హీరోయిన్స్‌ను రిపీట్ చేస్తోన్న అక్కినేని వారసుడు.. హిట్ జోడీతో బాక్సాఫీస్ షేకే!
స్క్రీన్‌ మీద ఒక్కసారి హిట్ అయిన జంటను మళ్లీ మళ్లీ ఇష్టపడతారు ఆడియన్స్. స్క్రీన్‌ లుక్‌ కలర్‌ఫుల్‌గా ఉంటుందనుకున్నప్పుడు ఆ జోడీని రిపీట్ చేయాలనే చూస్తారు మేకర్స్. ప్రేక్షకులు ఇష్టపడతారనో, సబ్జెక్ట్ డిమాండ్‌ చేసిందనో, కాంబినేషన్‌ కలర్‌ఫుల్‌గా ఉంటుందనో... విషయం ఏదైతేనేం... నాగచైతన్య సినిమాల్లో ఇప్పుడు రిపీటెడ్‌ హీరోయిన్లు కనిపిస్తున్నారు. కథ ఎంతో నచ్చితే తప్ప, ఒక్కసారి నటించిన హీరో పక్కన మళ్లీ నటించడానికి గ్రీన్‌ సిగ్నల్‌ ఇవ్వరు సాయిపల్లవి. అలాంటిది లవ్‌స్టోరీ నాగచైతన్యకు వెంటనే కాల్షీట్‌ ఇచ్చేశారు ఈ అమ్మణి.
స్క్రీన్‌ మీద ఒక్కసారి హిట్ అయిన జంటను మళ్లీ మళ్లీ ఇష్టపడతారు ఆడియన్స్. స్క్రీన్‌ లుక్‌ కలర్‌ఫుల్‌గా ఉంటుందనుకున్నప్పుడు ఆ జోడీని రిపీట్ చేయాలనే చూస్తారు మేకర్స్. ప్రేక్షకులు ఇష్టపడతారనో, సబ్జెక్ట్ డిమాండ్‌ చేసిందనో, కాంబినేషన్‌ కలర్‌ఫుల్‌గా ఉంటుందనో... విషయం ఏదైతేనేం... నాగచైతన్య సినిమాల్లో ఇప్పుడు రిపీటెడ్‌ హీరోయిన్లు కనిపిస్తున్నారు.
కథ ఎంతో నచ్చితే తప్ప, ఒక్కసారి నటించిన హీరో పక్కన మళ్లీ నటించడానికి గ్రీన్‌ సిగ్నల్‌ ఇవ్వరు సాయిపల్లవి. అలాంటిది లవ్‌స్టోరీ నాగచైతన్యకు వెంటనే కాల్షీట్‌ ఇచ్చేశారు ఈ అమ్మణి. శేఖర్‌ కమ్ముల దర్శకత్వంలో తెరకెక్కిన సినిమా లవ్‌స్టోరీ. విడుదలైనప్పుడు బాక్సాఫీస్ దగ్గర మిక్స్డ్ టాక్‌ తెచ్చుకున్నప్పటికీ, యువత మనసులను తాకిన సినిమాగా పేరు తెచ్చుకుంది లవ్‌స్టోరీ.
లవ్‌స్టోరీ జోడీ తండేల్‌కి రిపీట్ అవుతుందనే టాక్‌ రాగానే ఆటోమేటిగ్గా ప్రాజెక్ట్ కి క్రేజ్‌ వచ్చేసింది. చందూ మొండేటి దర్శకత్వం వహిస్తున్న ఈ సినిమా కోసం చైతూ, సాయిపల్లవీ ఇద్దరూ ఉత్తరాంధ్ర యాస నేర్చుకున్నారు. తండేల్‌ డైలాగులతో రీసెంట్‌గా వేలంటైన్స్ డే సందర్భంగా వీరిద్దరూ చేసిన రీల్‌ కూడా యమాగా వైరల్‌ అయింది.
తండేల్‌లో సాయిపల్లవిని రిపీట్ చేసినట్టే, నెక్స్ట్ సినిమాలో పూజా హెగ్డేని రిపీట్ చేస్తున్నారట నాగచైతన్య. పూజా హెగ్డే కెరీర్‌ స్టార్టింగ్‌లో చైతన్యతో కలిసి ఒక లైలాకోసం సినిమా చేశారు. బ్రీజీ లవ్‌స్టోరీగా తెరకెక్కింది ఓ లైలా కోసం. ఆ తర్వాత ఈ జంట మళ్లీ కలిసి కనిపించలేదు. పదేళ్ల తర్వాత ఈ కాంబో మళ్లీ స్క్రీన్‌ మీదకు రానుంది.
విరూపాక్ష ఫేమ్‌ కార్తిక్‌ దండు దర్శకత్వంలో నాగచైతన్య ఓ సినిమా చేయడానికి గ్రీన్‌ సిగ్నల్‌ ఇచ్చారట. ఈ సినిమాలోనే చైతూకి జోడీగా పూజా హెగ్డేని ఫిక్స్ చేసినట్టు ఫిల్మ్ నగర్‌లో వార్తలు జోరందుకున్నాయి. పౌరాణిక, థ్రిల్లర్‌ అంశాలతో పాటు మిస్టరీ ప్రధానంగా సాగుతుందట ఈ సబ్జెక్ట్.