Indian Idol 3: మూడో సీజన్‌కు ముహూర్తం ఫిక్స్.. అప్పటి నుంచే స్ట్రీమింగ్..
ఇండియన్ ఐడల్.. ఈ పదానికి ఉన్న క్రేజ్ గురించి ప్రత్యేకంగా చెప్పనక్కర్లేదు. ఇన్నాళ్లూ హిందీలోనే ఉన్న ఈ షోను మూడేళ్ళ కింద తెలుగు ప్రేక్షకులకు పరిచయం చేసింది ఆహా. రెండు సీజన్స్ విజయవంతంగా పూర్తి అయ్యాయి కూడా. తాజాగా మూడో సీజన్‌కు ముహూర్తం పెట్టారు. దీనికి సంబంధించిన లాంఛింగ్ ఈవెంట్ ఘనంగా జరిగింది.
ఇండియన్ ఐడల్.. ఈ పదానికి ఉన్న క్రేజ్ గురించి ప్రత్యేకంగా చెప్పనక్కర్లేదు. ఇన్నాళ్లూ హిందీలోనే ఉన్న ఈ షోను మూడేళ్ళ కింద తెలుగు ప్రేక్షకులకు పరిచయం చేసింది ఆహా. రెండు సీజన్స్ విజయవంతంగా పూర్తి అయ్యాయి కూడా. తాజాగా మూడో సీజన్‌కు ముహూర్తం పెట్టారు. దీనికి సంబంధించిన లాంఛింగ్ ఈవెంట్ ఘనంగా జరిగింది.
తెలుగు ఆడియన్స్‌కు ఎప్పటికప్పుడు కొత్త కొత్త గేమ్ షోలతో పాటు సినిమాలు అందిస్తూనే ఉంది ఆహా. కేవలం అవి మాత్రమే కాదు.. ఎంతోమంది టాలెంట్ ఉన్న సింగర్స్‌ను బయటికి తెచ్చేందుకు తెలుగు ఇండియన్ ఐడల్ మొదలు పెట్టారు.
మొదటి రెండు సీజన్స్ సూపర్ సక్సెస్ అయ్యాయి. తాజాగా మూడో సీజన్ మొదలు కానుంది. ఈసారి ఖండాలు దాటి టాలెంట్ పట్టుకొస్తున్నారు. తొలి రెండు సీజన్స్ కేవలం ఇండియాలోని సింగర్స్ మాత్రమే ఈ కార్యక్రమంలో భాగమయ్యారు.
కానీ ఈసారి ఖండాలు దాటి యుఎస్ వెళ్లి అక్కడ కూడా ఆడిషన్స్ చేసారు ఆహా టీం. డల్లాస్, న్యూ జెర్సీలో ఆడిషన్స్‌కు అనూహ్య స్పందన వచ్చిందని తెలిపారు నిర్వాహకులు. అలాగే ఇండియాలోనూ దాదాపు 4 వేల మంది సింగర్స్ ఆడిషన్స్‌కు వచ్చారు.
తొలి రెండు సీజన్స్‌తో పోలిస్తే మూడో సీజన్ మరింత గ్రాండ్‌గా ఉండబోతుంది. ఈ సారి ఆడిషన్స్‌లో 6గురు గాయకులకు గోల్డెన్ మైక్స్ ఇచ్చారు. సీజన్ 3కి శ్రీరామచంద్ర హోస్ట్ కాగా.. థమన్, గీతా మాధురి, కార్తిక్ జడ్జిలుగా ఉన్నారు. జూన్ 7 నుంచి మూడో సీజన్ మొదలు కానుంది.