Movie Updates: ట్రెండింగ్లో ‘కుర్చీ మడతపెట్టి’.. విడుతలైకి అద్భుతమైన స్పందన..
గుంటూరు కారం సినిమా నుంచి మరో వీడియో సాంగ్ రిలీజ్ అయ్యింది. మెగా డాటర్ నిహారిక సిల్వర్ స్క్రీన్ రీ ఎంట్రీకి రెడీ అవుతున్నారు. ఓ మలయాళ సినిమాలో నిహారిక హీరోయిన్గా నటిస్తున్నారు. మూడున్నర దశాబ్దాల తరువాత మణిరత్నం, కమల్ హాసన్ కాంబినేషన్లో రూపొందుతున్న సినిమా థగ్ లైఫ్. విజయ్ సేతుపతి, సూరి లీడ్ రోల్స్లో వెట్రిమారన్ దర్శకత్వంలో తెరకెక్కిన సూపర్ హిట్ మూవీ విడుతలై. బ్లాక్ బస్టర్ వెబ్ సిరీస్ స్క్విడ్ గేమ్ సీక్వెల్ నవంబర్ 22 నుంచి ప్రేక్షకుల ముందుకు వచ్చింది.
గుంటూరు కారం సినిమా నుంచి మరో వీడియో సాంగ్ రిలీజ్ అయ్యింది. సినిమా రిలీజ్కు ముందే సూపర్ హిట్ అయిన కుర్చీ మడతపెట్టి పాట ఫుల్ వీడియో రిలీజ్ చేసింది చిత్రయూనిట్. ఈ పాటలో మహేష్ చేసిన మాస్ డ్యాన్స్కు మంచి రెస్పాన్స్ వచ్చింది. సంక్రాంతి కానుకగా ప్రేక్షకుల ముందుకు వచ్చిన గుంటూరు కారం ఇప్పటికీ మంచి వసూళ్లు సాదిస్తోంది.
మెగా డాటర్ నిహారిక సిల్వర్ స్క్రీన్ రీ ఎంట్రీకి రెడీ అవుతున్నారు. ఓ మలయాళ సినిమాలో నిహారిక హీరోయిన్గా నటిస్తున్నారు. తాజాగా ఈ సినిమాకు సంబంధించిన ఎనౌన్స్మెంట్ వచ్చింది. మద్రాస్కారన్ అనే టైటిల్తో రూపొందుతున్న ఈ మూవీలో షేన్ నిగమ్ హీరోగా నటిస్తున్నారు. ఎస్ఆర్ ప్రొడక్షన్స్ బ్యానర్పై నిర్మిస్తున్నారు.
మూడున్నర దశాబ్దాల తరువాత మణిరత్నం, కమల్ హాసన్ కాంబినేషన్లో రూపొందుతున్న సినిమా థగ్ లైఫ్. పాన్ ఇండియా రేంజ్లో తెరకెక్కుతున్న ఈ సినిమా నెక్ట్స్ షెడ్యూల్ను రష్యాలో ప్లాన్ చేసింది చిత్రయూనిట్. ఇటీవల చెన్నైలో జరిగిన తొలి షెడ్యూల్లో కమల్ హాసన్పై కీలక సన్నివేశాలు చిత్రీకరించారు.
విజయ్ సేతుపతి, సూరి లీడ్ రోల్స్లో వెట్రిమారన్ దర్శకత్వంలో తెరకెక్కిన సూపర్ హిట్ మూవీ విడుతలై. తెలుగులో విడుదల పేరుతో రిలీజ్ అయిన ఈ సినిమా ఇక్కడ కూడా మంచి విజయం సాధించింది. రోటర్డామ్ ఫిలిం ఫెస్టివల్లో ప్రదర్శించిన ఈ మూవీకి అద్భుతమైన రెస్పాన్స్ వచ్చింది. 15 నిమిషాల పాటు స్టాడింగ్ ఓవేషన్ ఇచ్చారు ప్రేక్షకులు.
బ్లాక్ బస్టర్ వెబ్ సిరీస్ స్క్విడ్ గేమ్ సీక్వెల్ నవంబర్ 22 నుంచి ప్రేక్షకుల ముందుకు వచ్చింది. దీనికి స్క్విడ్ గేమ్ ది ఛాలెంజ్ అనే టైటిల్ పెట్టారు. తొలి భాగంలో కనిపించిన చాలా పాత్రలు సీక్వెల్లోనూ ప్రేక్షకులను అలరిస్తున్నాయి. ప్రస్తుతం ప్రపంచవ్యాప్తంగా నెట్ ఫ్లిక్స్ లో స్ట్రీమింగ్ అవుతుంది.