బుజ్జి ఈవెంట్ నుంచి కల్కి జోరు పెరిగింది. బుజ్జి రావడం.. ఆ తర్వాత బుజ్జి యానిమేషన్ సిరీస్ అన్నీ ఫాస్టుగా జరిగిపోతున్నాయ్. తాజాగా యానిమేషన్ సిరీస్ విడుదల చేసారు మేకర్స్. ఇది నిజంగా ఫ్యాన్స్కు సర్ప్రైజ్. బుజ్జి, భైరవ రిలేషన్, బాండింగ్పై ఇలాంటి ఓ సిరీస్ వస్తుందనే విషయం ప్రభాస్ అభిమానులకు కూడా తెలియదు. సడన్గా ట్రైలర్ రిలీజ్ చేసి షాకిచ్చారు నాగ్ అశ్విన్. రెండు ఎపిసోడ్లుగా మే 31 నుంచి ఈ సిరీస్ ప్రసారం అవుతుంది. ఇది భారీ వ్యూస్ తో దూసుకుపోతుంది.
సత్యరాజ్, వసంత్ రవి, రాజీవ్ మీనన్ ప్రధాన పాత్రల్లో నటిస్తున్న చిత్రం వెపన్. ఈ చిత్రానికి గుహన్ సెన్నియప్పన్ దర్శకత్వం వహిస్తున్నారు. తాన్య హోప్ హీరోయిన్. మిలియన్ స్టూడియో బ్యానర్పై ఎమ్ఎస్ మన్జూర్ ఈ సినిమాను నిర్మిస్తున్నారు. తాజాగా ఈ చిత్ర ట్రైలర్ను విడుదల చేశారు. విభిన్నమైన కాన్సెప్టుతో వెపన్ చిత్రం వస్తుందని తెలిపారు మేకర్స్.
శర్వానంద్ హీరోగా శ్రీరామ్ ఆదిత్య తెరకెక్కిస్తున్న ఫ్యామిలీ ఎంటర్టైనర్ మనమే. ఇందులో కృతి శెట్టి హీరోయిన్గా నటిస్తున్నారు. తాజాగా ఈ చిత్రం నుంచి తప్ప తప్పా అంటూ సాగే సాంగ్ విడుదలైంది. హేషమ్ అబ్దుల్ వహాబ్ ఈ సినిమాకు సంగీతం అందిస్తున్నారు. సినిమా జూన్ 7న విడుదల కానుంది.
కాజల్ అగర్వాల్ ప్రధాన పాత్రలో తెరకెక్కుతున్న యాక్షన్ డ్రామా సత్యభామ. జూన్ 7న విడుదల కానుంది ఈ చిత్రం. తాజాగా ఈ చిత్ర ప్రెస్ మీట్ జరిగింది. దీనికి చిత్రయూనిట్ అంతా హాజరయ్యారు. సినిమా కచ్చితంగా మంచి విజయం సాధిస్తుందని.. కాజల్ ఇమేజ్ మరింత పెరుగుతుందని తెలిపారు దర్శక నిర్మాతలు.
విజయ్ సేతుపతి నటిస్తున్న 50వ చిత్రం మహారాజ. త్వరలోనే ఈ చిత్రం విడుదల కానుంది. తాజాగా ఈ చిత్ర ట్రైలర్ విడుదల చేసారు మేకర్స్. నిధిలన్ స్వామినాథన్ ఈ సినిమాకు దర్శకుడు. మహారాజా అనే మధ్య తరగతి వ్యక్తి తన ఇంట్లో లక్ష్మీ కనిపించడం లేదని పోలీస్ స్టేషన్కు వెళ్తాడు. అక్కడ్నుంచి ఏం జరిగింది అనేది ట్రైలర్లో చూపించారు.