ఆభరణాల విషయంలో తగ్గేదేలే.. ఒరిజినల్ నగలనే ప్రిపేర్ చేస్తున్న మేకర్స్
చారిత్రక, పౌరాణిక సినిమాలంటే జస్ట్ కథాపరంగానే కాదు, ఎన్నెన్నో రకాలుగా ప్రేక్షకులను మెప్పించాల్సి ఉంటుంది. అందులో మరింత కీలకమైన విషయం ఆభరణాలు. కొన్ని సబ్జెక్టులను తెరకెక్కించాలని మేకర్స్ అనుకున్నప్పుడే ఆభరణాల విషయంలో ముందు ఓ క్లారిటీకి వచ్చేస్తుంటారు. రీసెంట్‌గా తెలుగులో శాకుంతలం సినిమా విషయంలో ఆభరణాల గురించి గొప్పగా మాట్లాడుకున్నారు జనాలు. శాకుంతలం సినిమాలో సమంత వాడిన నగలన్నీ స్వచ్ఛమైన బంగారంతో చేసినవే.
చారిత్రక, పౌరాణిక సినిమాలంటే జస్ట్ కథాపరంగానే కాదు, ఎన్నెన్నో రకాలుగా ప్రేక్షకులను మెప్పించాల్సి ఉంటుంది. అందులో మరింత కీలకమైన విషయం ఆభరణాలు. కొన్ని సబ్జెక్టులను తెరకెక్కించాలని మేకర్స్ అనుకున్నప్పుడే ఆభరణాల విషయంలో ముందు ఓ క్లారిటీకి వచ్చేస్తుంటారు. రీసెంట్‌గా తెలుగులో శాకుంతలం సినిమా విషయంలో ఆభరణాల గురించి గొప్పగా మాట్లాడుకున్నారు జనాలు.
శాకుంతలం సినిమాలో సమంత వాడిన నగలన్నీ స్వచ్ఛమైన బంగారంతో చేసినవే. సిల్వర్‌స్క్రీన్‌ మీద కనిపించేది బంగారమో కాదో ప్రేక్షకులకు తెలియకపోయినా, సినిమాలో ఆథంటిసిటీ కోసం స్వర్ణాభరణాలనే వాడారు కెప్టెన్‌ గుణశేఖర్‌. శకుంతల పాత్రలో సమంతకు మాత్రమే కాదు, హీరో దేవ్‌ మోహన్‌కి కూడా స్వర్ణాభరణాలను వాడారు. గుణశేఖర్‌ అంతకు పూర్వం రుద్రమదేవి విషయంలోనూ ఇదే విషయాన్ని పాటించారు.
రుద్రమదేవిలో అనుష్క ధరించిన నగల కలెక్షన్‌ గురించి అప్పట్లో జనాలు కూడా ఆశ్చర్యపోయి చెప్పుకున్నారు. అనుష్క కేరక్టర్‌ కోసం ప్రత్యేకంగా స్వర్ణాభరణాలను డిజైన్‌ చేయించారు మేకర్స్. రీసెంట్‌గా రెండు పార్టులుగా విడుదలైన పొన్నియిన్‌ సెల్వన్‌లోనూ మణిరత్నం స్వర్ణాభరణాలను ఉపయోగించారు.
పొన్నియిన్‌ సెల్వన్‌ సినిమాలో ఐశ్వర్యరాయ్‌, త్రిష వాడిన నగలన్నీ స్వచ్ఛమైన బంగారంతో చేసినవే. సౌత్‌లో ఎక్కువగా కనిపించిన ఈ కల్చర్‌, ఇప్పుడు లేటెస్ట్ గా బాలీవుడ్‌లోనూ కనిపిస్తోంది. నితీష్‌ తివారి దర్శకత్వం వహిస్తున్న రామాయణంలో రావణాసురుడి కేరక్టర్‌ కోసం బంగారు ఆభరణాలను తయారుచేయిస్తున్నారట.
స్వర్ణ లంకాధిపతి కాబట్టి, రావణాసురుడి కోసం స్పెషల్‌గా డిజైన్‌ చేయిస్తున్నారట కెప్టెన్‌. ఆల్రెడీ కేజీయఫ్‌లో గోల్డ్ తో షిప్‌ ఎక్కిన యష్‌.. ఇప్పుడు ఇలా నార్త్ లో స్వర్ణపురాధిపతిగా ల్యాండ్‌ అయ్యారంటూ సరదాగా కామెంట్‌ చేస్తున్నారు నెటిజన్లు.