యూట్యూబ్‌లో శ్రీమంతుడు సరికొత్త రికార్డు.. అదే దారి లో మరి కొన్ని సినిమాలు
ఓటిటిలు రాజ్యమేలుతున్న సమయంలో యూ ట్యూబ్‌లు ఎవరు చూస్తారు..? ఓపిగ్గా కూర్చుని గంటల కొద్దీ సినిమాలు చూస్తారా.. అంత టైమ్ ఉంటుందా అనుకోవచ్చు..! కానీ ఉంది.. యూ ట్యూబ్‌లోనూ మన సినిమాలు రప్ఫాడిస్తున్నాయి. తాజాగా మహేష్ బాబు శ్రీమంతుడు అరుదైన రికార్డ్ క్రియేట్ చేసింది. అసలు యూ ట్యూబ్‌లో హైయ్యస్ట్ వ్యూస్ సాధించిన తెలుగు సినిమాలేంటో ఓసారి చూద్దాం..
ఓటిటిలు రాజ్యమేలుతున్న సమయంలో యూ ట్యూబ్‌లు ఎవరు చూస్తారు..? ఓపిగ్గా కూర్చుని గంటల కొద్దీ సినిమాలు చూస్తారా.. అంత టైమ్ ఉంటుందా అనుకోవచ్చు..! కానీ ఉంది.. యూ ట్యూబ్‌లోనూ మన సినిమాలు రప్ఫాడిస్తున్నాయి. తాజాగా మహేష్ బాబు శ్రీమంతుడు అరుదైన రికార్డ్ క్రియేట్ చేసింది. అసలు యూ ట్యూబ్‌లో హైయ్యస్ట్ వ్యూస్ సాధించిన తెలుగు సినిమాలేంటో ఓసారి చూద్దాం..
ఎంత అప్‌డేట్ అయినా.. ఎన్ని ఓటిటిలు వచ్చినా.. ఫ్రీగా వచ్చే యూ ట్యూబ్‌లో సినిమాలకు ఎప్పుడూ డిమాండ్ ఉంటుంది. తాజాగా మహేష్ బాబు శ్రీమంతుడు యూట్యూబ్‌లో సరికొత్త రికార్డు సృష్టించింది.
2015లో విడుదలైన ఈ చిత్రం అప్పట్లో ఇండస్ట్రీ రికార్డులు తిరగరాసింది. తాజాగా యూ ట్యూబ్‌లో 200 మిలియన్ వ్యూస్ అందుకున్న తొలి తెలుగు సినిమాగా నిలిచింది శ్రీమంతుడు. దీని తర్వాత డిజే 130 మిలియన్లతో ఉంది.
అల్లు అర్జున్, హరీష్ శంకర్ కాంబినేషన్‌లో వచ్చిన డిజే రెండో స్థానంలో ఉండగా.. 110 మిలియన్ల వ్యూస్‌తో నాని నేను లోకల్ మూడో స్థానంలో నిలిచింది. 2017లో విడుదలైన ఈ చిత్రం 35 కోట్లకు పైగా వసూలు చేసింది. ఇక శతమానం భవతి సినిమాకు యూ ట్యూబ్‌లో ఫాలోయింగ్ బాగానే ఉంది. ఈ సినిమాకు 103 మిలియన్ల వ్యూస్ ఉన్నాయి. దీని తర్వాత జనతా గ్యారేజ్ 83 మిలియన్లతో 5వ స్థానంలో నిలిచింది.
నాగ చైతన్య, కళ్యాణ్ కృష్ణ ఫ్యామిలీ ఎంటర్‌టైనర్ రారండోయ్ వేడుక చూద్దాం సినిమాను యూ ట్యూబ్‌లో 74 మిలియన్ల మంది వీక్షించారు. ఇక సిద్ధార్థ్, త్రిష రొమాంటిక్ ఎంటర్‌టైనర్ నువ్వొస్తానంటే నేనొద్దంటానా సినిమాకు 67 మిలియన్స్ వ్యూస్ ఉన్నాయి. అల్లు అర్జున్ రేసుగుర్రం 51 మిలియన్ వ్యూస్.. మగధీర 42 మిలియన్లు.. మిర్చి 41 మిలియన్లతో టాప్ 10లో నిలిచాయి