో. తాజాగా మరో దర్శకుడు కూడా నాని లిస్టులో చేరిపోయారు. మరి ఎవరాయన..?
బిజీ అనే పదానికి నిదర్శనంగా నిలుస్తున్నారు నాని. దసరా, హాయ్ నాన్న తర్వాత నాని జోరు మరింత పెరిగింది. గ్యాప్ అనేదే లేకుండా దూసుకుపోతున్నారు న్యాచురల్ స్టార్. ప్రస్తుతం వివేక్ ఆత్రేయతో సరిపోదా శనివారం సినిమా చేస్తున్నారు నాని. ఆగస్ట్ 29న విడుదల కానుంది ఈ చిత్రం. అంటే సుందరానికి తర్వాత వివేక్తో నాని చేస్తున్న రెండో సినిమా ఇది.
ఓ సినిమా చేస్తున్నపుడే.. అదే దర్శకుడితో రెండో సినిమాను కూడా ప్లాన్ చేస్తున్నారు నాని. గతంలో ఇంద్రగంటి మోహనకృష్ణ, శివ నిర్వాణ లాంటి దర్శకులతో అలాగే మరోసారి పని చేసారు నాని. ఇప్పుడు వివేక్ ఆత్రేయతోనూ కాంబో రిపీట్ అవుతుంది.
ఇక దసరా ఫేమ్ శ్రీకాంత్ ఓదెలతోనూ రెండో సినిమాను ప్రకటించారు న్యాచురల్ స్టార్. సరిపోదా శనివారం తర్వాత సుజీత్తో ఓ యాక్షన్ ఎంటర్టైనర్ చేయనున్నారు నాని. దీని తర్వాత శ్రీకాంత్ ఓదెల లైన్లో ఉన్నారు.
ఆ వెంటనే బలగం వేణుతో ఎల్లమ్మ అనే సినిమా కన్ఫర్మ్ అయింది. ఈ మూడు సినిమాల తర్వాత జెర్సీ ఫేమ్ గౌతమ్ తిన్ననూరితో మరో సినిమాకు రెడీ అవుతున్నారు నాని. మొత్తానికి ఓ వైపు ఫ్రెష్.. మరోవైపు రిపీట్ కాంబోస్తో దూసుకుపోతున్నారు నాని.