పెళ్లి మీద తొందరపాటు నిర్ణయాలు తీసుకోవడానికి కారణం అదే.. హీరోయిన్ షాకింగ్ కామెంట్స్
ఎస్తేర్ నొరోన్హా గురించి ప్రత్యేకంగా చెప్పాల్సిన అవసరం లేదు. కాగా గతంలో ఆమె ఓ ఇంటర్వ్యూలో ఆసక్తికర విషయాలను పంచుకుంది. నటి ఎస్తేర్ నొరోన్హా తన వ్యక్తిగత జీవితం, ముఖ్యంగా ఆమె గత వివాహం మరియు దాని పర్యవసానాలపై తన లోతైన ఆలోచనలను పంచుకున్నారు.
ఎస్తేర్ నొరోన్హా గురించి ప్రత్యేకంగా చెప్పాల్సిన అవసరం లేదు. కాగా గతంలో ఆమె ఓ ఇంటర్వ్యూలో ఆసక్తికర విషయాలను పంచుకుంది. నటి ఎస్తేర్ నొరోన్హా తన వ్యక్తిగత జీవితం, ముఖ్యంగా ఆమె గత వివాహం మరియు దాని పర్యవసానాలపై తన లోతైన ఆలోచనలను పంచుకున్నారు. ఆమె తన విడాకులను జీవితంలో పశ్చాత్తాపంగా చూడటం లేదని, బదులుగా అది ఒక ముఖ్యమైన గుణపాఠమని స్పష్టం చేశారు. ఒక అధ్యాయం ముగిసినా, కొత్త పాఠాలను నేర్చుకున్నానని ఆమె తెలిపారు.
ఎస్తేర్ తనను తాను ఎక్కువగా ఆలోచించే వ్యక్తిగా అభివర్ణించుకుంటూ, అన్ని విషయాల గురించి లోతైన అవగాహన ఉన్నప్పటికీ, తన జీవితంలో కొన్ని సంఘటనలు ఎలా జరిగాయని ఆశ్చర్యపోతానని చెప్పారు. ఎవరూ పరిపూర్ణులు కారని, ప్రతి ఒక్కరికీ బలహీనతలు ఉంటాయని ఆమె గుర్తించారు. కొన్నిసార్లు ఈ బలహీనతలను మనం గుర్తించలేకపోవచ్చని లేదా ప్రేమలో ఉన్నప్పుడు వాటిని పట్టించుకోకపోవచ్చని ఆమె అభిప్రాయపడ్డారు. అయితే, తన విషయంలో తాను గుడ్డిగా ప్రేమలో లేనని ఎస్తేర్ చెప్పుకొచ్చింది.
భారతీయ సమాజంలో పాతుకుపోయిన మైండ్సెట్ను ఎస్తేర్ ప్రముఖంగా ప్రస్తావించారు. 25 లేదా 30 ఏళ్లు దాటితే పెళ్లి చేసుకోవాలనే ఒత్తిడి సర్వసాధారణమని, ఈ ఒత్తిడి యువతను తొందరపాటు నిర్ణయాలు తీసుకోవడానికి పురికొల్పుతుందని ఆమె అన్నారు. "నాకు కూడా ఒక బాయ్ఫ్రెండ్ ఉండాలి," "నేను వ్యక్తిగత జీవితంలో వెనుకబడి ఉండకూడదు" అనే భావన ఈ సామాజిక ఒత్తిడి నుంచి వస్తుందని ఆమె అన్నారు. విడాకుల రేటు పెరగడానికి ఇది ఒక ముఖ్య కారణమని ఆమె పేర్కొన్నారు, ఎందుకంటే విద్య, కెరీర్లో ఉన్నత స్థానంలో ఉన్నప్పటికీ, ఈ ఒత్తిడికి లోనై సంబంధాలలోకి ప్రవేశిస్తున్నారని తెలిపారు.
తన విడాకులు ఒక "డామేజ్ కంట్రోల్" అని ఎస్తేర్ అన్నారు. విషయాలు మరింత దిగజారకముందే తాను బయటపడగలిగానందుకు సంతోషంగా ఉన్నానని తెలిపారు. తన తల్లిదండ్రులకు భవిష్యత్తులో మరింత కష్టమైన సమాధానాలు చెప్పాల్సి వచ్చేదని, అటువంటి పరిస్థితిని నివారించినందుకు కృతజ్ఞతతో ఉన్నానని ఆమె వివరించారు. వివాహాన్ని కొనసాగిస్తే, దాని పర్యవసానాలు తన తల్లిదండ్రులపై, అలాగే భవిష్యత్తులో పిల్లలపై పడేవని ఎస్తేర్ అన్నారు. ఒక బలహీనమైన పునాదిపై నిర్మించిన సంబంధం పిల్లల భవిష్యత్తుకు మంచిది కాదని ఆమె చెప్పుకొచ్చింది.
కెరీర్లో కష్టపడితే ఫలితం ఉంటుందని, కానీ సంబంధాలు "మల్టీలేయర్డ్" అని, అవి నలుపు-తెలుపులా ఉండవని ఎస్తేర్ అన్నారు. చాలా వివాహాలు, భార్య లేదా భర్త మారతారని ఆశతో కొనసాగుతున్నాయని ఆమె ఆవేదన వ్యక్తం చేశారు. కేవలం పిల్లల కోసం లేదా ఇతర మార్గాలు లేకపోవడం వల్ల చాలా మంది సంబంధాలలో ఇరుక్కుపోతున్నారని, కానీ ఇరుక్కుపోవడం సంతోషకరమైన వివాహం కాదని ఆమెఅన్నారు. తన విషయంలో, తన తల్లిదండ్రులు సమాజాన్ని ఎలా ఎదుర్కొంటారనే ఆలోచనతో ఒక బంధంలో ఇరుక్కుపోయే ముందు, తాను సరైన నిర్ణయం తీసుకున్నానని ఆమె అన్నారు.