NBK 109: మళ్లీ సెట్స్‌పైకి వచ్చేసిన నటసింహం.. బాలయ్య 109 మూవీ విశేషాలు ఇవే..
ఎన్నికలు అయిపోయాయి.. ప్రచారాలు ముగిసాయి.. ఫలితాలు రావడమే తరువాయి..! అవొచ్చే వరకు చూస్తూ కూర్చోవడం తప్ప చేసేదేం లేదు. మరి ఈ లెక్కన బాలయ్య కొత్త సినిమా షూటింగ్ ముచ్చట్లేంటి..? ఎన్నికలకు ముందు ఆగిన షూటింగ్‌కు మళ్లీ రెక్కలొచ్చేదెప్పుడు..? బాలయ్య మళ్లీ మొహానికి రంగేసుకునేదెప్పుడు..? NBK109 షూటింగ్‌పై స్పెషల్ స్టోరీ.. కొన్ని రోజులుగా రాజకీయాలతోనే బిజీగా ఉన్నారు బాలకృష్ణ. ఫిబ్రవరి వరకు నాన్ స్టాప్‌గా బాబీ సినిమాతో బిజీగా ఉన్న NBK.. మార్చ్ నుంచి మాత్రం పూర్తిగా పాలిటిక్స్‌కే పరిమితం అయిపోయారు.
ఎన్నికలు అయిపోయాయి.. ప్రచారాలు ముగిసాయి.. ఫలితాలు రావడమే తరువాయి..! అవొచ్చే వరకు చూస్తూ కూర్చోవడం తప్ప చేసేదేం లేదు. మరి ఈ లెక్కన బాలయ్య కొత్త సినిమా షూటింగ్ ముచ్చట్లేంటి..? ఎన్నికలకు ముందు ఆగిన షూటింగ్‌కు మళ్లీ రెక్కలొచ్చేదెప్పుడు..? బాలయ్య మళ్లీ మొహానికి రంగేసుకునేదెప్పుడు..? NBK109 షూటింగ్‌పై స్పెషల్ స్టోరీ..
కొన్ని రోజులుగా రాజకీయాలతోనే బిజీగా ఉన్నారు బాలకృష్ణ. ఫిబ్రవరి వరకు నాన్ స్టాప్‌గా బాబీ సినిమాతో బిజీగా ఉన్న NBK.. మార్చ్ నుంచి మాత్రం పూర్తిగా పాలిటిక్స్‌కే పరిమితం అయిపోయారు. అటు పార్టీ ప్రచారంతో పాటు.. సొంత నియోజకవర్గం కోసం సమయం కేటాయించారు బాలయ్య. భారీ గ్యాప్ తర్వాత మళ్లీ సినిమాల వైపు వచ్చేస్తున్నారీయన.
ఎన్నికలకు ముందే బాబీ సినిమా షూటింగ్ సగానికి పైగా పూర్తైంది. టీజర్ కూడా విడుదల చేసారు దర్శక నిర్మాతలు. దానికి కూడా అదిరిపోయే రెస్పాన్స్ వచ్చింది. 80స్ నేపథ్యంలో సాగే మాఫియా బ్యాక్‌డ్రాప్ సినిమా ఇది. మరోసారి పవర్ ఫుల్ పాత్రలో కనిపిస్తున్నారు బాలయ్య.
తాజాగా ఈ చిత్ర కొత్త షెడ్యూల్‌పై క్లారిటీ వచ్చింది. ఎన్నికల ఫలితాలకు ముందే సెట్‌కు రానున్నారు బాలయ్య. మే చివరి వారంలో బాబీ సినిమా సెట్‌లో అడుగు పెట్టనున్నారు బాలయ్య. ఆ తర్వాత వారం రోజులకే ఎన్నికల ఫలితాలు రానున్నాయి.
అవొచ్చిన తర్వాత మూడు నాలుగు రోజుల షార్ట్ బ్రేక్ తీసుకుని.. వెంటనే మళ్లీ సెట్‌లో జాయిన్ కానున్నారీయన. అన్నీ కుదిర్తే దసరాకు సినిమా విడుదల చేయాలని చూస్తున్నారు. మొత్తానికి రియల్ షో అయిపోయింది.. ఇప్పుడు రీల్ షో మొదలు కానుందన్నమాట.