Secret Marriage: వీరికి అసలేమైంది.? సీక్రెట్ గా మూడు ముళ్ల బంధంలోకి అడుగుపెడుతున్న స్టార్‌ హీరో, హీరోయిన్
సినిమా వాళ్ల పెళ్లిళ్లు అంటే ఎలా ఉండాలి..? ఆకాశమంత పందిరి.. భూదేవంత అరుగు వేసి అద్భుతహ అన్నట్లుంటుంది. మరిచిపోదామన్నా.. కొన్నేళ్ల పాటు వాళ్ళ పెళ్లిళ్ళు అలా గుర్తుండిపోతాయంతే. కానీ అదేంటో మరి.. మొన్న ఓ హీరోయిన్.. ఇప్పుడో హీరో రహస్యంగా పెళ్లి చేసుకున్నారు. ఉన్నట్లుండి ఈ సీక్రేట్ మ్యారేజ్ మ్యాటర్ ఏంటి..? ఇండస్ట్రీలో పెళ్లి అంటే కొన్నేళ్ళ పాటు గుర్తుండిపోయేలా చేసుకోవాలనుకుంటారు కానీ కొందరు మాత్రం పక్కవాళ్లకు కూడా తెలియకుండా చేసుకుంటున్నారు.
సినిమా వాళ్ల పెళ్లిళ్లు అంటే ఎలా ఉండాలి..? ఆకాశమంత పందిరి.. భూదేవంత అరుగు వేసి అద్భుతహ అన్నట్లుంటుంది. మరిచిపోదామన్నా.. కొన్నేళ్ల పాటు వాళ్ళ పెళ్లిళ్ళు అలా గుర్తుండిపోతాయంతే. కానీ అదేంటో మరి.. మొన్న ఓ హీరోయిన్.. ఇప్పుడో హీరో రహస్యంగా పెళ్లి చేసుకున్నారా.? ఉన్నట్లుండి ఈ సీక్రేట్ మ్యారేజ్ మ్యాటర్ ఏంటి..?
ఇండస్ట్రీలో పెళ్లి అంటే కొన్నేళ్ళ పాటు గుర్తుండిపోయేలా చేసుకోవాలనుకుంటారు కానీ కొందరు మాత్రం పక్కవాళ్లకు కూడా తెలియకుండా చేసుకుంటున్నారు. తాజాగా హీరో సిద్ధార్థ్, కథానాయకి అదితి రావు హైదరీ ఇదే చేసారు.
వనపర్తి జిల్లా శ్రీ రంగాపురం ఆలయంలో సిద్ధూ, అదితి ఎంగేజ్మెంట్ అత్యంత రహస్యంగా జరిగింది. కేవలం కుటుంబ సభ్యులు మాత్రమే ఈ వేడుకలో భాగమయ్యారు. మహా సముద్రంలో కలిసి నటించారు సిద్ధార్థ్, అదితి రావు.
అప్పట్నుంచీ ప్రేమలో ఉన్నారు ఇద్దరూ. బయటికి ఎక్కడికి వచ్చినా కలిసే వచ్చారు.. ఇప్పుడు ఒక్కటికాబోతున్నారు ఈ జంట. వనపర్తి చివరి సంస్థానాదీశులు రాజా రామేశ్వరరావు మనవరాలే అదితి రావు. అందుకే తమ పూర్వీకులు కట్టించిన ఆలయంలోనే సిద్ధూతో ఎంగేజ్మెంట్ చేసుకున్నారు అదితి రావు.
ఈ మధ్యే తాప్సీ కూడా రహస్య వివాహం చేసుకున్నారు. డెన్మార్క్ బ్యాడ్మింటన్‌ ప్లేయర్‌ మథియాస్‌ బోతో పదేళ్లుగా డేటింగ్‌లో ఉన్న తాప్సీ.. పెద్దలను ఒప్పించి పెళ్లి చేసుకున్నారు. సిక్కు, క్రిష్టియన్‌ సంప్రదాయాల ప్రకారం ఉదయ్‌పూర్‌లో పెళ్లి చేసుకున్నారు ఈ జంట. ఈ పెళ్లికి కేవలం కుటుంబ సభ్యులే హాజరయ్యారు. మొత్తానికి సీక్రేట్ మ్యారేజ్‌లు ట్రెండ్ అయిపోతున్నాయిప్పుడు.