Top 5 EV Cars: 2023లో రిలీజైన టాప్‌ ఈవీ కార్లు ఇవే.. స్టైలిష్‌ లుక్‌తో సూపర్‌ ఫీచర్స్‌ ఈ కార్ల సొంతం
భారతదేశంలో ఈవీ వాహనాల జోరు నడుస్తుంది. పెరుగుతున్న పెట్రోల్‌ ధరలకు ప్రత్యామ్నాయంగా ఈవీ వాహనాలు మార్కెట్‌లో హల్‌ చల్‌ చేస్తున్నాయి. కాలుష్య నివారణకు ప్రభుత్వాలు కూడా సబ్సిడీలు అందజేయడంతో ఈవీ వాహనాల ధరలు సామాన్యులకు అందుబాటులోకి వచ్చాయి. అయితే ఈవీ వాహనాల్లో టూ వీలర్స్‌ ఎక్కువగా ప్రజలను ఆకట్టుకున్నా కార్లు మాత్రం కాస్త వెనుకబడే ఉన్నాయి. ముఖ్యంగా ఈవీ కార్ల పరిధి భయంతో ఎక్కువ మంది ఈ కార్లను కొనుగోలు చేయలేదు. అయితే 2023లో ఈ సమస్యకు చెక్‌ పెడుతూ అధిక పరిధితో పాటు సూపర్‌ మైలేజ్‌ ఇచ్చే ఈవీ కార్లు మార్కెట్‌లో రిలీజ్‌ అయ్యాయి. ఈ నేపథ్యంలో 2023లో మార్కెట్‌ రిలీజై సేల్స్‌పరంగా అదరగొడుతున్న ఈవీ కార్ల గురించి ఓ సారి తెలుసుకుందాం.
ఎంజీ కామెట్‌ ఈవీ ఒక క్లోజ్డ్ ఆఫ్ గ్రిల్, ఇల్యూమినేటెడ్ లోగో వెనుక ఛార్జింగ్ పోర్ట్, ఆల్ ఎల్‌ఈడీ లైటింగ్ సెటప్, డిజైనర్ కవర్‌లతో కూడిన 12 అంగుళాల స్టీల్ వీల్స్, బంపర్-మౌంటెడ్ ఫాగ్ ల్యాంప్‌లను పొందుతుంది. ఈ కారు క్యాబిన్‌లో నాలుగు సీట్లు, మాన్యువల్ ఏసీ, పవర్ విండోస్, రెండు టోన్ డాష్‌బోర్డ్, ఫాబ్రిక్ అప్హోల్స్టరీ, లెదర్‌ మల్టీఫంక్షనల్ స్టీరింగ్ వీల్ ఉన్నాయి. విచిత్రంగా కనిపించే కారు 17.3 కేడబ్ల్యూహెచ్‌ బ్యాటరీ ప్యాక్ వచ్చే ఈ కారు 230కిమీ పరిధితో వస్తుంది.
టాటా నెక్సాన్‌ ఈవీ స్పోర్ట్స్ బంపర్ మౌంటెడ్ ఎల్‌ఈడీ హెడ్‌ల్యాంప్‌లు, సీక్వెన్షియల్ లైటింగ్‌తో ఆకర్షణీయంగా ఉంటుంది. 16 అంగుళాల వీల్స్, వై - ఆకారపు ఎల్‌ఈడీ టెయిల్‌ల్యాంప్‌లు ఈ కారు ప్రత్యేకతలుగా ఉన్నాయి. క్యాబిన్‌లో డ్యూయల్ టోన్ డ్యాష్‌బోర్డ్, టచ్ ఆధారిత బ్యాక్‌లిట్ స్విచ్‌లు, వైర్‌లెస్ ఛార్జర్, 10.25-అంగుళాల పూర్తి డిజిటల్ ఇన్‌స్ట్రుమెంట్ క్లస్టర్, 12.3 అంగుళాల ఇన్ఫోటైన్‌మెంట్ సిస్టమ్ ఉన్నాయి. అలాగే 30 కేడబ్ల్యూహెచ్‌ బ్యాటరీ వచ్చే ఈ కారు 325 కిమి పరిధితో వస్తుంది. అలాగే 40.5 కేడబ్ల్యూహెచ్‌ యూనిట్‌తో వచ్చే కారు 465 కిమి పరిధితో వస్తుంది.
మెర్సిడెస్‌ బెంజ్‌ ఈక్యూఈ ఎస్‌యూవీ గ్లోస్ బ్లాక్ క్లోజ్డ్ ఆఫ్ గ్రిల్, స్వెప్ట్-బ్యాక్ ఎల్‌ఈడీ హెడ్‌ల్యాంప్‌లు, పూర్తి వెడల్పు ఎల్‌ఈడీ లైట్ బార్, ఫ్లష్-ఫిట్టెడ్ డోర్ హ్యాండిల్స్, కనెక్ట్ చేసిన ఎల్‌ఈడీ టైల్‌లైట్లను పొందుతుంది. దీని విలాసవంతమైన క్యాబిన్‌లో ప్రీమియం అప్హోల్స్టరీ, పవర్డ్ సీట్లు, పనోరమిక్ గ్లాస్ రూఫ్, ఎయిర్ ప్యూరిఫైయర్, భారీ 56.0 అంగుళాల ఎంబీయూక్స్‌ హైపర్‌ స్క్రీన్‌ ఉన్నాయి . పెద్ద 90.6 కేడబ్ల్యూహెచ్‌ బ్యాటరీ ప్యాక్‌తో డ్యూయల్ మోటార్ సెటప్ 550 కిమీల పరిధితో వస్తుంది.
బీఎండబ్ల్యూ ఐ7లో మ్యాట్రిక్స్ ఎల్‌ఈడీ హెడ్‌లైట్లు, స్ప్లిట్-టైప్ డీఆర్‌ఎల్‌లు, ఒక ఇల్యూమినేటెడ్ కిడ్నీ గ్రిల్, కెపాసిటివ్ బటన్‌లతో కూడిన ఫ్లష్-ఫిట్టెడ్ డోర్ హ్యాండిల్స్, బ్లాక్-అవుట్ ఎలిమెంట్స్‌తో ర్యాప్ అరౌండ్ ఎల్‌ఈడీ టెయిల్‌లైట్‌లు ఉన్నాయి. క్యాబిన్ మల్టీ-కలర్ యాంబియంట్ లైటింగ్, పూర్తి-వెడల్పు లైట్ బ్యాండ్‌తో వస్తుంది. పనోరమిక్ స్కై లాంజ్ ఎల్‌ఈడీ రూఫ్, రూఫ్-మౌంటెడ్ 31.3 అంగుళాల 8కే థియేటర్ స్క్రీన్‌తో వస్తుంది. ఐ7 101.7 కేడబ్ల్యూహెచ్‌ బ్యాటరీతో వచ్చే ఈ కారు 600 కిమి పరిధితో డ్యూయల్-మోటార్ సెటప్ ద్వారా శక్తిని పొందుతుంది.
హ్యూందాయ్‌ ఐఓనిక్‌లో క్లామ్‌షెల్ హుడ్, సొగసైన బ్లాక్ గ్రిల్, స్క్వేర్డ్-అవుట్ డీఆర్‌ఎ్‌తో కూడిన ఎల్‌ఈడీ హెడ్‌లైట్లు, ఫ్లష్-ఫిట్టెడ్ డోర్ హ్యాండిల్స్, పిక్సలేటెడ్ ఎల్‌ఈడీ టెయిల్‌లైట్‌లు ఉన్నాయి. ఐదు సీట్ల క్యాబిన్ పవర్-అడ్జస్టబుల్ ఫ్రంట్ సీట్లు, గ్లాస్ రూఫ్, బోస్ సౌండ్ సిస్టమ్, ఇన్‌స్ట్రుమెంట్ క్లస్టర్, ఇన్ఫోటైన్‌మెంట్ ప్యానెల్ కోసం రెండు 12.25 అంగుళాల స్క్రీన్‌లను అందిస్తుంది. ఈ ఈవీ పెద్ద 72.6 కేడబ్ల్యూహెచ్‌ బ్యాటరీ ప్యాక్‌తో వచ్చేఏ ఈ కారు 631 కిమి పరిధితో వస్తుంది.