Citroen Basalt C3: ఆ కార్లపై నమ్మలేని ఆఫర్లు.. ఆ మోడల్‌కు మాత్రమే ప్రత్యేక తగ్గింపులు
సొంత కారు అనేది ప్రతి మధ్య తరగతి కుటుంబాల కలగా ఉంటుంది. ప్రస్తుతం డిసెంబర్ నెలాఖరున మనం ఉన్నాం. ఈ నేపథ్యంలో కొత్త ఏడాది కొత్త మాన్యుఫ్యాక్చరింగ్ ఇయర్‌తో కార్లను అమ్మకాలు జోరుగా ఉంటాయి. అయితే కంపెనీలు ఓల్డ్ మాన్యుఫ్యాక్చరింగ్ ఇయర్‌తో ఉండే కార్లపై ఆఫర్లు ఇస్తున్నాయి. తాజాగా ప్రముఖ కంపెనీ బసాల్ట్ సిట్రోయెన్ సీ-3 కారుపై ఇలాంటి ఆఫర్‌నే ప్రకటించింది.
సిట్రోయెన్ కంపెనీ 2023, 2024 మాన్యుఫ్యాక్చరింగ్ ఇయర్ల స్టాక్లను క్లియర్ చేయడానికి ఫ్రెంచ్ వాహన తయారీ సంస్థ బసాల్ట్, ఎయిర్స్, సీ-3 మోడళ్లపై భారీ ప్రయోజనాలను అందిస్తోంది. ఈ ప్రయోజనాలు డిసెంబర్ 31, 2024 లోపు కార్లు కొన్న వారికి మాత్రమే అందుబాటులో ఉంటాయి.
బసాల్ట్ కూపే ప్రస్తుతం రూ. 80,000 వరకు ప్రయోజనాలతో అందుబాటులో ఉంది. మాన్యుఫ్యాక్చరింగ్ ఇయర్ 2024 మోడల్స్ పరిమిత స్టాకుకు మాత్రమే ఈ తగ్గింపు వర్తిస్తుంది.
ఎంట్రీ-లెవల్ సీ-3కు రూ. 1 లక్ష వరకు ప్రయోజనాలతో అందిస్తున్నారు. ఈ ప్రయోజనాలు మాన్యుఫ్యాక్చరింగ్ ఇయర్ 2023 వాహన స్టాక్ కు వర్తిస్తాయి.
సిట్రోయెన్ బసాల్ట్, ఎస్‌యూవీ కూపే, భారతదేశంలో రూ. 7.99 లక్షల ప్రారంభ ధరతో విక్రయిస్తోంది. దీని టాప్-స్పెక్ మోడల్ ధర రూ. 13.95 లక్షలు.
సిట్రోయన్ అనేది ఫ్రెంచ్ కార్మాకర్ నుంచి ఎంట్రీ-లెవల్ మోడల్. దీని బేస్ ధర రూ. 6.16 లక్షలుగా ఉంటే దీని టాప్- స్పెక్ ట్రిమ్ ధర రూ. 10.26 లక్షలుగా ఉంటుంది. అలాగే ఎయిర్ క్రాస్ కాంపాక్ట్ ఎస్‌యూవీ ధరలు రూ. 8.49 లక్షలు నుంచి రూ. 14.54 లక్షల వరకు ఉంటుంది.