Movie Updates: బాలయ్య నెక్స్ట్ మూవీ షురూ.. ఆ వార్తలపై స్పందించిన మృణాల్..
భగవంత్ కేసరి సినిమాతో మరో బ్లాక్ బస్టర్‌ను తన ఖాతాలో వేసుకున్న నందమూరి బాలకృష్ణ, ఏ మాత్రం గ్యాప్ తీసుకోకుండా నెక్ట్స్ మూవీకి రెడీ అవుతున్నారు. పెళ్లి వార్తలపై స్పందించారు హ్యాపెనింగ్ బ్యూటీ మృణాల్ ఠాకూర్‌. మాలీవుడ్ స్టార్ హీరో టోవినో థామస్‌ లీడ్ రోల్‌లో తెరకెక్కుతున్న లేటెస్ట్ మూవీ నడిగర్ తిలకం. మోస్ట్ అవెయిటెడ్ టైగర్‌ 3 సెన్సార్ కార్యక్రమాలు పూర్తి చేసుకుంది. ఏడేళ్ల విరామం తరువాత ప్లానెట్ ఆఫ్ ది ఏప్స్ సిరీస్‌లో వస్తున్న సినిమా కింగ్‌డమ్ ఆఫ్ ది ప్లానెట్ ఆఫ్ ది ఏప్స్.
భగవంత్ కేసరి సినిమాతో మరో బ్లాక్ బస్టర్‌ను తన ఖాతాలో వేసుకున్న నందమూరి బాలకృష్ణ, ఏ మాత్రం గ్యాప్ తీసుకోకుండా నెక్ట్స్ మూవీకి రెడీ అవుతున్నారు. బాబీ దర్శకత్వంలో తెరకెక్కబోయే సినిమా రెగ్యులర్ షూటింగ్ ఈ నెల 6న ప్రారంభం కానుంది. తొలి షెడ్యూల్‌లో భారీ సెట్‌లో యాక్షన్‌ సీన్ చిత్రీకరించేందుకు రెడీ అవుతున్నారు.
పెళ్లి వార్తలపై స్పందించారు హ్యాపెనింగ్ బ్యూటీ మృణాల్ ఠాకూర్‌. సోషల్ మీడియా వైరల్ అవుతున్న న్యూస్, రూమర్‌ అంటూ కొట్టి పారేశారు. 'అందరూ ఫోన్ చేసిన పెళ్లి గురించి అడుగుతున్నారు. ఇంతకీ ఆ అబ్బాయి ఎవరో నాకూ చెప్పండి. పెళ్లి వేదిక రెడీ చేస్తాను' అంటూ సెటైర్ వేశారు. ప్రస్తుతం బాలీవుడ్‌తో పాటు సౌత్‌ సినిమాలతోనూ బిజీగా ఉన్నారు మృణాల్.
మాలీవుడ్ స్టార్ హీరో టోవినో థామస్‌ లీడ్ రోల్‌లో తెరకెక్కుతున్న లేటెస్ట్ మూవీ నడిగర్ తిలకం. భారీ బడ్జెట్‌తో తెరకెక్కుతున్న ఈ సినిమా చిక్కుల్లో పడింది. తమిళ నటుడు శివాజీ గణేషణ్‌, నడిగర్ తిలకం అన్న పేరుతో పాపులర్. అందుకే ఆ టైటిల్‌ను ఆయన బయోపిక్‌కు మాత్రమే వాడాలని, మరే సినిమాకు వాడొద్దు అంటూ ఆందోళన చేస్తున్నారు ఫ్యాన్స్‌.
మోస్ట్ అవెయిటెడ్ టైగర్‌ 3 సెన్సార్ కార్యక్రమాలు పూర్తి చేసుకుంది. దీపావళి కానుకగా నవంబర్ 12న రిలీజ్‌కు రెడీ అవుతున్న ఈ సినిమాకు యూ బై ఏ సర్టిఫికేట్‌ జారీ చేసింది సెన్సార్ బోర్డ్‌. వై ఆర్‌ ఎఫ్‌ స్పై యూనివర్స్‌లో భాగంగా రూపొందిన ఈ సినిమాకు మనీష్ శర్మ దర్శకుడు. సల్మాన్‌ ఖాన్‌, కత్రినా కైఫ్‌ జంటగా నటించారు.
ఏడేళ్ల విరామం తరువాత ప్లానెట్ ఆఫ్ ది ఏప్స్ సిరీస్‌లో వస్తున్న సినిమా కింగ్‌డమ్ ఆఫ్ ది ప్లానెట్ ఆఫ్ ది ఏప్స్. గతంలో ఈ సిరీస్‌లో వచ్చిన సినిమాలు ఇండియాలోనూ భారీ వసూళ్లు సాధించాయి. దీంతో అప్‌ కమింగ్ సినిమా విషయంలో ఇక్కడ కూడా భారీ హైప్‌ క్రియేట్ అవుతోంది. తాజాగా ఈ సినిమా ట్రైలర్ రిలీజ్ చేశారు మేకర్స్‌.